နံရံတွေကအဖြူ အိပ်ရာခင်းတွေကအဖြူ
လူတွေကလည်း အဖြူ အရာရာအဖြူ
ဒီကြားထဲဆေးနံ့ကလှိုင်ခနဲ ဆူလည်းဆူညံတယ် ကလေးမျောက်များစွာဆီကလေ
ဟုတ်တယ် မျောက် စာလုံးပေါင်းမှားနေတာမဟုတ်ဘူး ဒီနေရာကတော့ ဆေးရုံပေါ့
ကလေးအထူးကုဆေးရုံတဲ့ အရမ်းလည်း
မကြီးပါဘူး သာမန်လူလတ်တန်းစားတွေ
အတွက်နေရာဆိုတော့ တော်သင့်ရုံပေါ့
ဆေးရုံဆိုတာကျနော့်တွက်တော့ ပျင်းရိဖွယ်ကောင်းတဲ့အဖြူရောင် ဆိုတာထက်မပိုဘူး
ဒါဆိုဘာလို့ရောက်နေတာလဲလို့မေးရင်
အကြွေးတောင်းဖို့လေ မှန်တယ် မင်းဖတ်တာ
ငါ့ရဲ့ပိုက်ဆံတွေယူပြီးထွက်ပြေးနေတဲ့သူဆီ
က အကြွေးရအောင်တောင်းဖို့
" သခင်လေး ကောင်းပါ့မလား "
" ဒါဆေးရုံနော် "
စိတ်ပျက်စရာနောက်လိုက်နှစ်ယောက်ဖြစ်တဲ့ ဇော် နဲ့ သီဟ ကြောင့်ထိန်းထားတဲ့ ဒေါသက
ဖောင်းခနဲ ထွက်ပြီးတစ်ချက်စီပိတ်ကန်ပစ်လိုက်တယ်
" ဒါဘယ်ကောင်တွေသောက်သုံးမကျလို့ငါကိုယ်တိုင်လိုက်လာရတာလဲ "
" ကလေးကခွဲစိတ်နေရတယ်ဆိုလို့ "
" ပိတ်ထားစမ်း အပေါက်တွေ "
" ဟုတ်ကဲ့သခင်လေး "
ကျေနပ်အောင်ပြောဆိုပြီးမှ ရှာနေခဲ့ရတဲ့
အခန်းနံပါတ် 13ကိုခပ်ကြမ်းကြမ်းဆွဲဖွင့်လိုက်တယ် နူးညံ့မှုတွေကကိုယ်နဲ့မှမဆိုင်ဘဲ
ဟက်
" သ သခင်လေး.... "
" မတွေ့တာတော်တော်လေးကြာပါပေါ့လား
ဒေါ်မေထိပ်တင် နှစ်နှစ်တောင်ရှိပြီဗျာ "
" ကျမ ကျမ "
" ခင်ဗျားသားလား ဒီ ကတုံးက "
အထိတ်တလန့်နဲ့အမျိုးသမီးက သူ့သားကိုတင်းတင်းကြပ်ကြပ်ပွေ့ပိုက်ထားပြန်တယ်
ဒီကဘာပြောရသေးလို့လဲ
" ပြန်ဆပ်မယ် ပြန်ဆပ်မယ်လို့ ငါ့သားကိုမထိပါနဲ့ "
" သောက်ကျိုးနဲ သူခိုးကလူပြန်ဟစ် ခင်ဗျားကိုကောင်းကောင်းပြောလို့သာရခဲ့ရင် ကျုပ်ကိုယ်တိုင်ဒီစုတ်ပြတ်နေတဲ့ဆေးရုံထဲ ရောက်လာစရာလား "
YOU ARE READING
မလွန်ဆန်ဝံ့သူ
Romance" ကျနော် ခင်ဗျားရဲ့လွှမ်းမိုးမှုတွေခံယူချင်တယ် " " မင်းအချိုးတွေနဲ့ကိုယ်နဲ့မဖြစ်ဘူး " " အဲ့ဒီ့အချိုးတွေကို ရိုက်ချိုးပစ်လိုက်ပေါ့ခင်ဗျားရယ် "
