خرافات زمان ليبية💗

العرق الدساس💕

#خرافتنا_الليلة
العرق دساس كان ياماكان كان في واحد في قريه ايقول انا سياسي انا سياسي طبعا هو غريب ع القريه بعد سمعوه الناس مشوا للحاكم وقالوله في واحد ايقول انا ساسي وطبعا الناس ماكانوش سمعينه اكويس لانه كان يقول سياسي وليس ساسي خيل بعد ما اخبروا الحاكم طلب منهم ان يحضروه له ذهب الحراس وجابوه قاله الحكم انت ساسي وانا نبيك اتدربلي الخيل قاله لا انا سياسي قاله الحاكم لا انت ساسي ونبيك اتدربلي الخيل واصر عليه الحاكم ماكانش قدامه الا انه ايلبي طلب الحاكم والحاكم امر الخدم ان يعطوه وجبتين الاولي رز بلحم الدجاج والعشاء حساء قعد هذك الراجل ايدرب في الخيل حوالي اسبوع بعدين هرب امر الحاكم ان يحضروه وفعلا احضروه قاله الحاكم ليش هربت قاله لان فرسك مش عربيه اصيله قاله كيف عرفت قاله اسئل عليها بس طلب الحاكم من العسكر ان يحضروا الساسي السابق امتاع الخيل بعد جاء سئله الحاكم قاله الفرس هذا عربي اصيل سكت الساسي بعدين قال لا مش عربي اصيل قاله كيف قاله زمان احصان مات وانا خفت منك رضعتها من ابقره ذهب الحاكم وسئل الراجل كيف عرفته قاله من حركاته عرفته سكت الحاكم بعدين طلب منه ان يكون المستشار امتاع زوجته قاله حاضر وطلب من الخدم امتاعه يحضروله وجبتين الغداء دجاجه والعشاء دجاجه قعد هظك الراجل اسبوع وبعدين هرب طلب الحاكم من العسكر ان يحضروه وفعلا احضروه قاله الحاكم ليش هربت قاله لان زوجتك هذي اسئل عليها وفعلا مشي لامها وسئلها قاللها بنتك شن قصتها قالتله امها هذي مش بنتي وزمان بوك وبوها من هم وصغار اتفقوا علي انهم ايزوجوهم لبعضهم وانا بنتي ماتت مشيت جبت بنت من الغجر وربيتها عشان تتزوجها مشا الحاكم للراجل وقاله كيف عرفتها قاله من خلال حركاتها لان حركاتها مش حركات بنت ملوك قاله كيف قاله لانها كانت اتدير في تغمز بعينها وحركاتها واجدات قاله الحاكم تو نبيك تقعد المستشار امتاع امي قاله باهي امر الخدم ان يحضروله وجبه خروف غداء وخروف عشاء مشا الراجل قعد اسبوع وبعدين هرب طلب من العسكر يحضروه بعد جابوه قاله كنك هربت قاله امشي اسئل امك مشا لامه وسئلها قالته انت مش ولد حاكم زوجي كان عقيم وانا حملت من الطباخ عشان يكون عندي ولد يورث الحكم مشي للراجل قاله كيف عرفتني اني مش ولد ملك قاله لان تفكيرك كله ع الطعام في الاول ارز وبعدين دجاج وبعدين خروف  ...شفتوا العرق شن ايدير