#ورد_العمر
الحلقة :: 33 ::
محمد: هكي جو هههههههه ،، ماتبي شي بنرقد
جيداء: اشي نبيك قبل تسهر معاي وتقولي كلمتين حلوات ،، لكن شي مانلقى مني يساير
محمد: حق بنقولك اختي بتحضر حفلتكم غدوا ان شا الله :)
جيداء: كيف كيف !!
محمد: شن كيف ؟.. عزمت روحها بروحها ع الحفلة ونبي نرفعها .. كويسة ح تحبيها ره .. غير ردي بالك عاااد انسجمي معاها راهو هادي كبيدتي بين خواتي هههههه
جيداء: ان شا الله ان شا الله -_-
محمد: هي توا حبوبتي نخليك ترتاحي .. وغدوا نكلمك لما انوووض اوكي !!
جيداء: اوكي .. تصبح ع خير غلاتي <3
سكرت منه وفزعت ع دولابها .. قعدت تفتش واطلع في قفاطينها .. اما احلا طالع عليها باش تلبسه غدوا .. وحاااايرة ع خشة اختها غيداء ..
غيداء: خيرك اللطف قالبة دولابك هبلتي والا شني ؟؟
جيداء: اخت محمد جاية للصالة غدوا .. مش عارفة شن نلبس :\
غيداء: البسي قفطانك الجديد بلا هبال -_-
جيداء: فكيني منه مش عاجبني .. ذوقك زي وجهك وين شريتهولي
غيداء: خلاص حطيه في كيسة تو نرفعه معاي لحوشي نلبسه <3
جيداء: مصحك .. غير فكري معاي بلا جو .. شن بنلبس ؟؟
غيداء: قفطانك الاحمر :)
جيداء: اممممم هداكا يللي شريته لحفلة عبير وماصارش ولاه !!
غيداء: ع اساس عندك غيره هههههههه
جيداء: مبردك -_-
,,,,,,,,,,,,,,,,,,,,,,,,,,,,,,,,,,,,,,,,,
زياد: ههههههه انتي علقتيني بيك وباتصالاتك ونفس الوقت مخوفتيني .. انتي من يابنت ؟؟
نسرين: ايييح مش قلتلك حنين :)
زياد: باهي ياحنين .. كيف تعرفي ادق التفاصيل عليا ؟؟
نسرين: مش قلتلك من حبي ليك <3
زياد: اها تمام .. حتي لبستي اليوم عرفتيها ترا قوليلي كيف !!
نسرين: الباين انت مستعجل وتبي تشوفني ولاه !!
زياد: ياريت :)
نسرين: خلااااص .. غدوا ح نكلمك ونقولك تلفت التالي وشوفني :)
زياد: انتي مجنونة !! .. وين بتجي وبتقوليلي تلفت ع اساس تعرفي مكاني انا وين ؟؟
نسرين: ههههه عرفت لبسك وكل شي عليك مانعرفش غدوا وين تكون ؟؟
زياد: باهي تمام .. غدوا غدوا حنينووو
نسرين: ههههههه عجبني الاسم تصدق :)
زياد: ههههه انا كل شي فيك عجبني ولفتلي نظري :)
نسرين: يعني خلاااص وصلت لسكرات الحب ؟؟
زياد: هههههه مازال بكري .. بس في مرحلة الاعجاب واصل
نسرين: زياد :)
زياد: عيونه <3
نسرين: عادي نقولك حاجة :)
زياد: انتي تقولي حاجات مش حاجة بس :)
نسرين: ميار .. شن تعنيلك توا !!.. الوقت الحالي ؟؟
زياد: مياااار .. آآآخ الصبر .. ميار ماتعنيلي شي حاليا لانها بدت حياتها ومستحيل ترجع هديكا السنين .. مستحيييل .. حاس انه عمري وقف ياحنين :(
نسرين: لا شن عمرك وقف .. زياد انت #ورد_العمر .. انت توا كيف فتحت عيونك كان في شي مغطي عليهم :(
زياد: انا مش مصدق ومش مستوعب اني نكلم في وحدة غير ميار .. ميار توا عندها ولد واكيد حترسم حياتها مع ولدها وراجلها وانا بالنسبة ليها ماضي وفات :(
نسرين: ومرات مش هكي .. مرات هيا استسلمت للواقع :(
زياد: لا اخر الفترة بعتتلي مسج ودعتني بيه للابد .. لوحت حبها وكل شي يعنيها ورى ظهري .. نسألك سؤال !
نسرين: اكيد تفضل :)
زياد: علاش حبيتي انسان قلبه لغيرك ؟؟
نسرين: كاااااان قلبه لغيري .. بس توا رجعله قلبه ونبض من جديد .. وح يجي يوم وتقول كلامها حق :)
زياد: علاش فتحتيلي جروحي يللي كنت ناسيها بس :(
نسرين: باش نداووها مع بعض .. زياد انا لو ربي رزقني وكنت انت من نصيبي ح نعوضك ع كل شي خسرته .. نسلملك روحي ولا نشوفك ضعيف ومتسكر :(
زياد: ربي يخليك ليا ان شا الله .. انا بنستاذن تاعب وبنرقد :)
نسرين: اوكي تصبح ع خير :)
سكرت نسرين من زياد وتنهدت بفرحة .. واخيراااا وصلت للي تبيه .. نسرين هادي هل حتكون جرح لزياد او فعلا ح تعوضه ع للي خسره ؟؟!!
,,,,,,,,,,,,,,,,,,,,,,,,,,,,,,,,,,
عبير ناضت الصبح ع دوشة النساوين طبعا عرس .. وكانو كلهم راقدين جنب غيداء في الصالة يللي حنت فيها .. وفكولها الحنة وطلعت صابغة وتهبل عليها <3
فتحت فونها المسكر لقت يوسف باعتلها مسج الساعة 12:00 الليل :)
(( كل عام وانتي بخير ياعبورتي .. وان شا الله ميلادك الجاي معاي ))
اذكرت انه اليوم عيد ميلادها .. رجعتلها الفرحة من جديد شن يللي صار معاها .. شعورها تحرك وتجدد مع كلمات يوسف البسيطة .. #عبورتي كان الوحيد يللي يقوللها فيها وكأنه حاس انه في يوم من الايام ح تكون من نصيبه :)
,,,,,,,,,,,,,,,,,,,,,,,,,,,,,,
اما زياد .. لانه بيدخل غيداء للصالة وتى طرحته الرسمية .. وفتح فونه لعل وعسى يلقى مسج من حنين .. متشوق لشوفتها :)
,,,,,,,,,,,,,,,,,,,,,,
غيداء مع الساعة 10:00 مشت للمزين .. خلت اختها حايسة في دبشها تفكر شن تلبس واي لبسة اطلعها .. اطلع فيها لولة ..
اتصلت بمنذر :)
غيداء: انت وين حبيبي ؟؟
منذر: كيف نضت وماشي للاستراحة ال 10 نكون عندك في الصالة ان شا الله :)
غيداء: ان شا الله .. انا فرحانة بيك ياغزالي :)
منذر: ههههه انا فرحان اكتر منك ياروحي .. وين انتي ؟؟
غيداء: كيف خشيت للمزين <3
منذر: آآ عاد ماتكتريش رموش وعدسات وحركات بايخة اوكي !!
غيداء: هههههههه عارفاتك ماتحبش هكي :)
منذر: ههههه تعجبيني ياقلبي .. هي طيري خللي نلحق عليهم :)
غيداء: اوكي .. سلام
,,,,,,,,,,,,,,,,,,,,,,,
محمد: ماتقوليليش خيرك مسكرة فونك انتي ؟؟
جيداء: حي نهار حرف محمد شن دخلك للكوجينا :o
جيداء كانت ترتب في الكوجينا لقت محمد واقف وراها
محمد: مفأجاة :)
جيداء: باهي تسقد البرا لو سمحت تشوفك ماما :(
محمد: اوكي .. نحبك <3
جيداء: نموووت فيك <3
محمد: اعطيني بوسة :)
جيداء: انت اكيد هبلت ولاه !! .. اطلع بلا عار
محمد: مانيش طالع لين ناخدها
وكيف طبس عليها بيبوسها ع خدها .. خش زياد :o
زياد: محمد !!
محمد انخلع وتلفت .. بس جيداء اتخبت ورا البار خايفة ترعش يشوفها زياد
محمد: آه زياد .. شن الجو ؟؟
زياد: في من كنت تكلم ؟؟
محمد: في الجنون .. انت تتخايل :)
زياد: باهي فهمني شن دخلك للكوجينا .. كان وحدة من البنات خشو ؟؟
محمد: آه عطشت
زياد: محمد علاش تكذب عليا ؟؟
محمد: مانكدبش انا
زياد: اوكي اطلع ولع السيارة مابين جيت :)
محمد: اوكي :\
طلع محمد من الكوجينا يللي بابها ع الجنان الخلفي .. وخش ورا البار لقي جيداء ضامة رجليها ليها وترعش .. نزل لمستواها وحط ايده ع كتفها
زياد: جيداء .. ماتحاوليش تخسري روحك ع خاطره اوكي !!
جيداء: آآآ من هوا ؟
زياد: شفته واقف عليك .. انا واثق من صاحبي يحبك وواثق حتي انتي تحبيه .. بس مش واثق في النصيب يجمعكم مع بعض والا لا !! .. فهمتيني يابنية خوي !!
جيداء: ايه .. شكرا عمو :)
زياد: ايواااااه خللي روحك نظيفة وماديريش اي غلط مع اي حد مهما كان يكون :)
جيداء: ان شا الله :\
زياد: ءء ناديلي ع عبير
جيداء: اوكي حاااضر :)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
(( نسألك يامن هوا الله الذي لا إله إلا هو الرحمن الرحيم الملك القدوس السلام المؤمن المهيمن العزيز الجباااار .. ))
زياد شاد في ايد بنت خوه غيداء ودرجها للكوشة .. جيداء مش قادرة تقيم عينها في عمها .. أما زياد معتبر الموضوع عادي لانه جرب الحب ومشاكساته <3
وين وصل للكوشة .. فونه دار صوت بس مانتبهش .. سلم ع غيداء وباركلها وطلع .. وين قريب يوصل للباب البراني شاف فونه لقي مسج من حنين (( تلفت وراك ))
زياد: الشييييت ماشفتااااش .. تي خيرها ماتصلتش باه .. واااااك فاتت عليا >_<
نسرين: مافي شي فات عليك :)
تلفت زياد لقاها واقفة وراه ع الباب ... كانت لابسة قفطان سماوي الهادي ماشي مع جسمها لفوق الركبة بشوي وكمه حاير دانتيل .. وسابلة شعرها ع كتافها يللي كان واصل لنهاية الظهر .. وقصتها الحفاري والشامة ع الخد .. والعيون الواسعات كبار عسليات والبشرة بشرة الهنود .. غمزتله .. بس هوا كان سااارح في الجمال يللي قدامه .. ماقدرش حتي بنطق بحرف ,,
زياد: انتي حنين !!
نسرين: انا نسرين <3
زياد: مافهمت شي :\
نسرين: :)
خشت للقاعة وخلاته يشبح ومش فاهم شي .. حنين والا نسرين يللي قدامي .. بس جمالها لا يقاوم .. شعر طويل وقصيرة وشامة ع الخد آآآخ الصبر ..
طلع زياد وماحبش حتي يكلمها .. وقف ع السيارة .. وصله مسج (( انت شن قصتك ؟؟.. يللي تلبسه يطلع عليك ))
ضحك وفي هديك الضحكة تلفت لقي وليد صغير قدامه
زياد: ماشا الله .. وين كنت ؟؟
بس الوليد كان صغير وكيف بادي يمشي مايقدرش يتكلم .. جت امه بترفعه بس لما قامت عينه لقاته زياد
ميار: زياد !!
كانت لابسة العباية الكبيرة بس من صوتها زبطها
زياد: هدا ولدك ياميار ؟؟
ميار: ايه .. وانت شكلك فرحان شفت خطيبتك في العرس ؟؟
زياد: ربي يصون ان شا الله .. سلام
مشي من بحداها زياد خاف تتورط في مشكلة وين يلقاها خوها والا راجلها معاه .. بس كل ماتمر نسرين من باله يقعد يضحك .. وماأترت في شي نظرات ميار ليه والا الصدفة يللي جمعتهم من جديد في الوقت الغلط :(
,,,,,,,,,,,,,,,,,,,,,,,,,,,,,,
منال: ايه صاحبة جيداء :)
ريهام: اوكي شويا بس .. جيدااااااء تعالي صاحبتك جت
جيداء: صاحبتي ؟؟... من صاحبتي ؟؟
منال: انا منال :)
جيداء: من منال ؟
منال قربت من وذنها : اخت محمد :)
جيداء تلكمست وكيف تلقتها باسلوب شين ..
جيداء: آآآ اهلا وسهلا بيك تفضلي .. خيرك عطلتي ؟؟
منال: ههههه حفلاتكم تبدا بكري .. كيف طلعت من المزينة :)
جيداء في خاطرها (( اشششي مزينة وانا اخت العروس درت شعري في الحوش .. والله عليك حالة وخلاص -_- ))
منال: ماشا الله حتي عروستكم جت ؟؟
جيداء: تفضلي خشي :)
,,,,,,,,,,,,,,,,,,,,,,,,,,,,
غيداء: مادولي الحمارة جيداء خدت فوني معاش جاباته >_<
عبير: باهي تو اناديها اضحكي وانت مكزمة من لما جيتي -_-
غيداء: هآآآ .. هكي باهي !!
عبير: نوعا ما -_-
جيداء: غيدااااء غيدااااء
غيداء: اهي جت مافيك ماتعبتي روحك ياعمتي
جيداء: غير اسمعيني
غيداء: هات الفون قبل بنكلم منذر .. خيره عطل ؟؟
جيداء: عطل عينك الساعة توا 9:00
غيداء: باهي شن تبي انتي ؟؟
جيداء: اخت محمد منال .. جت هونا مقعمزة في طاولة صحباتي شن رايك فيها ؟
غيداء: رايي يهمك وخيتي ؟؟
جيداء: لا والله مايهم غير ع الزايد .. هي توا خودي فونك وسلامات
غيداء: حيوانة عارفاتك -_-
,,,,,,,,,,,,,,,,,,,,,,,,,,,,,,
منال: ماتوقعتكش هكي :)
جيداء: ههههه كيف توقعتيني ؟؟
منال: قصدي صغيرة .. محمدكبير عليك :)
جيداء: انا 17 وهوا 28 بيناتنا 11 السنة بسيطة هههههه
منال: ههههه انا لما نبي نرتبط بنرتبط بواحد ندي والا اكبر مني بسنتين بس :)
جيداء: هههههه الناس اذواق .. المهم الراجل كويس او لا في الحالتين :)
منال: ايه .. انتي امك تدعيلك ليل نهار يللي حصلتي ولخبطتي محمد :)
جيداء: لا لخبطته لا شي .. محمد بروحه جاني .. شافني وعجبته وحتي خطبني :)
منال: ليش رفضتيه باه !!
جيداء: ماهو ... كنت بنكمل قرايتي .. وين لقيته مصر عليا قلتله تقدم رسمي مع اماليك نوافق ان شا الله :)
منال: محمد !! .. نسمع في كلامك ومستغربة الحق .. محمد كان من بنت لبنت عمره ماتبت ع بنت .. خطبك ورفضتيه وتقوليلي مازال مصر عليك .. هههههه خايفة يلعب عليك بس هههههه
جيداء: في بنت في هالكون تقول ع خوها هكي ؟؟
منال: نا ماعشتش مع محمد هلباااا .. لكونه قعد هنا وانا في دبي .. بس وخيي من قبل نعرف البنات عليه زي الرز لانه شخصية وجمال .. وفلوووس معاها .. وتبت عليك انتي .. في هادي بنهنيك ونرفعلك القبعة احتراما .. قدرتي تفوزي بقلبه <3
جيداء: اممم .. بارك الله فيك :\
جيداء ركبها الوسواس ..(( تو مش قال هادي احسن اخت عندي .. هادي احسن وحدة وهكي امالا التانيات شن بيقولو عليه !!.. محمد متاع بنات اول مرة نسمع .. معقولة عمي زياد لو عارفه هكي يوافق يخطبني .. مش عارفة علاش قلبي مش مطمن ليها ولكلامها .. آووووف الصبر :( ))
منال: وين سرحتي !!
جيداء: ههههه نفكر بنقعد انا بروحي في الحوش توا :(
منال: كان انا نفرح .. خواتي معاش بو يتزوجو يتشرطو هلبا ع كل واحد يجيهم -_-
جيداء: اممم ربي يرزقهم بللي يبوه .. هي نستاذنك بنمشي للتواليت :)
منال: هههههه شن بتعدلي .. انتي حتي الروج الساهل مش مدايرة ؟؟
جيداء: -_-
ناضت جيداء من غير حتي ماتتلفتلها :(
,,,,,,,,,,,,,,,,,,,,,,,,,,,,,,,,,,,,,,,,,,,,,,
منذر: خشي لحوشك يامرتي :)
غيداء: ههههه احرجتني الصراحة :)
منذر: واخيرااااا يللي نبيه تحقق .. انتي حلالي الحمد لله
غيداء: ان شا الله نفرحك ع طووول العمر ياغالي :)
منذر: هادي الدار يللي حلمت تشاركيني فيها كل حلوة ومرة :)
غيداء: تهبل زيك ربي يخليك ليا ان شا الله :)
منذر: الله .. محلااااااك
غيداء: احلى من بالوشاح قصدك هههههه
منذر: بهلباااااااااا .. بس طبعا معاش تحلمي تطلعي وجهك هكي . خمار من اليوم اوكي !!
غيداء: اوكي ههههه معاش نبي حد يشوفني غيرك :)
منذر: هكي نبيك ياغزالتي :)
غيداء: اممممم .. معليشي تخليني نفك التسريحة :)
منذر: ههههههههه بوسة قبل <3
,,,,,,,,,,,,,,,,,,,,,,,,,,,,,,,,
جيداء راقدة ع ظهرها وشادة خصلات شعرها وتلوي فيهم .. وتفكر في كلام منال .. في احساس داخلها يقول انها تكدب عليها باش تفرق بينها وبين محمد .. لان كانو يبوله بنت في دبي ليبية مهاجرة غادي :(
خشت عليها عبير
عبير: في من تفكري ياحلوة ؟؟
جيداء: في الباردة يللي جت اليوم -_-
عبير: ههههههههه حماتك !!
جيداء: ايه حقيرة للمليووون
عبير: شن قالتلك ؟؟
جيداء: قالت ........................
,,,,,,,,,,,,,,,,,,,,,,,,,,,,,,,,
زياد: قصدي انا قاعد مصدوم .. معقولة في بنت بالجمال هدا ؟؟
نسرين: انا جمالي بسيط وعااادي .. ااامممم ممكن اقل بشوي :)
زياد: كان انتي بسيط مني الاوفر باه !! .. قصدي مالاخير قريتي ع روحك !!
نسرين: ايه الحمد لله ههههههه
زياد: باهي شن قصة نسرين ؟؟
نسرين: هدا اسمي :)
زياد: وحنين اسمي امالا ههههههه
نسرين: هههههههه
زياد: غير بجديات شن جيبك لعرس غيداء ؟؟
نسرين: انا صاحبتها :)
زياد: قصدك انتي نسرين صاحبتها !!
نسرين: ايه ريت المفاجآة :)
زياد: بجديات تتكلمي ؟؟
نسرين: ايه والله .. يللي ساعدتني في مشروعي :)
زياد: ليش مالاول ماقلتيش ؟؟
نسرين: لاني عارفاتك بتكنسل الموضوع ومش ح تتقبله مافهمتش علاش ؟؟
زياد: حب ميار كان عاميني ع كل شي حلو جنبي <3
نسرين: فلهذا حبيت نخش لحياتك بصفة المجهول .. وتوا انا معلومة عندك والكلمة ليك !
زياد: ههههههههههه الكلمة ليا !!.. شوفي نسرين رغم اني مانحبش الكذب .. بس طريقتك وتفكيرك بجد عجبني . فعلا لو جيتي قلتيلي انا نسرين كنت ح نكنسل الموضوع نهائيا ومستحيل حتي الشبح نشبحلك .. طلعتي ذكية وتقديني .. فلهذا بنصارحك بكل الشي اليوم . طبعا لينا فوق ال 10 شهور مع بعض هدرزة باسم حنين .. بس بالتريس انسجمت معاك وسحرني صوتك وكل شي فيك اليوم .. لما نهدرز معاك ننسى همي .. ونراجي فيك بالدقيقة تتصلي والا تبعتي مسج .. انا ادمنت عليك بجد .. وبعد ماقلتيلي العذر لكذبك هدا انا مسامحك .. بس بشرط !!
نسرين: لو تطلب عيوني نعطيك <3
زياد: ماتستغليش الوضع يللي انا فيه وماتسمريش في الكذب معاي .. حتي بحبك رجاءا لو تكذبي قصي الطريق من توا وفوتيني -_-
نسرين: هههههه مقايلة لغيداء من اول يوم شفتك فيه اني حبيتك وتحديتها تحبني .. ومش ع خاطر تحدي بنخليك تحبني .. ع خاطر قلبي ومشاعري زيزووو <3
زياد: هههههههه سبحان الله .. ربي عوضني بيك.. ايه قولي ماجوكش خطاب اليوم ؟؟
نسرين: هههههه جي واحد بس :)
زياد: مني :\
نسرين:زياد <3
زياد: هههههههههههههه <3
,,,,,,,,,,,,,,,,,,,,,,,,,,,,,,
محمد: شن جوها منال معاك ؟؟
جيداء: مليحة بكل . تعرف اختك مافيش زيها ربي يخليهالك -_-
محمد: هههه قلتلك انا احسن وحدة :)
جيداء: ايه صح -_-
محمد: اصلا حكتلي عليك حاجات انا مانعرفهاش هههههههه
جيداء: شن حكت ؟؟
محمد: ..........................
#Dudu
