Unicode
အခန်းထဲမှာ သူ့နာမည်တောင်မပါတဲ့ကိတ်တစ်လုံးနဲ့ ဖယောင်းတိုင်တစ်ချောင်းရယ် နှစ်ယောက်ထဲကျင်းပရတဲ့မွေးနေ့ဆိုပေမယ့် ဝမ်ရိပေါ်ကပျော်ရွှင်နေတယ်။ သူ ပျော်လွန်းလို့စကားတွေအများကြီးတောင်မပြောနိုင်ခဲ့ဘူး။
ရှောင်းကျန့်ကပဲ အော်ငေါက်ဆူပူပြီးတစ်ခုပြီးတစ်ခုထိုင်ပြောနေတယ်။ ဖယောင်းတိုင်မီးမှုတ်တာအစ ဆုတောင်းအဆုံး ဝမ်ရိပေါ်ရဲ့နှေးတိနှေးတုန့်ဖြစ်နေတဲ့အမူအယာကို စိတ်မရှည်သလိုပြောတယ်။
" မြန်မြန်ဆုတောင်းတော့လေ အချိန်ကျော်သွားရင် မင်းမွေးနေ့ပြီးပြီ "
" ဘာဆုတောင်းရမှန်းမသိဘူး "
" အခုစိတ်ထဲရှိတာတောင်း "
" ကျန့်ကော ကိုယ့်ဆီမှာထပ်ပြီးကျရှုံးပါစေ "
ဖယောင်းတိုင်မီးကငြိမ်းသွားပြီးအငွေ့လေးတွေဖြာထွက်သွားတယ်။ အမှောင်ထဲမှာရှောင်းကျန့်ခန္ဓာကိုယ်ကတောင့်သွားပြီး ဝမ်ရိပေါ်အခုဘာဆုတောင်းလိုက်တာလဲဆိုတာကို အထပ်ထပ်အခါခါနားထဲမှာပြန်ကြားယောင်နေတယ်။
အခန်းမီးအစား ဝမ်ရိပေါ် က ညအိပ်မီးကိုပဲလှမ်းဖွင့်လိုက်တယ်။ ရှောင်းကျန့်က ညအိပ်မီးဘေးကိုပြန်ကြည့်လိုက်တော့ သူတို့နှစ်ယောက်ဓာတ်ပုံမရှိတော့ဘူး။ အံဆွဲထဲကိုအလျင်အမြန်ထိုးထည့်လိုက်တဲ့တရားခံကိုသိနေပေမယ့်လည်း တိတ်တိတ်လေးပဲနေလိုက်တယ်။
သူက မြင်ရတဲ့ နာရီကိုသာတစ်ချက်ကြည့်လိုက်ပြီး
" နှစ်မိနစ်စွန်းသွားပြီး မင်းဆုတောင်းပြည့်မှာမဟုတ်ဘူး "
" လာပါ ကိတ်ခွဲရအောင် "
" ငါအကြိုက်ဆုံးဆိုင်ကမှာထားတာ "
ဝမ်ရိပေါ်က ကိတ်ကိုဓားနဲ့ပိုင်းလိုက်ပြီး လက်မမှာပေသွားတဲ့ခရင်မ်ကို လျက်ပြီးပြောတယ်။
" အင်း မဆိုးဘူး "
" မြန်မြန်လုပ်လေ.. ပြုတ်ကျကုန်တော့မယ် "
ကိတ်ကိုပိုင်းလိုက်ပြီးရှောင်းကျန့်ကိုခွံကျွေးလိုက်တယ်။ အချိုကြိုက်တဲ့ရှောင်းကျန့်က ကိတ်မုန့်ရဲ့အရသာထဲမှာပျော်ဝင်နေပြီးပျော်နေပုံလည်းရတယ်။ ခွံကျွေးလိုက်တဲ့အပိုင်းရဲ့ခရင်မ်တွေက ပါးစပ်နဲ့မဆံ့ဘဲ နှုတ်ခမ်းတွေထိပေကျံကုန်တယ်။
