خرافات زمان ليبية💗

ناس زمان💕

من طبع العائلات في طرابلس زمان:
1- مستحيل يمشوا لمناسبة فرح سواء عقد قران والا عرس من غير عزومة ...حتي لوكانت للعيله الاقرب او للجيران ... لكن في المرض و العزي طووول يمشوا و يعاودوا لكن الفرح بالعزومة حتى لو كانوا من العيلة و الا الجيران.
2-مستحيل يمشوا من غير صائبه في كل المواقف ...سواء مفرحه او محزنه .
3- مستحيل تخش مرا بهدرز تهدريزة العصريه من غير حتي ماتجيب "طرف
بشكطي" ...ماتخش بيد فاضيه حتي لو جابت امس وديدة شاهي العصريه .
4- مستحيل تعرف العيله جارتهم حامل وتشم الماكله وماتبعثلهم "ضوقه"!
5- مستحيل العيله تعرف بجارتها مريضه ماتشد صغارها كان بتمشي للدكتور.
6-مستحيل تسمع عركه عند جيرانهم مايتدخلوا بالصلح والكلمه الطيبه .
7-مستحيل بو العيله يخش حتي اهله من غير مايتحنحن ! والا يقول يااهل الله.
8- مستحيل البنت ماتقعد في ردي والا قفطان مستور قدام بوها!
9- مستحيل تلقي امكيجه ومش لابسه كويس قدام شيبانيها وعجوزتها !
10- مستحيل عيل الجار ينضرب ويجي بوه يعيط والا يشكي!
11- مستحيل الكنه تركب جنب راجلها في السياره ! الأم قبل!!
12- مستحيل تفوت جمعه من غير سنفز هههههههههه
13- كان خش بو العيله الحوش يتسكر الراديو جري هههههههه
14 - مستحيل ادندن والا تغني والبو قاعد ههههههههههه
15-مستحيل القايله تقيمها علي راسك للعصر !!البو راقد
16- الكبار يعلموا الصغار ومايبخلوا عليهم بالنصيحه
17- كان حد توفي جيرانه يتكفلوا بعشي المعزين
18- كان نجحوا صغار جيراني كانهم صغاري اللي نجحوا
19- مستحيل ترد صونيه فاضيه لجيرانك ولو فيها "بياض" دحيه بعد الضوقه
20- كان جاهم ضيف علي غفله وقت غذي ..يتغدي هو قبل ..والفضله للعويله!!
21-مستحيل المرأة ترفع صوتها على راجلها وإﻻ سلفها وإﻻ شيابينها
22حتي كان مبتلي بالخمر يروح في كروسه لحوشه والا الحيط الحيط من غير دوشه!
23-مستحيل يجى الضيف ويقابلوا الصغار الضيف ولا يمسو ا حاجه من الضيافة وعيب الصغار يطلعوا مع أماليهم ولا يتكلموا - ولما يعزموا فى المناسبه فضانيه والا فاتحه- لازم اللى يعزم الراجل صاحب العزومه كان هدا مش مقبولة -ولما نسلمو اعلى الضيف ويكون بالدات كبير فى السن نبوسو على اليد والراس ولما نروحو نبوسو ا أيد أمنا وكان فى ضيوف حتى هما وكان بونا وأمنا قالو كلمه خلاص تم بدون نقاش
24-مستحيل الصغار يقعمزوا قدام الكبار ويقعدوا فاتحين اوذانهم يلقطوا في الدوة ويمشوا يعاودوا.-الصغار يلعبوا على حالهم لين ينادوهم يعطوهم طرف خبيزه والاكعيكه في ايده ويقولوله برا العب على حالك مش توا مقعمز مع الكبار يجغم في الشاهي هو الاول.
25-كان حد جابلنا ضوقه في الصونيه مستحيل نمسوها اونفتحوها لين ايجي بو العيله وتفتحها الام قدامه.
26-البنت لما تتزوج اتجي زائرة لبيت ابوها في احتفالية وهذا بعد مرور شهور على زواجها.
27-لما تشوي او تقلي حوت لازم من توزيع جزء منه على الجيران
28-لما الزوج يكون مسافر او في المستشفى ايجوا نساء الجيران و يباتوا مع الزوجة.
29- صاحب الدكان دائما يبيع بالطلوق اي بالدفع الاجل
30-توزيع الرزاطة الحمراء او مشروب النعناع على الجيران عند نجاح احد الأبناء في المدرسة
31-عندما تنتقل احدى عائلات الجيران للسكن خارج المنطقة يصبح يوم حزين جدا لبقية الجيران كان العائلة ماشية بتحارب في الصومال
32- مافيش عيله يديروا حلاوات العيد بروحهم كانوا يلتموا كل يوم في حوش
33-ويديرها
34-عصيدة الميلود لما يكون جار براني يبعتوله
35-يوم العيد يذوقوا بعضهم الحلاوات وتكون الصونية محطوطة في صفرة ومغطية بالبخشة
36-في رمضان كان جاهم حد يقدموله السفنز وحلوة بالترك والخشاف والفاكهة
37-كان الجار يربي والعم والخال ولد الجيران يحافظ على بنت الجيران زي خوها
العيد الكبيرة مل ما يجي ضيف يقدموله شوى

38-في الاعراس صبايا حوش العريس مايمشوش معاهم للنجمة حتي لو كانو خوات العريس ويوم الدخول مايمشوش الصغار والصبايا حتي لو كانو من العيلة

زيدونا كان تعرفوا !💕