#ورد_العمر
الحلقة :: 29 ::
عبير: كيف حالك ؟
يوسف : الحمد لله ،، عظم الله اجركم 😔
عبير: شكر الله سعيكم
يوسف: عبير ،، امتى اتم العدة ؟؟
عبير: مانعرفش الحق مش مجربة قبل 😕
يوسف: اها ،، باهي ممكن نسالك سؤال ؟؟
عبير: نعم تفضل
يوسف: مازلتي رايدتيني ؟؟ 😓
عبير: اسعد راجلي ليه اسبوع متوفي وانت تسأل فيا هالسؤال ،،، ماعندكش قلب تحس بيه انت والا شني ؟؟
يوسف: انا سألتك وانتي جاوبي بايه والا لا 🤐
عبير: لااااا ومعاش تتصل واضايقني تمام ،،سلامات
سكرت عليه وحست بنخصة في قلبها ،، تلفتت لقت غيداء تشبحلها ومتأثرة 😔
عبير: بالله عليك ماتكرهيش الحب مني انا ومن عمك زياد ،، الباين النحس كان عندنا ،،انتي عيشي وانتعشي في الحب مع منذرك هههههههه
غيداء: لا عادي ههههه،، يلا نخليك براحتك توا ترتاحي خللي نمشي نحط العشي 😉
عبير: سلم بنيت خوي ياربي ههههههه
،،،،،،،،،،،،،،،،،،،،،،،،،،،،،،
خش وجدي للحوش لقاه مظلم ،، فتح ضي وسط الحوش وكانت المفاجاة ،، 😯
ميار: ☺️
وجدي: مياااار ،، انا مصدوم ومستغرب وكل شي الصراحة 😟
ميار: ههههه ماتستغربش من اليوم انا ح نكون الزوجة المتالية 😘
طبعا لقي ميار حاطة كيكة ع هيئة قلب ❤️ وعصير ،، ولابسة قفطان قصير لونه وردي ومدايرة فلووو شعرها وميك اب بسيط ومقعمزة تراجي فيه 💞💞
وجدي: لساني ماقدرش يوصف فرحتي بيك ياميورة ياغاليتي 😍
ميار: ههههه انا كنت غبية وين كنت بنفرط في واحد زيك ،، يحبني وعاطيني كل شي ،، سامحني ع كل شي طلع مني قبل اوكي 😞
وجدي: ولا يهمك ياروحي ،، غير فكينا من النكد وخليني نعيش اللحظة 😘
وكانت ليلتهم حلوة زي العسل وكأن ميار مع زياد حبيبها مش وجدي 😕
،،،،،،،،،،،،،،،،،،،،،،،،،،،،،،،،،،،
منذر: يعني انتي مش مضايقة من خطبتي ليك صح
غيداء: علاش بنضايق ؟؟
منذر: الفترة يللي فاتت فايتيني بالطوويل مكالماتي ماترديش عليها ولا حتي لما نوقف عليك في الجامعة تمشي وتخليني 😓
غيداء: هههههه شن رايك تنسى يللي فات ونبدو صفحة جديدة ؟؟
منذر: يعني انتي موافقة عليا ؟؟
غيداء: انا لما كلمتك بعد ماتأكدت ان اماليا موافقين عليك هههههه
منذر: ههههههههه صحة ليك 😉
غيداء: ايه منذر كيف حال اختك ؟؟
منذر: باهية امبكري كلمتني جبتلها كيكة ،، قالت عيد ميلاد وجدي والله اعلم 😏
غيداء: اها هههههههه
منذر: خيرك تضحكي ؟؟
غيداء: شي 😏
منذر: ايه قوليلي شن كملتي قرايتك ؟؟
غيداء: ايه خلاااص الحمد لله 😊
منذر: باهي الحمد لله 😀
،،،،،،،،،،،،،،،،،،،،،،،،،،،
وفي يوم من الايام ::
زياد كان مقعمز في كافي يشرب في نسكافي وفاتح الفيس ع الفون ويتصفح ويراجي في محمد ،،،
البنت: عفوا ممكن نقعمز معاك ؟؟
زياد: 😳😳😳
البنت: خيرك مستغرب ؟؟
زياد: انتي ؟؟ ،،، شايفك قبل انا ؟؟
البنت: انا نسرين صاحبة غيداء
زياد: اه اهلا بيك ،، تفضلي اصلا انا مروح ☺️
نسرين: لا نبيك شويا في موضوع
زياد: اها تفضلي 😕
نسرين: شن اخبارك ؟؟
زياد: تمام 😕
نسرين: زياد خيرك هكي تعامل فيا ؟؟
زياد: انا نبي نفهم مني عاطيك الامل فيا باش قاعدة تلفي وادوري ؟؟
نسرين: الامل في الله ،، خلينا في المهم توا ،، شن تحب تشرب ؟
زياد: شربت صحيتي
نسرين: ااممم تحب تاكل كيكة والا بريوش والا شني ؟؟
زياد: ماناكلش انا في الحلو ً،، صحيتي 🙁
نسرين: اممم باه ،، كنت في الاسواق قريبة من هنا ،، تلمحتك 🤗
زياد: اها ،، اهو محمد جي هي نتلاقو وقت تاني ان شا الله سلامات
نسرين: لا لا لا خليك شويااا عاد
زياد: نعم !!!
نسرين: قصدي خللي نردلك جميلك عليا وين ساعدتني في المشروع 😊
زياد: يللي درته مش بجميلي ،، نستاذن انا 🙂
ناض زياد لمحمد وخلاها مقعمزة لحقاته بعيونها ،،
نسرين: اوووف شكله راسه كاااسح وبيتعبني معااااه ،، ياربي والله حبيته دون غيره يااارب اجعل نصيبي فيه 🙌🏻
،،،،،،،،،،،،،،،،،،،،،،،،،،،،،،،،،،،،،،،
وجدي: حبيبتي انا طالع ماتبي شي ؟؟
ميار: لا سلامتك ياروحي ،، رد بالك ع روحك بس 😊
وجدي: الله يسلمك ياغالية 😘
،،،،،،،،،،،،،،،،،،،،،،،،،،،،،،،،،،،
محمد: مالاخير انا نبيها البنت
زياد: مافهمتش علاش بوها مسكر راسه يعطيهالك 😕
محمد: تي قوله راضي بيها في اي شي المهم انا نبيها بس 😔
زياد: كيف يعني راضي بيها ؟؟؟ ،،، تعرف حاجة انا مانعرفهاش ؟؟
محمد: لا مانعرف شي ،، حق بنقولك ،، امي روحت ههههه
زياد: ههههههه متفق معاها باش تجي تخطبلك رسمي !!
محمد: طبعاااا ،، ماوافقت لين قريب سقيت للبحر هههههههه
زياد: اما عليها جو مقامات امك ماتفهم شي ههههههه
محمد: هدا هوا ،،، ايه قوللي من الطرف يللي كنت معاها امبكري ؟؟
زياد: فوتها 😑
محمد: تبينيش نعرفها هههههه ،، شن تحسابني وجه النحس عليك انا وين تزوجت ميار 😂😂
زياد: لا جديد لا قديم ،، هادي صاحبة بنت خوي وشكلها لصقة مليحة هههههههه
محمد: ربي يهديها ماعندهاش حق تحب واحد زيك 😂😂
زياد: تي فكنا ياراجل موضوعك مريض زيك ،، هي وين بنمشو توا ؟؟
محمد: جعااااااان للمليوووون اختار مكان ناكلو فيه 😉
زياد: الضيافة مافيش غيره 😏
محمد: الوي عاااد ،، تي خللي نمشو للوليمة 😒
زياد: دير رايك ناكلو في اي مكان المهم ماكلة ههههههه
،،،،،،،،،،،،،،،،،،،،،،،،،،،،،،،،
وفاتت الايام وجي يوم بيان غيداء 🎁💞
غيداء: من جي كله كله ؟؟
جيداء: اممم صاحبتك اللصقة نسرين ،، و عيت خالي والجيران القراب بس
غيداء: يعني مش زحمة الصالة ؟؟
جيداء: لا مش زحمة،، خيرها المزينة الغبية مدخلتلك اللون الاسود ؟؟
غيداء: والنبي فكيني طيرتهالي ،، ولما كلمتها فصلت عليا انا هكي وانا هكي ،، عبيطة لين خلاااص ،، ناديلي امي خللي نساويهولي 😖
جيداء: اوكي شويا بس
غيداء: حق حق تعالي جاي يافرخة ،، من محمد هدا يللي تكلمي فيه ؟؟
جيداء: ااه محمد من محمد !!
غيداء: ماديريش جو العبط وانتم بيناتكم حب وغرام 😒
جيداء: كيف عرفتيه ؟؟
غيداء: ناسية بروفايلك في فوني مفتوح يافالحة 😂😂
جيداء: تو يجي يوم وتعرفيه ،،، هاليوم قريب
غيداء: يافانص من التانوي وانتي تحبي ؟؟
جيداء: مبردك ماتشديهاش لبانة ،، خطيبي في المستقبل وممكن نتزوج حتي قبلك هههه
غيداء: بري تفوووو ،، اقلبي هالرمة
جيداء: 😂😂😂
،،،،،،،،،،،،،،،،،،،،،،،،،،،،،
طلعت غيداء عليهم ،، سلمو وهللو وطلعت زي القمر ،، لابسة قفطان فوشي كمامه ع الكتاف ،، وفيه فصوص كريستال ع الكتف وجيهة الصدر لعند الخصر والباقي كلووش ،، ومن تحت فيه دانتيل ،، وتسريحة نازلة ومكياجها بعد التعديل ،، بينت ملامحها احلى ،،
ابتهال: ريتي ريتي مرت خوك زي القمر
ميار: ايه ريتها ماشا الله 🙂
ابتهال: ياحليله منذر كان يخش يشوفها يحلف يدير العرس الشهر الجاي ههههههههه
ميار: ايه 😊
ابتهال: خيرك تاعبة فيك شي ،؟؟
ميار: حاسة بدوخة ادعي نكمل البيان ع خير بس 🙁
ابتهال: ان شا الله خير ،، كانك حاسة روحك بتزيدي تتعبي خللي راجلك يروح بيك 😔
ميار: لا ،، بنزيد شوي وبعدين تو نكلمه
ابتهال: ايه قوليلي هداك اليوم احتفلتي بعيد ميلاده وجدي ؟؟
ميار: عيد ميلاده ؟؟،، امتي عيد ميلاده هوا ؟؟
ابتهال: هههههه تي منذر قال رفعت كيكة لميار
ميار: ماشا الله منذر لحق ينشرها 😒
ابتهال: فرحتلك الحق ،، قلتلك انا تزوجيه تو تحبيه بالشويا
ميار: نحبه ؟؟ ،، هئ هئ ان شا الله
ميار تنهدت وقالت في سرها (( طلع عيد ميلاده ،، آآخ ياربي شن ندير توا ،، الجثة عند وجدي والقلب عندك يازياد ،، زعما شن مداير مع حبك الجديد ؟؟ ،، بتحبها زي ماحبيتني انا ،، بتحارب الدنيا ع خاطرها ،، تستاهل كل خير انت يازياااد ربي يحميك ويهنيك ))
،،،،،،،،،،،،،،،،،،،،،،،،،،،
ابتهال: ايه والله ماشا الله عليها ،، انا فرحانة الحق الباين عيلة راقية ومتاعبن اصول
منذر: مانرفعكش لاي مكان انا عاد هههههههههههه
ابتهال: تعرف فرحانة لسببين
منذر: الاول ان كنتك طلعت حلوة ههههه والتاني ؟؟
ابتهال: ميار اطمنت عليها وبدت ترتاح مع وجدي 😍
منذر: والنبي شن فيه ماينحب بس 😒
ابتهال: اسكت تحشم عاااد ،، ربي يهنيها ويهنيكم كلكم ياااارب
منذر: ان شا الله ❤️❤️
،،،،،،،،،،،،،،،،،،،،،،،،،
عبير: اااااخ رجليا نكسرو من الكعب شن هدا 😫😫
غيداء: امالا انا شن نقول هههههههه مش حاسة بيهم بكل
عبير: ايه الحق مابعدك ههههههه فكرتيني في بياناتي
جيداء: ههههههه ريتي سوسن قفطانها عجبني الحق 😍
غيداء: جاباته من الاردن هههههههه
جيداء: اصلا واااااضح ،، اسمعي رودي بتروحي مع علي انتي ؟؟
غيداء: لا بنبات عبورتي هههههه
جيداء: حتي انا بنباااااات ههييييي ✌🏼️✌🏼
عبير: وووووووه مابعدي ،،، تو وحدة بتشدلي منذرها والتانية محمدها ههههههه ياعليك بيتة بتوها معاي 😩😩
جيداء: لحقتي تنشري الخبر ،،، مصح وجهك وخلاااص
غيداء: حقاااا ماقلتلكمش 😱😱
عبير: شنو اصدمينا
غيداء: منذر قاللي ميار مدايرة عيد ميلاد راجلها 😱
جيداء: انتي قلتيها راجلها عادي يعني ☺️
غيداء: القصة انها كانت مش طايقاته بعد ماكدبت عليها كدبة ع زيزو بدت تعيش حياتها ههههههه
عبير: اما اختك ياجودي قليلة ادب والله
جيداء: من لما خطبها منذر وهيا هكي ههههههه
،،،،،،،،،،،،،،،،،،،،،،،،،،،،،،،،،،،
واستمرت الحياة طبيعية ،،، لين جي اليوم يللي ميار ولدت فيه وليد زي القمر ،، وقررت تسميه ع اسم بو وجدي ،،، (( قاسم 🎁 ))
وقررت مع هالقرار ،، تعيش بس لولدها يللي اهم من وجدي وزياد واهم حتي من نفسها 💔
وجدي قايمها في عيونه وغير شن تبي بس ،، وقبل ماتطلب يلبي الطلب ،، بس ماكانت هاضماته مازال ،،
غيداء ومنذر حددو عرسهم في شهر (( 8 )) ،، ومنذر فرحان كل يوم يتلاقى مع كريم ويحكيله قداش هوا فرحان ،، زعما كريم يخليه في حاله ؟
جيداء متواصلة مازال مع محمد ،، ع الفيس وقاعدة في مصراتة ،، ومازال ماقررتش امه تخطبله ،،قاعدة تمدد بكيفها في الخطبة
زياد يتفادى في نسرين بس مافيش فايدة قاعدة توصله في سلامات مع غيداء ومرات يتلاقى معاها صدفة تعنكش فيه 😖
عبير استمرت في الشغل في الصيدلية بعد ماتمت عدتها خلاااص ،، وبدت تتأقلم مع وضعها بالشويا ،، وياريت يجي نصيبك وترتاحي ،، هادي جملة كل من شافها 😤
،،،،،،،،،،،،،،،،،،،،،،،،،،،،،،،،،،
رحمة: ماتقوليهااااش 😱😱
جيداء: اقسم بالله 😰
#Dudu
