My Not So Innocent Girl

CHAPTER 49

Chapter 49

~ Braille Kyle Romero~

Isinuot ko ang aking black shades matapos kindatan ang isang babaeng nakasalubong namin sa labas. Napatili pa ito. Ibang klase talaga ang karisma ng isang hanep sa gwapong tulad ko.

"Lakas mang-chicks, tiklop naman palagi kay Mi--"

Mabilis kong ni-headlocked si Dairo. "Gago! Real talk!"

Pinitik ko pa ang tenga niya bago sumakay sa loob ng kotse ni Troy. Lumingon ako sa likod at nakita ang natutulog na si Cemie. Nakahilig ang ulo nito sa balikat ni Ishigara na nasa right side niya. At sa left side naman nito ay si Broken Troy.

Aw. Ang astig nilang pagmasdan. Hindi na lingid sa kaalaman namin ni Hermosa na simula nang mawala sa samahan namin si Miguel ay itong dalawa na ang mas naging close. Si Troy ang madalas niyang kausap noon nang mag-break sila ni Aria Hung. Palaging sila ang magkasama sa pakikipag-bakbakan kay Miguel.

At hindi ko inaasahan itong nangyari ngayon. Sumpa ata sa tropa namin na ma-inlove ang dalawa sa iisang babae. Pero, masaya akong pinili na si Takashi sa pagkakataong ito. At si Troy, kawawa naman siya.

"What?" supladong tanong niya.

Napabuntong hininga ako. "Condense, pre. RIP sa puso mong nasugatan."

Tatawa-tawa akong nagsiksik sa sulok nang batuhin niya ako ng iniinom niyang coke mismo. Mayamaya pa ay naupo na si Dairo sa driver seat katabi ko. Lumingon din ito sa likuran at kagaya ko ay napangisi.

"Aray...aray nakuuu ugh~" pakanta pang asar nito kay Troy.

Pareho kaming natawa at nag-apir pa.

"Manahimik kayong dalawa, may tulog dito!" saway ni Takashi. May inis na agad ang mukha niya. Si Cemie lang talaga ang nakakapagpaamo sa hapon na ito.

Nagsimula nang magmaneho si Dairo at ako naman ay hindi maiwasang mapalingon sa likod. I saw how Ishi gently massaged Cemie's hand.

"Alam mo, Takashi. Gago mo, talagang aalis ka ng hindi man lang nagpapaalam sa sleeping hotdog na 'yan?" anas ko kay Ishi.

"Wala naman sa plano kong umalis ng bansa. Nag-aalangan pa nga akong pumunta sa airport kanina e." sabi niya. Nakatitig ito sa mukha ni Cemie. "I received her message, sinabi niyang hindi niya kayang umalis ako. That's why I cancelled my flight. Hindi talaga ako tumuloy sa flight. Alam kong pupuntahan niya ako..." he paused. "Napanood ko 'yon sa mga movie na sinasabi niya sa akin..."

"Drama mo!"

Tinaasan niya ako ng kilay. Ipinatong niya ang leather jacket niya sa harap ni Cemie, at napatingin naman ako kay Troy ng alisin din nito ang jacket niya. Ipinatong niya iyon sa legs ni Cemie, naka-short lang kase ito ng sobrang short.

Nagkatinginan kami ni Dairo at sabay na napangiti dahil sa dalawa.

I am happy that Ishigara already find his own happiness. And Troy? Alam kong makakahanap din siya ng babaeng mamahalin niya, at mamahalin siya ng higit sa kahit na sino.

Dahil ang pag-ibig, habang buhay na nasa mundo 'yan. Hindi mawawala, at kahit kailan ay hindi mauubos. Pana-panahon lang 'yan.

What's meant for you, will always find you. And you'll end up to something better.

Kaya hanggang sa huli, aasa ako na sa sarili kong kwento...magiging masaya ako, kagaya ng hinihiling ko para sa mga kaibigan ko.

~ Cessiana Marie Vasquez~

"Cemie, kumain ka." utos sa akin ni Ishi.

Andito kami ngayon sa tapsihan malapit sa bahay namin. Dito kami iniwan ng tatlong papables. I couldn't help but to stared at him. Hindi parin ako makapaniwala na magiging maayos agad kami. Akala ko ay talagang iiwan na niya ako.