#ورد_العمر
الحلقة 21
زياد رن نقاله .. وشاف الاسم لقاها (( ميار ♥ ♥ )) .. رجعلته وجعهه بعد مانساه شويا .. فتح الخط بعد ماتنهد وخدي نفس عميق :)
زياد: آلوو
ميار: زيااااااااد بالله عليك تعالاااالي بيقتلوووووووني :(
زياد: شني ؟؟
ميار: آلوووو زياد تسمع فيا .. آلووووو
زياد: ياميار دوووشة جنبي مانسمعش فيك .. علي صوتك بس :)
ميار: بعد من عليهم زياااد ارجوووووك .. بيزووجووووني لوجدي وانا نكرهه
زياد: باهي شن في ايدي اندير ياميار ؟؟.. ماخليت مادرتلهم اماليك مايبوش يفهمونا :(
ميار: فاتحتي قدموها يوم الاتنين .. :(
زياد: آووووووووووف اعطيني حل ؟؟.. آمريني .. وحق ربي مالقيت حل :(
ميار: نهرب معاك .. والله انديرها ونهرب معاك
علي خشة بوها عليها في الدار وسمعها تقول في هالكلام وتكرر ..
ميار: ءءءءء
زياد: شن تهربي معاي ياميار خيرك انتي ؟؟
حميد: من تكلمي ؟؟
ميار: أنا ......
زياد: ايييييح بوها هدا >_<
حميد فك منها الهاتف: بتهربي معاه صار ؟؟.. وريني كيف بتتواصلي معاه مرة تانية باش تهربي ياحقيرة .. والله امسخة وماعرفت نربيك .. والله لما نعاود ربايتك من جديد الله >_<
وزياد سمعه بالكلمة .. خاف ع ميار وشن بيصير فيها .. فاتحتها يوم الاثنين الجاي .. مازال عليه 3 أيام .. ومافيش حل لهالمشكلة :(
,,,,,,,,,,,,,,,,,,,,,,,,,,,,,,,,,,,,,,,,,,,
كريم: تي كيف ياراجل ؟؟
منذر: والله زي مانقولك .. بعتتلي مسح نبيك ضروري وبعدين بالصدفة مار من جنب حوشهم قلت خللي ندير طلة .. وين وصلت لقيت زحمة وحوسة وين سألت قالولي بيانها -_-
كريم: تو متأكد بيانها انت ؟؟
منذر: ايه متأكد .. غيداء اكبر بنت فيهم وعمتها مخطوبة وممكن حتي تزوجت -_-
كريم: آيييح .. تي فوتها ياراجل تو شن قاعد تفكر فيها !!
منذر: مانفكرش فيها -_-
كريم: ايه قوللي .. تعالا نديرو دورة ع الخيل خاطري نهيج اليوم قداش ليا عليه ههههه
منذر: آوكي .. برا انت تو نلحقك :)
كريم: شن بدير؟؟
منذر: تي برااا ياراجل -_-
,,,,,,,,,,,,,,,,,,,,,,,,,,,,,,
تمت حوسة البيان عند عبير .. خشت لدارها دوشت وبدلت ونزلت لقت نساوين خوتها واختها يتفرجو ع دبشها <3
عبير: ان شا الله تبرو -_-
وشدت نقالها واتكت ع الصالون .. بدت تتصفح ع النت
علا: حييي غير شوفي شوفي .. جابلك ريحة بلاك تهبل <3
عبير: -_-
نهلة: هاتيها هاتيها ماتعرفش تقدّر الحاجة -_-
علا: ايه بالحق عبورة .. ماقلكش علاء والا صالح ع موعد العرس ؟؟
عبير: لا -_-
ريهام: صالح قاللي شهر 10 <3
عبير: تكذبي !!
ريهام: ايه والله :)
عبير: تي بكري خيرهم مستعجلين ؟؟
علا: هادي بدير زي مادارت في يوسف -_-
عبير: فكيني من دوتك توا .. وقليلي ريهام بجديات شهر 10 ؟؟
ريهام: ايه هكي قاللي بكري :\
عبير: آووووووووووف -_-
وناضت من جنبهم وخشت للدار ..
نهلة: خيرها اللطف ؟؟
علا: جتها الحالة فوتوها .. غير شوفو الدبلة كيف طلعت ع ايدي محلاها <3
ريهام: هئ وين غيداء امالا !!
جيداء: كانت مقعمزة شادة كتابها تراجع في درسها :
جيداء: خشت رقدت .. تعبت هلبا اليوم :(
ريهام: حتي انتي خشي غدوا قراية :(
جيداء: غدوا جمعة -_-
نهلة: دهبلها شيرتها الذهب يللي قدامها هههههه
علا: سوسن .. سووووووووسن !!
سوسن: آها :\
علا: وين سارحة وشادة الخناق ؟؟
سوسن: ههه شي .. تفكرت يوم بياني <3
علا: بالله كلنا تفكرنا هههههه .. من امبكري انق ع خالد خللي نعاودوه اليوم ههههه
سوسن: ايه :)
ابتسمت مجاملة ليها وناضت من جنبهم .. خشت للمطبخ بتشرب امية وطبست من الروشن لقت محمود شاد عيل صغير وواقف عليه بوه
بو الولد: ربي يطعمك ان شا الله :)
محمود: ايه ان شا الله .. الحق يابو جار متشوووق نشوف عيل مني :(
بو الولد: الله كريم .. انت قداش ليك متزوج !!
محمود: خاش في الرابع سنة :(
بو الولد: كل تأخيرة فيها خيرة ..
الطفل: بابا .. نبي حلوة :(
بو الولد: تي ليل منين بنجيبها -_-
كيف بيبدا يبكي ..
محمود: اسسس ماتبكيش .. الراجل مايبكيش هههه هي امشي معاي نشروها مع بعض
بو الولد: والله نقولك يامحمود تفكيت من دوشتهم هههههههه ^_^
محمود: تي لا ياراجل شن هالكلام .. تي كبدك هادي .. نعمة من ربي غيرك مش محصلها :(
بو الولد: هههههههه الحمد لله .. هي زود نتمشو في الشارع شويا :)
سوسن انغصت وشدت ع قلبها .. وقعمزت ع كرسي وقعدت تبكي .. (( ليش ربي مازال مارزقني بعيل نكحل عيني بيه .. ونفرح محمود ))
,,,,,,,,,,,,,,,,,,,,,,,,,,,,,,,,,,,,,
باتو العيلة عند مريم ..
#عبير مارقدتش في الليل تفكر في عرسها القريب .. يللي مازال مااقتنعت بأسعد باش تتزوجه .. بس ياترى هل ليوسف مازال تأتير عليها !!
#زياد يفكر في ميار وشن صار فيها بعد مافك منها بوها الهاتف .. يللي مستحيل مازال يقتنع .. تسكرت عليه اكتر ماهي متسكرة :(
#غيداء تراجي في مكالمة من منذر بس بائت بالفشل ومافيش اي استجابة بعد المسج .. اتصلت بيه اكتر من مرة وماردش
#ميار محبوسة في دارها بعد الضرب بالسبتة يللي كلاته من بوها وأصر واكتر اصراراً علي زواجها من وجدي .. رقدت وع مخدتها دموع ومافيش من يمسحهم :(
#منذر قعد يتقلب الليل بطوووله يفكر في غيداء مش متخيلها تتجرء وتلعب بعواطفه وتجرحه وتهينه وتخونه وبعدين تتزوج .. باهي وقلبه يللي حبها بصدق !!
#سوسن موضع الصغار شاغلين بالها ومش مخلينها ترقد .. كانت تحلم بعيل بينها وبين محمود يحلي حياتهم ويزينها .. بس لتوا ربي مارزقها :(
#محمد يفكر في جيداء وكان فرحااان بكلام بوها ليه اليوم .. ويراجي الفرصة المناسبة الصحيحة باش يناقش امه يللي مسكرة راسها عليها ويقنعها تروح ويتزوجها :)
,,,,,,,,,,,,,,,,,,,,,,,,,,,,,,,,,,,,,,,,,,,,,,,
ميار تخبط ع الباب : افتحوووووووووووولي .. كرهتكم انا كرهتكم .. حراااام عليكم
ولا واحد رق قلبه عليها وفتحلها .. بوها كره خوتها فيها وحكالهم شن كانت تخطط مع زياد !!
ميار: حرااااااااام والله حراااااااااااام .. آآخ ياربي نبي نمووووووت مانبيها العيشة الحرفة هادي .. يااااااااااارب نمووووووووووووت يااااارب :(
,,,,,,,,,,,,,,,,,,,,,,,,,,,,,,,,,,,,,
عبير: آلو
أسعد: صباحك عسل :)
عبير: مني !!
أسعد: ههههه انا اسعد <3
عبير: أسعد !! :o
كانت راقدة ومن الخلعة ناضت قعمزت
عبير: اهلين اسعد شن الاخبار ؟؟
أسعد: حبيت نكلمك الصبح باش نشوفك فريش اكتر <3
عبير: ههههه .. وين صبح ؟؟.. توا قريب ال 11
أسعد: عندك انتي صبح هههههه
عبير: آها .. انت وين !!
أسعد: في الشركة كيف طلعت من الميتنق :)
عبير: آها ربي يعاونك :)
أسعد: الله يسلمك :) .. هذا رقمي وامتي ماتحبي كلميني اوكي خلينا نتعرفو ع بعض اكتر :)
عبير: آوكي ان شا الله .. سلامات
أسعد: سلامات <3
سكرت عبير وتنهدت ( آآآآآآآآآآآآآآآآآه ) .. وبدأت رحلة العشق الجديد من جديد <3
,,,,,,,,,,,,,,,,,,,,,,,,,,,,,,,,,,,,,,,,,
الحاجة مريم سمعت بموضوع تقسيم الورثة .. يللي مازال داساته ع زياد لانه اكتر واحد فيهم يحب بوه وامه ويخاف عليهم .. ومستحيل تهمه الفلوس اكتر من انه أمه تقعد في حوشها معززة ومكرمة :(
علا تغذت وروحت .. والباقية روحو كل وحدة لشقتها .. وسوسن روحت لحوشها :(
عبير ركبت بتحكي لغيداءع أسعد وشن صاير فيها داخليا بالك ترتاح :(
وهيا راكبة في الدروج شبحت شاب غريب عن العمارة خشت تجري للشقة :\
زياد: خيرك؟؟
عبير: في ناس برانية :(
زياد: هدا محمود -_-
عبير: آوووووف الواحد معاش ياخد راحته في حوشه :\
زياد: شن بنديرو يعني ؟؟.. حوشه وهوا حر فيه .. البسي كووويس واركبي -_-
عبير: وين ماشي انت ؟؟
زياد: لمحمد وين يعني -_-
عبير: باهي عادي نهدرز معاك شويا :(
زياد: ايه هدرزي :\
عبير: حاسة روحي مضايقة ومش مرتاحة لأسعد :(
زياد: لو مش مرتاحة والله لما نفركس الموضوع كله .. أهم شي راحتك عندي ره :)
عبير: لا مش هكي .. مش عارفة كيف :(
زياد: ووووه ع احساس البناويت اهوا .. مش عارفة كيف .. ايه والله تحسيها اشبح كيف!
عبير: تتسهوك -_-
زياد: تي باهي قوليلي كيف مش مرتاحة للموضوع ؟؟
عبير: هكي :\
زياد: الصبر ياربي -_-
عبير: قصدي ممكن ع خاطر يوسف :(
زياد: ايه قولي هكي من الاول .. مش كل الشباب زي يوسف .. هذا اكيد ح يعزك ويقدّرك ويحترمك ومش ح ينقص عليك شي .. انتي ادعي لربي يكون الشاب يللي تحلمي بيه .. صدقيني لو بتقعدي تتشائمي من الزواج ع خاطر يوسف ومش ح تقدري تتقبلي حد ولا ح تقدري تعيشي .. صلي صلاة الاستخارة مرة وتنين وتلاتة وماتقوليش لا خلاااص توا وافقت .. تقدري تلغي كل شي لو حسيتي بشي واحد بس مضايقك منه .. آوكي :)
عبير: ان شا الله :(
زياد: سلم وخيتي خليك عبير يللي نعرفها قبل .. تي انتي تنصحي فيا توا انا ننصح فيك !!.. كيف صارت اهيا !!
عبير: هههههه تتفكر كيف ننصح فيك ع قرايتك وانا اصغير منك
زياد: ايه نتفكر حتي وين كنتي روضة وانا صف تالت تقوليلي علاش يازياد ماجاوبتش في الرياضيات راهو ساهل ههههههههههه وانتي ماتعرفيش حتي 1+1 قداش !!
عبير: ههههههههه بوي كان ديما يدعم فيا ويقوللي كلامك صح ويطلع فيك الغالط هههههه
زياد: ايه الله يرحمه كان يحبك اكتر وحدة :(
عبير: الله يرحمه ويجمعنا بيه في الجنة باذن الله :(
زياد: هي زيدي غادي عطلتيني -_-
عبير: هههههههههه اوكي :)
طلع زياد .. وعبير حست روحها ارتاحت .. ومشت بدير كيكة <3
,,,,,,,,,,,,,,,,,,,,,,,,,,,,,,,,,,
محمد: اقسم بالله وآهو قلتلك كان ماتخطبيلي هالبنت ماني واخد غيرها الله
ام محمد: تو هما وافقو عليك يللي جاي تشحط في عروقك عليا -_-
محمد: شبه موافقين :\
ام محمد: خلال خمس شهور اهما جايين لليبيا تو نشوفلك موضوعك -_-
محمد: 5 شهور !!.. تو علاش الهزوة ع الموضوع للدرجة هادي بس نبي نفهم !!
ام محمد: خلااااص محمد وانت تقول عيل .. حتي وين كنت صغير ماقعدتش تنق هكي .. تو نروح لليبيا نشوفها الانجلينا جولي اهيا -_-
محمد: استغفر الله ياربي .. هي سلامات -_-
سكر الخط وقف عليه زياد ...
زياد: خيرك قالب وجهك هههه !!
محمد: موضوع تافه مش مستاهل .. غير قوللي شن صار معاك في ميار ؟
زياد: مش عارف نخليها نندم .. نمشي وراها نخاف انضيعها البنت :(
محمد: كيف بضيعها !!
زياد: فاتحتها يوم الاثنين .. قررو وعزمو حتي عليها .. نخاف نمشي ونفركس كل شي وتطلع بسمعة مش طيبة للناس .. والله ماني عارف كيف نتصرف :\
محمد: عارفك ياخوي حاير وانت تخاف ع سمعتها هلبااا را كان هدا هربت بيها وبعدين اماليها يقتنعو وخلاص :\
زياد: انا هكي وكرهوني وكذبو عليها امالا كان نديرها شن يديرولها !! احتمال يلحقوها ويقتلوها :(
محمد: والله حرت معاك .. ربي يصبرك وخلاص :(
زياد: المشكلة خايف نرخي بالموضوع ونخليها بالك وجدي خيره ليها وليا .. تو تقول ضحك عليا وماوقفش راجل معاي !!
محمد: :(
,,,,,,,,,,,,,,,,,,,,,,,,,,,,,,,,,,,,,,,,,,,,
بو جلال: عرفتي بنت صالح الصغيرة يللي نديد صفاء :)
ام جلال: ايه ماشا الله عليها هديك البنية :)
بو جلال: هونا خطبها صاحب عمها
ام جلال: ماشا الله .. ايييه بالله كان ولدك باهي مع الناس راهو البنت هادي مافرطناش فيها :(
علي خشة جلال عليهم ..
جلال: من هيا يللي ماتبوش تفرطو فيها !!
ام جلال: جيداء بنت صالح جارنا :)
جلال: خيرها !!
بو جلال: امس جي صالح عرفنا بنسيبهم .. خاطبها صاحب عمها محمد ماشا الله عليه حتي هوا .. كان تجي بربعه بس -_-
جلال: جيداء خاطبها محمد !!
ام جلال: ايه ع اساس تعرفهم انت الناس الباهية -_-
جلال: تي باهي باه -_-
طلع من جنبهم من غير ولا كلمة ...
شن بيصير في ميار .. هل تتزوج زياد والا وجدي ؟؟..
شن بيصير في منذر ومافهمه ع غيداء ؟؟
باهي وعبير وأسعد .. هل بتحبه والا بتتألم بجرحها القديم ؟؟
جلال مازال حي ويخطط لجيداء كيف يطيحها ويطيح بوها ليه ؟؟
#Dudu
