Daisy ; Blooms in 1960

16

"ငါက အစ်မကို သီချင်းခွေအသစ်လက်ဆောင်ပေးမှာ နင်ရော မစ်စ်ကင်ကိုဘာပေးမှာလဲ.. "

"မပြောဘူး ငါ့ဟာငါဝယ်မယ် နင်လည်းအခွေဆိုင်သွားမှာဆိုသွား.. ပြီးမှ ဒီနားမှာပြန်ဆုံကြတာပေါ့.. "

လီဆာနဲ့ဂျီဆူး စျေးလမ်းထိပ်မှာရပ်ရင်းစကားပြောနေကြခြင်းဖြစ်သည် ။ မနက်ဖြန် ခရစ်စမတ်နေ့မို့ ကင်တို့ညီအစ်မကို လက်ဆောင်ပေးရန် နှစ်ယောက်သားတိုင်ပင်လိုက်ကြခြင်း ။

"ပြီးတာပဲ အရမ်းမကြာနဲ့နော်.. "

"အင်း.. "

ဂျီဆူးနဲ့လမ်းခွဲပြီးလီဆာ စျေးအတွင်းပိုင်းထဲဝင်လာခဲ့သည် ။ စာအုပ်ဆိုင်ရှေ့ရောက်တော့ ခနရပ်လိုက်မိသေးသည် ။ သို့ပေမယ့် ကင်က အဂ်လိပ်စာအုပ်တွေအဖတ်များတာမို့ လီဆာ ဆိုင်ထဲမဝင်ဖြစ်တော့ ။ ဒီမြို့မှာ အဂ်လိပ်စာအုပ်အရောင်းဆိုင်ကမရှိဘူးလေ ။ ပညာတတ်ရှားတော့ စာဖတ်တဲ့သူလည်းရှားပါတယ် ။ အထူးသဖြင့် အဂ်လိပ်စာအုပ်ဆို ပိုပြီးတော့တောင် ရှားသေး ။

စျေးက အရင်နေ့တွေကလို လူသိပ်ရှုပ်မနေ ။ မနက်စောစောမို့ လက်ဘက်ရည်ဆိုင်တောင် ဖွင့်ဖို့ ခုံစီတုန်းရှိသေးတာ ။ လီဆာ ဟိုကြည့်ဒီကြည့်လျှောက်လာရင်း "အနောက်တိုင်း စီးကရက်ရနိုင်သည် " ဟူသောဆိုင်းပုဒ်ကိုမြင်တော့ ဝမ်းသာသွားသည် ။

"တော်သေးတာပေါ့ ဒီလိုဆိုင်းပုဒ်ချိတ်ပေးထားလို့ .."

လီဆာ လက်မှာကိုင်ထားတဲ့ပိုက်ဆံအိတ်ကို အနွေးအက်ျီအိပ်ကပ်ထဲထည့်ရင်း ထိုဆိုင်ထဲဝင်လိုက်သည် ။

"ဘာလိုချင်တာလဲ ညီမ.. "

"ကျွန်မ စီးကရက် လိုချင်လို့ပါ.."

လီဆာ့အဖြေကို ရောင်းသူအမျိုးသမီးကခေါင်းငြိမ့်ပြီး စင်ပေါ်ထောင်ထားတဲ့ စီးကရက်ဘူးတွေတစ်ဘူးချင်းယူပြသည် ။ ခက်တာက ဒါတွေ လီဆာမှ နားမလည်ဘဲ ။ ဘူးပေါ်က တံဆိပ်တွေကို လိုက်ကြည့် လိုက်သည် ။ Gauloises ၊ will's whiffs ၊ Soverengi နောက်ထပ်နောက်ထပ် လီဆာမသိတဲ့တံဆိပ်တွေရောပါပဲ ။