《 ALYA 》

27

♕ 𝐮𝐧𝐢𝐜𝐨𝐝𝐞 ♕

ကိုယ်ဝန်နှင့်တောင်အာဖရိကsafariခရီးစဉ်။

ကိုကိုသည်အစကနှင်းဖူးကိုကိုယ်ဝန်ဆောင်ချိန်ဖြစ်သည်ကြောင့်တောင်အာဖရိကသို့လိုက်မပို့ချင်ခဲ့။အကြောင်းကား။တောင်အာဖရိကsafariခရီးစဉ်ဖြစ်သည်ကြောင့်တောကောင်၊လမ်းအနေအထားပင်ပန်းနိုင်သည်။

သို့သော်။

ဤခရီးသို့မလာခင်ဆရာဝန်များနှင့်သေချာတိုင်ပင်ကြည့်ခဲ့ရာsafariခရီးစဉ်သို့သွား၍ရကြောင်းပြောကြားကြ၏။ငယ်ရွယ်နုပျိုကျန်းမာရေးကောင်းသူဖြစ်သည်ကြောင့်ကိုယ်ဝန်မှာစိုးရိမ်စရာမရှိ။

တစ်ခုပဲ။

တောင်အာဖရိက၏safariခရီးစဉ်များမှာပုံစံအမျိုးမျိုးရှိသည်ကြောင့်။kruger national parkလိုမျိုးpublic safariများကိုတော့ဆရာဝန်များကအတတ်နိုင်ဆုံးရှောင်စေချင်ကြသည်။အဘယ်ကြောင့်ဆိုသော်လုံခြုံရေးအရတစ်ကြောင်း၊လမ်းခရီးလည်းပင်ပန်းနိုင်သည်ကြောင့်။

safariခရီးမဖြစ်မနေသွားချင်သည်ဆိုရင်လည်းprivate game reserve lodgeများ၌သာနေထိုင်ရန်ဆရာဝန်များမှအကြံပေး၏။အကြောင်းကား။ပို၍လုံခြုံပြီးအပင်ပန်းခံစရာလည်းမလိုသောကြောင့်။

သို့သော်။
ထိုအကြံပေးချက်ကိုနှင်းဖူးလက်မခံခဲ့ပေ။

တောင်အာဖရိကသို့safariခရီးစဉ်လာခဲ့သည်ဆိုမှတော့kruger national parkလိုမျိုးpublic safariအတွေ့အကြုံကိုနှင်းဖူးလက်မလွှတ်နိုင်။

ကိုကိုကတော့သူ၏သဘာဝအတိုင်း။safariခရီးစဉ်ကိုလိုက်မပို့ချင်ခဲ့ပင်မဲ့ကတိတည်သူဖြစ်သည်ကြောင့်သူ၏ကတိအတိုင်းတောင်အာဖရိကသို့လိုက်ပို့ခဲ့သည်။

"သီးသန့်safariကားစီစဉ်ပေးပါ . . . တခြားလူတွေနဲ့ရောမစီးဘူး . . . ပိုက်ဆံအပိုထပ်ပေးမယ်"

ကိုကိုသည်ဤprivate lodge၏တာဝန်ရှိခေါင်းဆောင်တစ်ဦးနှင့်ပြောဆိုဆွေးနွေးနေသည်။

"ဟုတ်ကဲ့ . . . ကျွန်တော်တို့စီစဉ်ပေးပါမယ် . . . နောက်ပြီး . . . ကျွန်တော်တို့မှာကိုယ်ဝန်ဆောင်အမျိုးသမီးတွေအတွက်အထူးစီစဉ်ပေးထားတဲ့safariဝန်ဆောင်မှုအစီအစဉ်တွေလည်းရှိတယ် . . . စိတ်ဝင်စားလားမသိဘူး"