#ورد_العمر
الحلقة :: 8 ::
خش زياد عليهم مخلوووع ..
علا: اسم لله
عبير: خلعتني خيرك؟؟
مريم: مديله مية خوك داهش
عبير: هاك من كان يجري وراك؟؟
زياد ويحاول يلقط نفسه: اسمعوني نبيكم في موضوع
عبير: شن في؟؟
زياد: نبي نخطب
مريم: شنوووو؟؟
زياد: يمة البنت بضييع من بين ايديا خليني نعطي فيها كلمة بس
علا: هالساعة المباركة نوضي غيري حوايجك يمة خللي نقولو كلمتنا ونروحو
زياد: بلا تسهويك علا نتكلم بجديات
مريم: كيف تبينا نمشو للبنية هكي !!
زياد: ايه عادي المهم بنشوف بوها وانتي كلمي امها
عبير: ميااار !!
زياد: ايه شفتها عجبتني ونبيها انا ..ومتاكد ح تعجبكم
عبير: ايه والله تهبل البنية !!
علا: ومنين تعرفيها انتي ؟؟
عبير: ااااه هيا صاحبتي في الابتدائي شافها زياد مرة معاي عجباته
علا: صاحبتك في الابتدائي؟؟.. باهي وانت خيرك جاي مخلوع؟؟ لتوا ماعرفناش السبب؟؟
زياد: سمعت اليوم ان بيخطبوها وانا بنستعجل قبل ماحد يجيها
مريم: باهي ع الاقل اعطي علم لخوتك
زياد: غير نمشولهم وبعدين نعطيهم علم
مريم: ربي يهديك ياولدي .. اعطيني رقم امها ياعبير
علا: ماشا الله عندك حتي رقم امها؟؟
عبير: ههههه اهو ينادي يمة
مريم: السلام عليكم
ابتهال: وعليكم السلام
مريم: كيف الحال؟؟
ابتهال: الحمد لله .. اهلا وسهلا بيك
,,,,,,,,,,,,,,,,,,,,,,,,,,,,,,,,,,,,,,,,,,,,
ابتهال: ميااااار ياميااااار زودي
ميار: نعم ماما .. شن في؟؟
ابتهال: جايين خطابة اليوم
ميار انصدمت : ماما شن تقولي انتي ؟؟.. وانا شن قلتلك ع الموضوع اهوا؟؟
ابتهال: يللي كلمتني ام صاحبتك ماعرفتش من هيا وتحشمت نعاود السؤال مرتين المهم ناديلي مصعب بنطلع نجيب حاجات ناقصيين
ميار: ماتجيبي شي انا مانبيش خيرك يمة؟؟
ابتهال: خللي يجو الناس ونشوفهم بعدين ساهل .. بري ارتاحي انتي كيف مروحة من الجامعة مازال هما بيجو العشية وتوا الساعة 1
ميار: اووووف مافي حد يسمع في صوتي والا شني؟؟
,,,,,,,,,,,,,,,,,,,,,,,,,,,,,,,,
غيداء مروحة في الطريق.. بعتلها كريم مسج ( كويس طلعتي تفهمي ونضتي كان هدا ملفك القديم يكون فوق الطاولة ههههه *).. سكرت فونها واتكت ع المرش واذكرت كل شي صار معاها من منذر وكريم .. لين وصلت للحوش ..
,,,,,,,,,,,,,,,,,,,,,,,,,,,,,,,,,,
عبير اتصلت بزميلتها في الصيدلية تاخد دوامها لانها ماتقدرش تجي ماشيين بيخطبو لزياد .. اتصل بيها يوسف..
يوسف: اهلين عبير شن صار فكرتي؟؟
عبير: ايه فكرت وقاعد قراري هوا هوا ماتغيرش
يوسف: والله ح تندمي ره
عبير: تبيي تمشي لغيري برا مش شاداتك
يوسف: اوكي سلام
,,,,,,,,,,,,,,,,,,,,,,,,,,,,,,,,,
ميار اتصلت بزياد وهيا تبكي ..
زياد: خيرك ياروحي تبكي؟؟
ميار: بيجوني خطاب وانا مانبيش غيرك يازياد بالله عليك فهمهم
زياد: هههه خلاص امسحي دموعك تو نشوف حل اوكي!!
ميار: ماتخلينيش بالله عليك
زياد: من عيوني حااااضر
,,,,,,,,,,,,,,,,,,,,,,,,,,,,,,,,,,,,
ابتهال: تفضلي تفضلي .. مرحبتين
مريم: الله يسلمك .. بسم لله
قعمزت في الصالة وكان اثاثها راقي وحلوو .. وزياد قعد مقعمز في السيارة ماباش يخش يشوف بوها لين يكون معاه واحد من خوته .. ويحددو موعد لكلام التريس .. ركبت ابتهال لبنتها ..
ابتهال: امسحي ياهمي دموعك تقول في عزي وانزلي سلمي ع المرا
ميار: مانبيش مانبيييش
ابتهال: اسسس نقصي حسك تو تسمعك انا مانبيش نعطل اكتر من هكي ع المرا انزلي كان بتنزلي كان هدا اجعنك مانزلتي
مسحت دموعها ميار ولبست لبسة بسيطة .. بلوزة وردية خفيفة ربع كم .. وقونة تحت الركبة ازرق ملكي .. وخلت شعرها مسبوول ع كتافها وماحطت شي ع وجهها ..
مريم: ماشا الله عليك يابنتي ربي يحفظك
نزلت ميار بتسلم ع عبير من غير ماتركز انها عبير ..
عبيرقالتلها في ودنها: طالعة تهبلي اليوم
قامت راسها ميار لقتها عبير ..تفاجأت فرحت .. قعمزت مقابلتهم وكانت قريب تبكي من الفرحة ..
ابتهال: اها نوضي ميورة ضيفي ضيوفنا
ميار: حاضر
مشت للمطبخ طوول اتصلت بزياد..
زياد: ههههه نحبك
ميار: مش مصدقة انا؟؟
زياد: صدقي ياروحي قلتلك انا مش ح نسيبك بروحك
ميار: خزي عليك باهي علاش ماقلتش ع الاقل تكمت روحي باهي
زياد: حتي هكي متاكد امي عجبتيها
ميار: ههههههه برا خير مانعطل ع امك
زياد: باهي اطلعي من البلكونة نشوفك شوي وانزلي
ميار: هههههه مجنون وحق ربي
,,,,,,,,,,,,,,,,,,,,,,,,,,,,,,,,,,
علاء يراجي في السيارة نهلة وبناتها ينزلو بيرفعهم الملاهي .. عطلت عليه
علاء: اوووف من هالمرا خاطري نعرف شن ادير فوق بس
نسيم: اهي جاية يابابا
علاء: واخيرا يللي يشبحها يقول بتطلع صدارة
رنيم : هههههههههههه
جني: هي بنمسو بنمسوو
علاء: هي ابدعينا بفنياتكم جنو
جني: ملة تلعنا ومسينا مسوار بسيارة لينا احنا ماما وبابا رحنا فرحنا كتير وغنينا هي هي هي
رنيم ونسيم: ههههههههههه مرة طلعنا ومشينا مشوار بسيارة لينا
جني: لا اسكتو انا بس نعني
علاء: هههههه غني بروحك هي
نهلة: وووه راسي بيستك منها ومن عياطها
جني: حليني عني تو بعتين تقولي ياريته جني اهني تعنيلي
رنيم: وين بتمشي اصلا ههههه
جني: بعيد
نهلة: اسكتي بلا تفتفيت انتي وياها قريب نوصلو هي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
غيداء خشت لفراشها من غير ماتقول ولا كلمة
جيداء: ان شا الله باللطف .. خيرك؟؟
غيداء: بنرقد راسي يوجع فيا
جيداء: تو امي تجيك ادير فيك حالة
غيداء: اديري حتي حالات .. انا بنرقد سكري الباب وراك
جيداء: اوكي انا بننزل لميمة
غيداء: سلميلي عليها
,,,,,,,,,,,,,,,,,,,,,,,,,,,,,,,,,,,,,,,,,,,
في السيارة ركبت الحاجة مريم تشكر وتعاود في ميار واسلوبها ونزاكة امها وترحيبها بالناس ..
زياد: وباهي ماحددتوش موعد نجو نخطبو رسمي
مريم: امها قالت الشور عند البنت وبوها خللي يروح نشاوره ونرد عليك
زياد: تمام المهم خللي يستعجلو
علا: ماهيش هاربة البنت .. وخصوصا لما امها قالت رفضت هلبا ع خاطر القراية ياعالم انت تكون منهم والا حاجة خاصة
زياد: لاش تفاولي علينا الزفت ؟؟
عبير: ههههههه سكر ودانك هادي طايرتلها من حماواتها جيت انت في الوجه هههههه
زياد: قولنالها كانها تفهم .. تسكر راسها معاهم وتعاملهم ببرود لكن هيا تحرق في دمها ع الفاضي
علا: سكروه الموضوع نكدتو عليا .. ووووك سيرتهم تجيب الهم
مريم: شن عندك مادير يازياد توا؟؟
زياد: محمد من امبكري يتصل مش عارف شن يبي .. نشوفه بعده ماعندي شي
علا: لازم تشوفه .. اهو كلمه وشوف شن يبي؟؟
زياد: يالطيف هههههههههههه
,,,,,,,,,,,,,,,,,,,,,,,,,,,,,
ميار كانت بطييير من الفرحة .. خشت عليها امها لقتها تضحك ..
ابتهال: ان شا الله دوووم شن في؟؟
ميار: اسمعي ماما بنقولك موضوع
ابتهال : قولي نسمع فيك
ميار: العيلة اهيا نعرفها كووويس والبنت ليا سنتين معاها
ابتهال: كيف سنتين .. هيا اكبر منك ولاه!!
ميار: ايه بسنة بس
ابتهال: اها .. منين تعرفيها حسب علمي ماقرتش اهني هيا؟؟
ميار: معرفة شات وبعدين تلاقينا اكتر من مرة وهيا بنت كويسة وتهبل ربي يحفظها
ابتهال: نفهم منك انك موافقة ع خوها"؟
ميار: خوها!!.. خلي نشوفه وبعدين ساهل
ابتهال: تو بتفهميني انك عمرك مارتيه ؟؟.. ع مني تكدبي انتي !!
ميار: ههههه ريته شوياات .. انتم زيدو اسألو عليهم ونا موافقة ره .. طبعا شوركم
ابتهال: باهي ربي يهنيك يابنتي ويبعتلك يلي فيه الخير
ميار: ادعيلي ياماما بالله عليك
ابتهال: مصح وجهك بنراجيك لين تقوليلي .. نوضي حسه معاذ جي بري حطيله غداه
ميار: من عيوني
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
نهلة مقعمزة ع كرسي هيا وعلاء .. والصغار مقابلينهم يلعبو .. دورة دورة ينوضو يشوفوهم
نهلة: ريت امس سوسن في حالة مايعلم بيها الا ربي
علاء: ايه حتي محمود مامشاش للعمل ع خاطر مريضة
نهلة: ربي يشفيها .. لكن والله في حاجة
علاء: شن بيكون في يعني ؟؟
نهلة: وين نندري انا .. حتي ريهام ماتبيش تدوي هيا يللي تلقتها امس وين نزلت مخلوعة
علاء: اها وعلاش ماتبيش تدوي؟؟
نهلة: لانها شافت حاجة وماتبيش تقول عليها حتي من الفرخة عبير تبكشت
علاء: يلا للبيوت اسرار
نهلة: هديكا حاجتنا احني والله يسمعوها وانت ماتعرف ادس حاجة
علاء: تي خوتي وامي علاش بندس عليهم ؟؟
نهلة: وخيره محمود مايطلع شي مش حتي هوا خوته وامه؟؟
علاء: كل واحد حر في نفسه .. بعدين تبيه يحكيلنا شن صاير مع مرته خيرك انتي ؟؟
نهلة: والنبي نسكت خير .. عمري ماخديت منك لا حق لا باطل
علاء: لان كلامي ماعجبكش هدا علاش؟؟
نهلة: ماشية بنشوف الصغار انا
علاء: خلاص حتي انا ماشي للقهوة نجيبلهم ماياكلو
نهلة: ايه احسن مادير مرات نولي نتطربق عليك
علاء: ههههه ربي يشفي
,,,,,,,,,,,,,,,,,,,,,,,,,,,,,,,,,,,,,,,,,,
محمود: شن فيها يادكتورة؟؟
الدكتورة: مافيها شي والحمد لله
سوسن: مافيش حمل يعني !!
الدكتورة : لا للاسف !!
محمود: باهي شن المشكلة يادكتورة ؟؟
الدكتورة: مافيش مشكلة .. المسألة مسألة وقت وياما منهم هكي صار معاهم وحملو وجابو والحمد لله
سوسن: انا مانبيش نكون منهم سمعتيني ولاه !!
الدكتورة: عفوا !!
محمود: سوسن اسكتي عيب شن هالكلام .. متأسفين دكتورة هي السلام عليكم
شد سوسن من ايدها ونزلها للسيارة خاف تسببله مشكلة مع دكتورة وعارف انها عصبية وموضوع الحمل هوا سبب حالتها يللي توا !!
,,,,,,,,,,,,,,,,,,,,,,,,,,,,,,,
صالح كيف بيفتح كنشيلو الحوش بيدرس سيارته جاه جلال ..
جلال: السلام عليكم
صالح: وعليكم السلام .. تفضل !!
جلال: والله جايك في موضوع خاص شويا
#Dudu
