#ورد_العمر
الحلقة :: 23 ::
ميار: لااااااااااااا زيااااااااااااااااااااااد
وقعدت تصيح وتبكي .. ووجدي ضحك بضحكة
أما زياد مشت سيارته ع طريق التانية وتلقاته سيارة تانية
,,,,,,,,,,,,,,,,,,,,,,,,,,,,,,,,,
الراجل: فيك شي خوي !!
زياد: آاااااخ راسي بس :(
الراجل: شن يللي صارلك بالزبط !!
زياد: مانعرفش .. كل يللي نتفكره درت حادث بسيط .. شن وصلني للمستشفى توا !!
الراجل: آها .. توا الساعة 1 في الليل .. لقيتك في سيارتك وراسك دم قمتك وجبتك هنا :)
زياد: بارك الله فيك .. تليفوني وين !!
الراجل: ماكانش معاك تليفون :\
زياد: ممكن ناسيه .. ممكن تعطيني هاتفك شويا !!
الراجل: اوكي تفضل :)
زياد ضرب الرقم واتصل بأمه طوول
مريم: السلام عليكم :(
زياد: وعليكم السلام .. يمة انا زياد :)
مريم: زياد وليدي .. وينك انشغلت عليك لواااه عليك ماكلمتنيش .. خليتني ندور في كسبرة :(
زياد: صار معاي حادت صغير وآني توا مروح للحوش :)
مريم: حادت شني اسم لله !!
زياد: ماتخافيش عليا .. مروح تو نحكيلك .. اتصلي بمحمد يجي يروح بيا في مستشفى (..).. هي سلامات :)
سكر ومد الهاتف للراجل :)
الراجل: عفواا .. بنقولك شي ومتحشم !!
زياد: آها تفضل :\
الراجل: وين ركبتك لسيارتي وجايبك هنا .. نضت تهلوس وتقول ميار ليا حرام عليك .. أنا أسف لأني ادخلت بس حبيت نقولك ماديرش في روحك هكي ع شان الذنب مش ذنبك :)
زياد: آمممم .. آآآآه ربي يهديني ان شا الله .. مشكور خوي مرة تانية :)
الراجل: آها تفضل نوصلك للحوش :)
زياد: لا مش لازم .. صاحبي جايني :)
الراجل: أوكي تبي اي شي تفضل وهذا رقمي :)
,,,,,,,,,,,,,,,,,,,,,,,,,,,,,,,,,,,,,,,,,
وجدي: وووووووووووووووه بكي هم أغبر .. نبي نفهم شن تبي اكتر من هكي .. عشي وجبتلك عشي واتي وشموع وحركات .. وتورتة آهو مدايرلك .. آيفون 6 يللي عمرك ماحلمتي تشريه في حوش اماليك جبتهولك .. قاعدة تبكي ع السنكوووح هداكا .. راهووو ماااااااات مااااات انسيه خلااااااص .. انتي ليا انا .. وزياد مستحيل يطلع منها .. فــ خلينا ياروحي أول ليلة حلوة مع بعض <3
وحط ايده ع كتف ميار .. نفضتها ووقفت :(
ميار: بعد من عليااا انا نكرهك باااش تفهم نكرهك .. انا نحب زيااااد وزيااااااااد مستحيل يمووووت حرام عليك ربي بيحاسبك .. كلكم ربي بيحاسبكم ع اللي درتوووه فيا دفنتوني وانا حية .. حرااااااااااااام :( (( وقعدت تبكي وقعمزت ع كرسي الشكماجة .. وقعدت تمسح في مكياجها بغل غلها .. وتفك في التسريحة لين ريشت شعرها .. ))
أما وجدي ناض من جنبها متعصب .. خش لدار المعيشة فتح التلفزيون وقعد يتفرج ويضحك وجوه مليح .. لين خداه النوم
#ميار في عاااالم تاني .. سكرت الدار عليها بالمفتاح وحطت في بالها ان مستحيل تسمح لوجدي يمسها ولا يقربها بشي .. بتّصر انها تتطلق منه وترجع لزياد وتتزوجه .. هيا هكي حاطة في بالها .. بس وجدي شن حاطه في باله !!
هذا المهم :\
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
أسعد: خاطري لو مرة تقوليهالي :\
عبير: آووووف يااسعد بالسيف هيا -_-
أسعد: علاش بالسيف ؟؟.. مش انتي وافقتي لأنك ارتاحتيلي وتحبيني !!
عبير: انا نتحشم .. ومعليشي اعصابي تعبانة وبنخش نرقد تبي شي !!
أسعد: مانبي شي .. سلام
سكر أسعد طايرتله .. وحس ان عبير مش متقبلاته نهائيا وقاعد تغصب في نفسها عليه .
,,,,,,,,,,,,,,,,,,,,,,,,,,,,,,,,,,,,,,,,,,,,,,,
فات هاليـــوم الصعبــ ع الجميـــع :(
محمد فاتح الفيس ع فونه .. وشاف بوست لزياد مكتوب (( أفتقدكــ يأبي .. لو رأيت الأن لــرتميتُ في أحضانكــ ))
دارله لايك .. وكيف بيسكر لمح اسم (( Joody Ali ))
معلقة ع بوست زياد (( الله يرحمك ياجدو :( ))
خش لبروفايلها قعد يلف .. مالقاش أي شي ليه علاقة بالحب ودوشته .. بعتلها إضافة .. وبدت القصة بالنسبة لمحمد .. ومنها ح يعرف ليش رفضاته فجأة !!
,,,,,,,,,,,,,,,,,,,,,,,,,,,,,,,,,
غيداء: الحمد لله ياربي .. تعبت وخديت نتيجة تعبي :)
نسرين: ايه الف الف مبرووووك .. وأخيرا بتتخرجي وبنتفكى منك :)
غيداء: ههههههههه الفال ليك حبوبتي <3
نسرين: أنا مازااااااااال هههههههه
غيداء: لا خلاص حتي انتي اخرلك سميستر :)
نسرين: حي غير شوفي من جاينا :\
قامت عينها غيداء لقاته منذر جاي ... ناضت وقفت بتمشي هيا وصاحبتها سرع خطوته ووقف قدامها :\
غيداء: لو سمحت بعد عن طريقي -_-
منذر: خيرك كارهتيني !!
غيداء: هيا كلمة بعد عن طريقي وتمينا -_-
منذر: لو سمحتي يابنية خلينا بروحنا :)
نسرين: اوكي :\
غيداء: ماتمشيش نوسة خليك .. تفضل شن تبي -_-
منذر: مبروووك
غيداء: الله يبارك فيك :\
منذر: فرحتلك من كل قلبي تصدقي .. ولا حرقتيني في شي
غيداء: علاش بنحرقك متلا !!
منذر: هههههههه ماتمشيش معاك جو المكابرة
غيداء: بالله عليك برا شكلك فاضي وخاطرك تكسد عليا -_-
مشت غيداء وخلاته ..
في بال #غيداء يحكي ع التخرج <3
أما في بال #منذر موضوع الخطوبة <3
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
جيداء: حي عليا هذا محمد باعتلي طلب .. كيف بندير ياربي !!
مرت خالها ( حليمة ): معاش تحاحي يابنتي حرام :)
جيداء: آها .. ايه صح اسفة :)
رحمة ( بنت خالها ): جودي امتي بترقدي ؟؟
جيداء: آه بنقرا وردي من القرآن وبنرقد :)
رحمة: أوكي انا بنرقد تصبحي ع خير ماما وجودي :)
حليمة: وانتي من اهل الخير .. جودي ماتعطليش ع الهاتف يشغلك عن صلاتك وقرأنك ره :)
جيداء: حاااضر :)
بعتت جيداء مسج لمحمد (( أسفة عمي محمد مانقدرش نقبل انا مانضيفش في ولاد .. حبيت نعتذر منك لانك صاحب عمو زيزو :) .. تصبح ع خير ))
محمد: مش لازم تقبلي .. بس قوليلي شن سر رفضك ليا ياجيداء !!
جيداء: سبب شخصي مانقدرش نقولك اسفة :)
محمد: باهي ليش معاش نشوف فيك تمشي للمدرسة ولا حتي صدفة !!
جيداء: انا اصلا مش في حوشنا .. قاعدة في حوش خالي في مصراتة :)
محمد: مصراتة !!... ليش بس !!
جيداء: حبيت نعتذر ياعمي مش نفتح موضوع يلا تصبح ع خير :(
سكرت جيداء وقعدت تبكي وحست الولد حاس بغيابها ويحبها ويبي يتقرب منها .. جي من الباب بس حتي الباب ماقدرتش تفوته منه .. وقدر يفوت #قلبها <3
أما #محمد استغرب فيها (( رفضتني .. وبعدين مشت لمصراتة !!... تي والله لما يطلع في موضوع مش من بلاش :\ .. باذن الله الايام الجاية بنمشيلها والله لما نعرف سبب رفضها ليا ))
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
وجدي الصبح قعد يخبط ع الباب زي المجنون >_<
وجدي: افتحي ميار .. أمي تراجي فينا ع الفطووور
ميار: مانبيش نفطر صحة .. خليني في حالي بالله عليك :(
وجدي: تي باهي باه .. الايام جاية وتو تشوفي -_-
طلع لأمه يللي تسكن جنبهم .. فتحت ميار الباب ودارت ع الحوش لاقاته مهناش .. خذت فونها وخشت للدار تجري .. وضربت أول رقم حفظاته (( زياد <3 <3 ))
طبعا شفرتها جديدة :)
ميار: آلو
زياد: ميار :o
ميار: عرفتني من صوتي !!
زياد: ايه .. الصوت الوحيد يللي مستحيل ننساه والا نتلخبط فيه ..
ميار: نحبك والله نحبك ونموووت فيك
زياد: حتي انا نحبك وح نقعد طووول عمري نحبك .. بس مستحيل نرضاهالك الحركة هادي .. انتي ع ذمة راجل وتكلمي فيا !!
ميار: لا والله ع الورق بس .. زياد افهمني نبيه يطلقني انا ونرجعلك بالله عليك ماترفضني :(
زياد: في حالة اطلقتي ح نجي نطلبك من جديد ونتزوجك بس اوعديني معاش تكلميني بكل .. حتي لو اطلقتي ابعتيلي مسج خبرني فيه باش نعد العدة اوكي ميورتي <3
ميار: اوكي .. ان شا الله مانكون الا ليك :)
زياد: هي ردي بالك ع روحك .. ماتحاوليش تخربي حياتك لو تصلحت ع خاطري اوكي .. لو اطلقتي صدقيني انا ح نتقدملك من أول يوم :)
ميار: ان شا الله .. يلا سلامات <3
من الفرحة ميار ناضت بدلت حوايجها .. طبعا لبس محترم قدام وجدي ماتبيش تغريه بآي شي كان .. ودارت نسكافي وحطت تورتة امبارح وكلت ...
,,,,,,,,,,,,,,,,,,,,,,,,,,,,,,,,,,,,,,,,,
شن يللي بيصير في محمد وجودي !!
ومنذر وغيداء !!
ميار ووجدي !!
باهي وزياااد !!
عبير واسعد الحكاية بدت ترخي بينهم :(
#Dudu
