Unspoken Poetry

Unspoken Poetry #25-Paalam

"PAALAM"

Paalam sa mga alaala na hindi na mababalikan,
Paalam sa mga ngiti mong dati ako pa ang dahilan,
Paalam sa mga liham na isinulat sayo't pinadala,
Paalam sa mga papel na rosas na 'yong ginawa.
Paalam sa mga musikang sabay nating kinanta,
Paalam sa mga ginawa kong mga tula na ikaw lagi ang paksa,
Paalam sa mga tawa mong nanliliit pa ang 'yong mga mata,
Paalam sa mga palad mong hindi ko na mahahawakan pa.
Paalam sa mga balikat na hindi ko na masasandalan pa,
Paalam sa mga yakap na ayokong kumawala,
Paalam sa mga halik, unang halik na sayo nagmula.
Paalam sa mga lakad nating hindi nakakapagod dahil kasama ka,
Paalam sa mga litrato na dati hindi ko kayang mabura,
Paalam sa mga araw na lagi akong umaasa,
Paalam sa mga gabing namimiss kita.
Paalam sa mga oras na hindi natin namalayan sapagkat tayo ay masaya,
Paalam sa mga taon na tinagal dahil sa mahal kita,
Paalam sa lahat, paalam sayo at hindi pala tayo ang nakatadhana.