ဒီနေ့ မောင့် အိမ်မှာ ဦးမာနထွဋ်ခေါင်တို့ကို ထမင်းစားဖိတ်ထားလေသည်။ ဦးမာနက သူ့သူငယ်ချင်းကို ပြောစရာရှိတာကတစ်ကြောင်း သူသူငါငါ အလုပ်ကိုယ်စီနဲ့ဆိုတော့ သူတို့သူငယ်ချင်းနှစ်ယောက် ကောင်းကောင်းစကားမပြောရတာ ကြာပြီဖြစ်တာကြောင့်ကောပါ မောင့်ကို ထမင်းအတူတူ တစ်ရက်သွားစားကြရအောင်ဟု ဖုန်းဆက်ထားခြင်းဖြစ်သည်။
ဦးမာန ဖုန်းဆက်လာတဲ့ အချိန်က မောင်နဲ့ ကျွန်တော် ဈေးဝယ်နေတဲ့အချိန်ဖြစ်နေတာကြောင့် မောင်က သူ့အိမ်ကိုဘဲ လာခဲ့ရန် ပြောလိုက်ခြင်းဖြစ်သည်။ သူပြောပြီးကာမှ မောင်က
" မောင့်ကလေးလေးက ချက်ကျွေးမယ် မဟုတ်လား ဟင် " တဲ့။
ဘယ်လိုတောင် မျက်နှာငယ်လေးနဲ့ မေးလည်းဆိုတာ ခင်ဗျားတို့ကို ကိုယ်တိုင် မြင်စေချင်စမ်းပါတယ်။
" မောင်ရယ် ချက်ကျွေးမှာပေါ့ဗျာ ၊ Chilli လေးတို့ကို ကော ဖုန်းဆက်ထားလိုက်လေ မောင် "
" ဒါဆို အားလုံးအတူတူဆုံသွားတာပေါ့ မဟုတ်ဘူးလား "
" မောင့် ကလေးလေး အတော်ဆုံး ၊ ရွှတ် "
" မောင် ! ... "
" သူများတွေ မြင်ကုန်တော့မယ်ဗျာ .. "
တကယ်ပါ ကျွန်တော့်မောင်က အဆိုးလေးရယ် ။
ဒါကြောင့် ဒီနေ့အိမ်မှာ လူစုံကြမည်ဖြစ်သည်။ ကျွန်တော်ကတော့ မနက်စာစားပြီးကတည်းက ချက်နေတာရယ် ။
ခါးကို ရစ်ပတ်လာတဲ့ သန်မာတဲ့ အားတွေနဲ့ လက်တစ်စုံ ။
" မောင် ၊ ကျွန်တော် ဟင်းချက်နေတယ်လေ မောင်ရယ် "
" မောင့်ကလေးလေးက ဘာလို့ အစောကြီးထသွားတာလဲ မောင်က အိပ်မပျော်တော့ဘူး"
" ရွှတ် .. "
" မောင် ... ၊ ဟင်းနံ့တွေစွဲကုန်လိမ့်မယ် "
" စွဲပါစေပေါ့ "
" မောင်ကတော့လေ ... "
" မောင့်ကလေးလေး "
" ပြောလေ မောင် "
" မောင် ဘာလုပ်ကူရဦးမလဲ ၊ နုရီ တို့လည်း မတွေ့ပါလား "
YOU ARE READING
ချစ်ခြင်းမေတ္တာဟူသည် [ 𝖢𝗈𝗆𝗉𝗅𝖾𝗍𝖾𝖽 ]
Romance၅၂၈ အချစ်ဘဲဖြစ်ဖြစ်၊ ၁၅၀၀ အချစ်ဘဲဖြစ်ဖြစ် ချစ်ခြင်းမေတ္တာဟူသည်....🤍 Starting Date - 10.12.2021 Ending Date - 20.2.2022
![ချစ်ခြင်းမေတ္တာဟူသည် [ 𝖢𝗈𝗆𝗉𝗅𝖾𝗍𝖾𝖽 ]](https://img.wattpad.com/cover/294274165-64-k979458.jpg)