စာမေးပွဲနီးပြီမို့ ကျောင်းသားအများစုက
အိမ်မှာပဲစာလုပ်ကြပေမဲ့ ရွေးနဲ့ခန့် နှစ်ယောက်ကတော့ lectureခန်းထဲလာပြီး
စာကျက်ကြတယ် အဲ့ဒါထက်စားလိုက်သောက်လိုက် စကားများလိုက်ဆိုပိုမှန်လိမ့်မယ်
" ထည့်စားလေကွာ မင်းအတွက်ဟင်းပိုထည့်လာတာကို "
" ငါမှမကြိုက်တာ မင်းဟင်းတွေက
အရသာမရှိဘူး ပေါရွှတ်ရွှတ်နဲ့ နောက်မထည့်
ခဲ့နဲ့တော့ "
" MSGသုံးခွင့်မရှိလို့ပါကွာ ငါတို့အိမ်က "
" ဘာလဲအဲ့ဒါ "
" Monosodiumglutamate "
" မိုနိုဆို.. အဲ့ဒါကဘာမို့လို့လဲ ငါ့အိမ်မှာလည်း
မသုံးပါဘူး အဲ့လောက်ရှည်တဲ့နာမည် "
" အချိုမှုန့်ကိုပြောတာ "
" အာ ရှုပ်လိုက်တာ canteenကကြာဆံကြော်နဲ့တုန်ယမ်းဟင်းချိုမှာလိုက်မယ် ငါ့ချိုင့်ထဲက
အရွက်ရောမင်းရဲ့ငါးဟင်းရော မစားနိုင်ဘူး "
ရွေး ကတော့မှာထားတဲ့ အစားအစာတွေနဲ့
ခံတွင်းတွေ့နေပြီ ပါလာတဲ့ထမင်းနဲ့ဟင်းကို
ထိတောင်မထိ လိမ္မာတဲ့ကတုံးလေးကသာ ဘာဟင်းပဲပါလာပါလာ ချေးမများဘဲအကုန်စားလေ့ရှိတယ် တစ်ခါလေကျတော့လည်း
အပြင်စာလေးမြည်းစမ်းကြည့်တော့ ဘာဖြစ်သွားမှာမို့........
" ခန့် ယူစားလေနှစ်ပွဲမှာလိုက်တာ မင်းလည်း
စားလို့ရအောင် "
" ငါအဲ့ဟာတွေစားလို့မဖြစ်ဘူး ကိုကြီးသိရင်
အပြစ်ပေးလိမ့်မယ် ပြီးတော့ချိုင့်ထဲထည့်
ပေးလိုက်ရင် ကုန်အောင်စားရတယ် မဟုတ်ရင် ဆူလို့ပြီးမှာမဟုတ်ဘူး "
" တစ်ခါတလေပဲဟာ ကိုကိုဆိုလည်းဝယ်မစားခိုင်းပါဘူး ငါ့ဟာငါစားတာ ဘယ်သူသိတာမှတ်လို့ ပါလာတဲ့ဟာတွေ သွန်ပစ်လိုက်ရုံပဲ အဲ့ဒါမှ ဒေါ်ဝါလည်းပြန်မတိုင်နိုင်တာ "
" ဆီမသန့်ရင်ငါကလည်ချောင်းနာလို့ ကိုကြီးက အပြင်ကအကြော်လှော်တွေပေးမစားတာ
ပါကွာ ပြီးတော့ ကိုကြီးမအားတဲ့ကြားက
ထချက်ပေးတဲ့ထမင်းဟင်းတွေ မသွန်ရက်ပါ
ဘူး "
" မင်းကိုလည်းငါဘယ်လို ကယ်တင်ရမှန်း
မသိတော့ဘူး အေးအဲ့လိုပဲ နေသွားလိုက် ကတုံးကောင် "
YOU ARE READING
မလွန်ဆန်ဝံ့သူ
Romance" ကျနော် ခင်ဗျားရဲ့လွှမ်းမိုးမှုတွေခံယူချင်တယ် " " မင်းအချိုးတွေနဲ့ကိုယ်နဲ့မဖြစ်ဘူး " " အဲ့ဒီ့အချိုးတွေကို ရိုက်ချိုးပစ်လိုက်ပေါ့ခင်ဗျားရယ် "
