View

مزعج~

السلام عليكم ياحلوين!
كيف الحال؟
وحشتوني كثيير منجد!!

اعرف اني اتكلم كثير وممكن ازعجكم كثير ..
بس ما احب اترك شي بخاطري وتسوون اشياء تزعجني بدون ماتدرون ،واحتمال كثير يأثر فيني وبمشاعري اتجاه قصتي!

مستوعبين؟
انتوا عارفين ان التعليقات المزعجه مهما كانت قليله تأثر اكثر من مليون تعليق لطيف ،هذا شي خالصين منه! ولا ماكان اغلب الايدولز دخلوا في اكتئاب صح؟

عموماً..
في شيئين يزعجوني بخصوص قصصي ولاحظت هالشي حالياً هنا..

الاول ،تنسبون قصصي لافكار مسلسلات -وفي الواقع انا لما كتبت القصه ماكنت افكر فيه و وقتها مابعد شفته-
والمثال الواضح (دراما ماخطب السكرتيره كيم؟)
حلو انكم شايفين التشابه بس ترا مزعج ،هذا الشي يحسسني بالتصغير والتقليل من كتابتي واني ماسويت شي حلو وكأني سارقه فكره..
ايوه لهالدرجة ،لاتتوقعون انه عادي :)

ثاني شي ،ولاحظته فجاه!!
المقارنه بين الكاتبات ،هذا ذكرته بالبورد حقي بس اتوقع لازم اخصص لكم هالكلام من جديد..
اذا كنت معجب بـ قصص كاتب معين ،لا . تعبر . عن . شوقك . في . قصصي!

لاتصنعون هذا الحقد والمقارنه بين الكاتبات استحوا! لاتميزون كاتب في قصص كاتب اخر! هل انتوا واعيين لهالشي او لا؟
ولاتسالون عن قصص في حساب او قصة شخص ثاني!
مع ان ممكن ابلعها هذي ،بس وقفوا تمييز وكأن اللي تقرأونه حالياً مو من مستواكم وعاجبكم ..

حتى لو ماعجبكم ،بامكانك تمشي وماتعلق بتعليقات مزعجه ممكن؟
ترا طلب مو كبير :)

اذا مو عاجبتك الشخصيات مو مضطر تكمل تقرا ،في قصص كثير مثل ماتحب انت تقدر تبحث :)
وقفوا اساءه ،اعرف في بعضكم مايحس بنفسه بس تراه مزعج حبيت انبهكم..

انا اميل للتعليقات السيئه واتأثر فيها اكثر وهذا شي مو كويس بس مو بيدي! لذا اتمنى منكم توقفون هالشي سواء عندي او غيري لأنه مزعج :)

وبس ،اتمنى ماطولت عليكم!
واتمنى ماتسيئون فهمي مافيني حيل اشرح من جديد :(

اتمنى تكونوا بخير دائماً وابداً مثل ما احب 💙
كل الحب لكم لطيفيني ~
-آنجل