#ورد_العمر
الحلقة :: 22 ::
ام جلال: ايه ع اساس تعرفهم انت الناس الباهية -_-
جلال: تي باهي باه -_-
طلع من جنبهم من غير ولا كلمة ...
,,,,,,,,,,,,,,,,,,,,,,,,
فاتت الليلة ع خير وكل واحد لاهي في همه :(
,,,,,,,,,,,,,,,,,,,,,
تاني يوم الصبح ناض جلال بكري ولبس حوايجه وتسقد .. قعد يستنى قدام الباب لين طلع صالح وقفه ..
صالح: خير !!
جلال: سمعت عطيت بنتك لمحمد :)
صالح: ههه وانت شن يهمك ؟؟
جلال: كيف مش جيت خطبتها قبله ورفضتني بحجة صغيرة واهي توا عطيتها :(
صالح: في الحالتين الموضوع مايهمكش
جلال: اوكي .. دير دورة ع بنتك قبل ماتجي تقيم خشمك عليا -_-
صالح شده وبعدين رخاه .. وركب سيارته وطلع .. طووول الطريق كان يفكر في كلام جلال يللي مش اول مرة يقولهوله .. في الاول ماعدلش عليه وشك انه مش بوعيه لما تكلم .. اما حتي توا مش ع وعيه والله هلبااا .. جاته فكرة وهيا يللي بتحدد كلام جلال صح والا غلط !!
,,,,,,,,,,,,,,,,,,,,,,,,,,,,,,,,,,
جيداء: صباح الخير مامي :)
ريهام: صباح النور :)
جيداء: وين غيداء ؟؟
ريهام: تبدل في حوايجها :)
علي خشة غيداء : آها صباح الوردات :)
ريهام: قعمزي افطري :)
جيداء: بابا طلع شكله ؟؟
ريهام: مشي بيجيب خبزة وبيرجع :)
غيداء: ايه خلعتوني مني بيرفعني بعدين هههه
ريهام: ماقلتلكمش !!
غيداء&جيداء: شن في؟؟
ريهام: محمد صاحب عمك زياد .. جي خطب
غيداء: من خطب :o
ريهام: جيداء :)
جيداء شرقت بالعصير .. ماخطر في بالها شي الا كارثة جلال معاها :(
ريهام: خيرك تعكرشتي -_-
جيداء: لا شي
وناضت من جنبهم خشت لدارها وسكرت الباب وقعدت تبكي :(
ريهام: خيرها البنت ؟؟ .. خللي نشوفها
غيداء: خليها ياماما متحشمة بس هههههه
ريهام: ايه ان شا الله :\
غيداء: ايه احكيلي بالتفصيل شن صار !!
ريهام: اللي صاار .............
,,,,,,,,,,,,,,,,,,,,,,,,,,,,,,,,
عبير بدلت حوايجها وتت روحها بتمشي للصيدلية .. لقت مسج من أسعد (( صباح الخير ياوجه الخير .. ربي يسعدك ياسموحتي <3 ))
عبير: ياااارب امهلني الحب .. ونحبه هالانسان والله يستاهل :(
طلعت لقت علاء يراجي فيها ..ورفعها للصيدلية :(
,,,,,,,,,,,,,,,,,,,,,,,,,,,,,,,,
نهلة سقدت صغارها .. وهيا راكبة في الدروج داخت وطاحت .. علي طلعة غيداء للجامعة شافتها طايحة ع الدروج :o
غيداء: مااااااااااما .. تعالي ساعديني خالتي نهلة طايحة :(
ريهام: حي نهار حرش .. امشي اتصلي بعمك يجيها توا
غيداء : آهو ينادي
علاء: صباح الخير :)
غيداء: عمي انت وين ؟؟
علاء: ماتقوليليش تعالالي والله بعيد :(
غيداء: لا خالتي نهلة طايحة ع الدروج لقيناها :(
علاء: نهلة !! .. جاي جاي
,,,,,,,,,,,,,,,,,,,,,,,,,
الدكتورة: الف الف مبروووك مدام :)
نهلة: شن في !!
الدكتورة: حامل في الشهر التالت .. والحمد لله انتي والجنين حالتكم كويسة :)
علاء: الحمد لله الحمد لله .. باهي بنت والا ولد !!
الدكتورة: هههههه مازال الوقت تحديد الجنس .. بس اهم شي النظام الغذائي تمشي عليه كووويس باش تقيمي روحك .. وتشدي حيلك عاااد .. واهم شي الراحة حبيبتي اوكي !!
نهلة: تمام .. بارك الله فيك يادكتورة :)
الدكتورة: فيك بارك الله .. وربي يهنيك بيه ان شا الله <3
,,,,,,,,,,,,,,,,,,,,,,,,,,,,
عبير شادة فونها وتلعب بالسابوي .. علي خشة زبون
الزبون: عفوا ممكن تعطيني دوا لداي !!
من غير ماتشبحله: شن هوا داك ياخوي :)
الزبون: حبك انتي :(
قامت عينها وتوقعت تشوف اسعد .. بس شافت انسان ليها شهور وشهور ماشافاته .. شافت انسان ماكانت تبي تشوفه في اي ظرف من ظروف الحياة .. تفاجأت ونصدمت
يوسف: عبير !!
عبير: خير !!
يوسف: علاش درتي معاي هكي ؟؟
عبير قامت ايدها : شفت انا نخطبت ره .. وربي عوضني والحمد لله .. ربي شفاني من المرض يللي خليته فيا .. وربي جبر بخاطري .. ودوا جرحي يللي سببتهولي :(
يوسف: باهي وانا !!
عبير: انت ماضي وانتهى .. انت الأمس .. وأسعد خطيبي اليوم .. هي ربي معاك -_-
يوسف: ليش البرود هدا كله معاي !!
عبير: لانك تستاهله فعلا .. يوم احتجت وقفتك معاي تخليت عليا بالساهل .. وبعدين تعالا جاي .. حلال عليك تفتح صفحة جديدة وحرام عليا والا كيف !!
يوسف: المسج متاع هداك اليوم والله مافهمته ونتصل بيك خارج الخدمة :(
عبير: ايه غيرت شفرتي باش نمسح كل شي يربطني بيك حتي لو بسيط
يوسف: باهي فهميني توا !!
عبير: ريتك بالصدفة خاش لباباروتي ومعاك بنت وفرحان وكأنه مافيش وحدة تتألم من وراك :(
يوسف: اما يوم !!
عبير: شن رايك نقولك التاريخ والساعة .. بالله عليك اطلع وخليني في حالي -_-
يوسف: بس يكون في علمك يللي كانت معاي يسرا .. نخطبت وكنت طالع بيها للاسواق وخشينا كلينا في الكافي
عبير: كذااااب .. يسرا مش هكي شكلها :o
يوسف: كنتي مغلولة مني وماركزتيش .. ع العموم انا قاعد نبيك والله نحبك ومابديت حياتي مع غيرك الله :(
علي رنة نقالها قاماته وردت :(
عبير: آلو حبيبي .. ايه في الصدلية .. بسماع صوتك وليت احسن .. اوكي حتي انا نحبك سلامات :)
ويوسف يشوفلها مصدوم .. هادي عبير اللي قلبها كبير هكي ادير قدامه تعذبه وتزيد تجرحه :\
عبير: نعم !!.. في شي تاني حاب تقوله !!
يوسف: لا سلامتك .. وربي يهنيك ان شا الله سلام
طلع يوسف .. وحذفت عبير الفون وقعدت تبكي وتبكي .. والجرح يللي فيها اكبر .. ورجع يوسف وشوش عليها افكارها مع اسعد من جديد :(
رن فونها من جديد قاماته وردت ..
عبير: آها !!
علا: ياحقيرة شن تقوليلي نحبك وحبيبي والكلام الفاضي تحسابيني اسعد :)
عبير: ايه .. شن في !!
علا: اسعد صوته هكي -_- .. غبرت كان هدا
عبير: علا انا مش فاضية .. شن تبي اختصري !!
علا: مانبي شي اقلبي وجهك مبردك -_-
عبير: بااااي >_<
ورجعت لنوبات بكاها من جديد :(
,,,,,,,,,,,,,,,,,,,,,,,,,,,,,,,,,,,,,,,
غيداء تتمشى في ممرات الكلية .. سمعت صوت .. والصوت هدا مش غريب عليها .. قامت عينها .. منذر قدامها ومعاه كريم ويضحك وجوه حلو .. عرفت انه كذب عليه كريم من جديد وصدقه ورجعت الصحبة بيناتهم .. أما هيا طلعت بالحمرا من بيناتهم .. هادي يللي تخش بين الصحاب ديما تطلع خاسرة .. خاصة لو كانت صحبتهم قوية .. غمضت عيونها وقررت تمسح كل شي من راسها .. وتكمل حياتها #كأن_شيئاً_لم_يكن <3
فاتت من قدامهم قعد كريم يستفز فيها بضحكاته .. تلفتتله وابتسمت ابتسامة انتصار ع النفس .. ولم أنتصر علي أحد .. بس منذر ركز ع ايديها وماشافت دبلة .. ضربه شاهد العقل .. لو كانت مخطوبة فعلا كانت لابسة دبلة .. بس هز براسه ونحى هالفكرة السودة من باله واستمر في الضحك .. وكريم حرقاته ابتسامة غيداء لمنذر :)
,,,,,,,,,,,,,,,,,,,,,,,,,,,,,,,,,
الابلة: جيداء وين سارحة ؟؟
جيداء: آه لا شي :)
الابلة: فيك حاجة ؟؟.. الحصة كلها مش معانا :)
جيداء: راسي يوجع فيا بس ..
الابلة: باهي ان شا الله خير .. ترا اطلعي ع السبورة وحلي المسألة هادي :)
جيداء: آه كيف هادي !!
الابلة: مش قلتلك انتي مش معانا بكل .. لأخر مرة انوهك ركزي في الحصة باش ماتتعبيش في الاخير .. هي خللي نعاود الشرح أخر مرة -_-
جيداء: اوكي شكرا :)
,,,,,,,,,,,,,,,,,,,,,,,,,,,,,,,,
روح صالح والع ع الاخر وخش للحوش قريب يتفجر ..
صالح: ريهاااااااااااااااااااااااام >_<
ريهام: هئ خيرك تصيح ؟؟
صالح: وين فرخاتك ؟؟
ريهام: في قرايتهم ؟؟ .. خيرك شن في؟؟
صالح: اول مايروحو خللي يلبسو بنرفعهم للعيادة >_<
ريهام: تي شن في؟؟
صالح:....................
,,,,,,,,,,,,,,,,,,,,,,,,,,,,,,,,,
الدكتورة: بنتك الكبيرة والحمد لله عذراء .. بس الصغيرة :(
صالح: خيرها الصغيرة شن فيها ؟؟
الدكتورة: الباين معتدي عليها شخص .. فقدت منه العذرية وواضح انه اعتداء وتهجم وزيد تأكد :(
صالح: باهي فهميني بس مافيش حمل والا شي !!
الدكتورة: لا الحمد لله .. ماأثرش فيها .. بس رجاءا ياخوي افهم من البنت قبل .. انا بنت زيني زيها ونخافو نحنا من الشي زي هذا وهي اول ماخشت عليا كانت خايفة وترعش وتترجى فيا نقوللها علاش نكشف عليها بس انا رفضت .. ترجيتك ياخوي ماتخيب رجاي :(
خبط صالح ع الطاولة وطلع .. جي بروحه وماجابش معاه ريهام خاف اديرله العار والا تصيرلها وحدة من المصايب وتمرض والا تجيها جلطة :(
طلع لقي غيداء وجيداء يراجو فيه
غيداء: خير يابابا في شي؟؟
جيداء كانت تشوف لبوها وخايفة :(
صالح: لا شي .. سمعت اليوم يقولو لازم ديرو كشف كل ستة شهور .. فأنا بنبدا بيها من اليوم :\
غيداء: آها وشن طلع معاك ؟.. باهي علاش مادخلتناش معاك !!
صالح: يااااسر من الاسئلة الغبية وانزلو للسيارة اسبقوني لين نجي -_-
جيداء: اوكي :\
,,,,,,,,,,,,,,,,,,,,,,,,,,,,,,,,,,
ابتهال: شوفي شن شريتلك تاني :)
ميار: مانبيش :(
ابتهال: مش خاطرك فيه القفطان هدا ؟؟
ميار: ماخاطري في شي :(
ابتهال: خيرك تنقي ؟؟.. علاش ماتبيش تتزوجي؟؟
ميار: شي ماما راسي يوجع فيا خليني بروحي :(
ابتهال: اوووف باهي باه
,,,,,,,,,,,,,,,,,,,,,,,,,,,,,,
اول ماخش صالح للحوش : خشي غيداء لدارك >_<
غيداء: باه :\
خشت غيداء وسكرت الدار .. جبد جيداء من ايدها
صالح: تكلمي شن مدايرة مع جلال انتي !!
ريهام: شن هالكلام صالح ؟؟
جيداء: آنا ءءءء مش مدايرة شي والله :(
طاح فيها ضرب وين يوجعك ووين مايوجعك .. وردسها طريحة باهية لين قريب قتلها .. وهيا غير تصيح ومش لاقية من ينقذها ّ!!
جيداء: يابابا غير اسمعني والله هوا تهجم عليا الله :(
صالح: ضمي فمك يامسخة .. والله لما نقتلك النااار ولا العار تسمعي فيا ولاه !!
جيداء: بالله عليك يابابا لاااا
ريهام: غير وسع بالك وفهمني شن في؟
صالح: تبي تحشميني قدام صاحب خوي .. ينصدم فيك في اول ليلة لااااااا ياماما مايكتبهاش عليا ربي نواطي راسي وراس خوتي ع خاطر كلبة زيك .. علاش ماتقوليش علااااااش ؟؟.. لما جيتي كأن ماصار شي لين يجي الحقير يقوللي ويحشمني .. واطيتي راسي الله ياخدك ان شا الله ويريحني منك >_<
ريهام: كيف ؟؟.. يعني جيداء مش بنت !
صالح: احمدي ربي ماجاتكش حامل هالخامرة هادي .. والله لما نكسرلها راسها >_<
جيداء: امشي اقتله هداك الخامر يللي اعتدى عليا انا مش ذنبي والله ماذنبي :(
لوحها ع السرير وطلع داااهش .. وخلاها جلدها كله ازرق :(
,,,,,,,,,,,,,,,,,,,,,,,,,,,,,,,,,,,,,,,
منذر اتصل بغيداء وهيا كانت واقفة ع الباب تسمع في عياط بوها واختها ومش فاهمة شي .. سكرت عليه .. مرتين يتصل وتسكر عليه
منذر: هادي خيرها ماتردش .. بالك تحسابني طايحلها -_-
عاود اتصل مرة تالتة ردت عليه
غيداء: نعم !!
منذر: كيف الحال؟؟
غيداء: الحمد لله .. وانت ؟؟
منذر: الحمد لله .. بنسألك غيداء !!
غيداء: انا بنقولك قبل ماتتكلم .. انا غلطت في حقك انت وصاحبك وخشيت بيناتكم بس والله صاحبك هوا يللي لعب من وراك .. المهم توا انا غالطة لما خشيت بين الصحاب .. وربي يهنيكم ومايفرقكم من بعض .. هي سلامات :)
سكرت عليه وماخلاتاش يقول كلامه :(
,,,,,,,,,,,,,,,,,,,,,,,,,,,,,,,,,,,
جيداء تبكي ومش عارفة كيف بداوي روحها من ضرب بوها وهيا محبوسة في الدار .. حتي خوها خش ماقالوله .. قعدت تدعي لربي يصبرها ويسمعوها اماليها :(
ريهام وصالح مقعمزين في الصالون يهدرزو ويتناقشو في الموضوع
ريهام: شن بتقوله محمد توا ؟؟
صالح: بنقوله البنت رفضت لانها صغيرة وبس -_-
ريهام: لا حول ولا قوة الا بالله .. والله كنت حاسة بس ماتوقعتش للدرجة هادي :(
صالح: مش عارف شن الحل ؟.. نقتلها توا والا كيف ؟؟
ريهام: لا شن تقتله بنتك هادي مهما صار .. اسمع شن رايك نكلم اسماعيل خوي يللي في مصراتة ونخلوها فترة قرايتها السنة هادي غادي .. لين تهدا الاوضاع شويا ونرجعوها .. والله خايفة حد يشوف جلدها المتورم ويقعد يسأل ويقصقص وخاصة نهلة عاد ماترحمش :(
صالح: ايه صح اسماعيل ملتزم وشيخ جامع تو نوصيه عليها ومايخليهاش تطلع الا لقرايتها بس :(
ريهام: اصلا خوي يهني .. وبعدين جيداء ماحد يعرفها غادي .. خير من يقعدو يسألو فيها انا من رايي نبعدوها علينا الفترة هادي .. واسماعيل ح يحطها في عيونه ويخاف عليها زي بنته بالزبط .. وبالك تخالط بنته ترتاح شويا وتعقل .ومنها معاش يشوفها محمد والا جلال ... انا نحس انها صادقة واعتدى عليها فعلا :(
صالح: تو خليني نبعدها من هنا وبعدين ساهل -_-
,,,,,,,,,,,,,,,,,,,,,,,,,,,,,,,,,,,,
مريم: لولوووووووووووووولي :)
عبير: مبروك عليك نهلة :)
نهلة: الله يبارك فيكم :)
مريم: هآ شفتي رضيتي بالقضاء والقدر وربي رزقك بغيرها جنى :(
نهلة: ايه والله ياالآي لما قالتلي الدكتورة قلبي فرفح وارتاح :)
مريم: ربي ينوضك بالسلامة ويعاونك فيه ان شا الله وتجيبي وليد صحيح باش تكحلي عيونك انتيوعلاء بيه :)
سوسن كيف خشت لحوش العيلة وسمعت الكلام
نهلة بدت تعلي في صوتها باش تسمعها سوسن : الله يسلمك ياعمتي .. وكان جي وليد بنسميه عليوة وكان بنية بنسميها مريم <3
عبير: لا حول ولا قوة الا بالله -_-
سوسن: مبروووك عليك نهلة :)
نهلة: الله يبارك فيك سلفتي والفال عندك ياااارب .. حتي بعد 4 سنين باهي :)
سوسن: ان شا الله :(
نهلة: آآخ يااللآي بنمشي نرتاح شويا تو ننزلكم في العشي :)
مريم: ماديري شي تو نديرو العشي احني :)
نهلة: صحيتي سلم عميمتي ياربي <3
,,,,,,,,,,,,,,,,,,,,,,,,,,,,,,,,,
في الصبح وتت جيداء شنطتها بيرفعها بوها بعد ماتفق مع خالها بيخليها عنده لمدة سنة ..وماقالش السبب الحجة يللي خلاه يصرف بنته بعيد مابين ماهدت اوضاعهم .. ودعت اختها وامها وهيا تبكي وتقول (( والله مظلومة ياماما وياغيداء ))
في السيارة كانت تبكي جيداء
صالح: اسكتي واحمدي ربي ماقتلتكش .. وماتخافيش نخليك سنة غادي ترتاح نفسيتك وترجعي لحوشنا امورك طيبة باهي !!
جيداء: ان شا الله :( .. نظرة براءة لبوها بس ماأنبتش ضميره بشي ))
,,,,,,,,,,,,,,,,,,,,,,,,,,,,,,,,,,,,,
جي يوم الاثنين <3
فاتحة ميار :(
زياد درس سيارته قريب من حوش ميار وقعد يبكي ويذكر كل لحظة ومعاه ميار :(
اما ميار في عاااالم تاني عياااط تقول موت مش فرح
انقرت الفاتحة وأول بأول الناس تجي وتبارك .. وميار يأست من زياد .. وزياد خاف يخربلها حياتها بتهور منه .. ومرت الساعات عليه تقول سنين وكانت كل دقيقة تمر يتوجع اكتر .. وكل تانية كأنه ينطعن بالمووس :(
زياد ماتخلاش عليها .. بس عاداتنا وتقاليدنا يحكمو فينا .. مايقدرش الحبيب يهرب بحبيبته لأي سبب كان .. اول شي ممكن يصيب البنت خووف من يللي هاربة معاه ويظلمها ..وترجع لاماليها يللي ظلمتهم .. وممكن الحبيب يتردد ويخاف اضيع سمعة حبيبته بين الرجلين .. ويقعد محط الانظار ليه وليها :(
,,,,,,,,,,,,,,,,,,,,,,,,,,,,,,,,,,,,,,,,,
مر اسبووع :::::
#زياد يحاول بكل الطرق يبتعد عن اي ذكرى فيها ميار .. باش مايتصلش ويوجعها وهيا ع ذمة راجل تاني
#ميار استسلمت للواقع .. وبدت تتأقلم نوعا ما مع الاوضاع يللي جبرتها تنسى حبيبها زياد وكان تدعيله يعيش حياته مع انسانة تستاهله :(
#غيداء مسحت من تاريخ حياتها شي اسمه منذر والا كريم .. وقررت تحط في بالها قرايتها ومستقبلها وبس ورجعت الابتسامة ليها من جديد :)
#جيداء بدت تتعود ع خالها ومرت خالها يللي كانت كل احاديثهم عن الدين والعرف .. ومرة مرة يخطر في بالها محمد وتدعي انه يكون من نصيبها
#محمد سمع رفض امالي جيداء ليه عن طريق زياد .. حاول يدور عن سبب مالقاش .. وقرر يقابل جيداء ويعرف بنفسه سبب رفضها ليه :(
#عبير كترت المكالمات بينها وبين اسعد كان يحبها ومش حارمها من شي بس هيا ماكانت تحس بآي شعور اتجاهه :(
#يوسف فعلا ماكذب ع عبير وماقدمش اي خطوة في حياته الى الان والسبب هيا امه وزنينها -_-
#سوسن زادت من اصرارها انها تحصل الورثة وتمشي تسافر بيها وتعالج ع الصغار .. ومحمود يهز في راسه وراها ((بلا شخصية )) -_-
,,,,,,,,,,,,,,,,,,,,,,,,,,,,,,,,,
يوم حفلة ميار <3 <3
ركبت ميار للسيارة وكانت تحاول تصطنع الابتسامة للناس يللي جوها .. وفي قلبها زياد وحبه مازال .. كان خاطرها تلمحه حتي اللمح وتبي تشوفه لاخر مرة .. لانها عارفة حياتها ح تنقلب لجحيم وتنحرم من نظرة وحدة لزياد ..
في الطريق كان الكلاكس والفرحة معبية السيارات .. الا صاحبة الفرح واللي هيا ميار كانت حزينة والدموع واقفات ع الجفن .. وهمت الناس انها دموع الفرح
تلفتت يمينها لقت سيارة زياد وكان واضح عليه الهم والنكد .. واضح انه ضعف من كنت تفكيره فيها .. شافتله وبكل صدمة وصوت عالي
ميار: زياااد !!
زياد كان يقرب في سيارته منها ويبكي ويشوفله بدمووع الندم انه ماخطفهاش :(
وجدي: شن تقولي انتي ؟؟
ميار: ءء شي شي .. مازال بعيد !!
ماصدقهاش وجدي .. وقام عينه لقي زياد فعلا جنبها .. ودفره بالسيارة لين خش ع الطريق التانية
ميار: لااااااااااااا زيااااااااااااااااااااااد :(
وقعدت تصيح وتبكي .. ووجدي ضحك بضحكة استهزاء :\
أما زياد مشت سيارته ع طريق التانية وتلقاته سيارة تانية :(
شن صار مع زياد !!
خلوني نسألكم سؤال وجاوبوني عليه في كومنت :)
أما احسن برايك تتزوج الانسان يللي يحبك والا يللي تحبه !!
#Dudu
