《 ALYA 》

20

♕ 𝐮𝐧𝐢𝐜𝐨𝐝𝐞 ♕

နောက်တစ်လနေရင်စျေးကွက်အတွင်းသို့ချပြမည့်အသက်(၃)နှစ်မှ(၉)နှစ်အတွင်းရှိကလေးငယ်များအတွက်အထူးသီးသန့်ရေးဆွဲထားသည့်creative thinkingနှင့်critical thinkingတိုးတက်စေမည့်ဦး​နှောက်ပိုင်းဆိုင်ရာပညာရေးsoftware applicationတစ်ခုကိုနေသောလွင်စမ်းသပ်အသုံးပြုနေသည်။

ည(၁၂)နာရီကျော်နေပြီဖြစ်သည်ကြောင့်နှင်းဖူးတစ်ယောက်အိပ်သွားလေပြီ။သူသာအလုပ်များမပြီးပြတ်သေး၍။

နည်းပညာနယ်ပယ်မှလူတစ်ယောက်ဖြစ်သည်ကြောင့်mobile deviceများနှင့်အင်တာနက်၏ဘေးထွက်ဆိုးကျိုးများကိုသူကောင်းကောင်းနားလည်သည်။

mobile deviceများမှထုတ်လွှတ်သောလျှပ်စစ်လှိုင်းများသည်ဦးနှောက်ကိုထိခိုက်စေနိုင်သည်။သို့သော်သူတို့ရောက်နေသည်မှာ(၂၁)ရာစုဖြစ်သည်ကြောင့်နည်းပညာနှင့်လိုက်လျောညီထွေစွာနေနိုင်ရန်သာသင်ယူရမည်။

လုံးဝအသုံးမပြုရန်ထက်ဘယ်လို​လျော့သုံးရမလဲဆိုတာသာအဓိကဖြစ်နေပြီ။

အိမ်တွင်တော့နေသောလွင်စည်းကမ်းလုပ်ထား၏။ညအိပ်ချိန်တွင်အိပ်ခန်းထဲသို့မည်သည့်electronic deviceမှမယူဆောင်ရ။

နှင်းဖူးသည်အကျိုးအကြောင်းနားလည်သောကလေးဖြစ်သည်ကြောင့်သူတို့နှစ်ယောက်အတွက်တော့ဤစည်းကမ်းမှာအခက်အခဲမရှိ။

ညောင်းညာသောကြောင့်အကြောဆန့်ပြီးခုံနောက်သို့မှီထိုင်ကာခဏနားနေလိုက်သည်။

နှင်းဖူးသည်သဘာဝပတ်ဝန်းကျင်ထိန်းသိမ်းရေးကိုလုပ်ကိုင်နေသူဖြစ်သည်ကြောင့်နေသောလွင်တို့မိသားစုမျိုးရိုးပိုင်သတ္တုတူးဖော်ရေး၊စက်သုံးဆီ၊ကျောက်မျက်ရတနာလုပ်ငန်းများကိုမနှစ်သက်ပါ။နေသောလွင်ကိုယ်တိုင်သည်လည်းဤလုပ်ငန်းများကိုသဘောမကျ။

ထိုလုပ်ငန်းများကိုတစ်ခြားလုပ်ငန်းရှင်များဆီသို့ပြန်လည်ရောင်းချရန်ကြိုးစားခဲ့သည်မှာ(၂)နှစ်နီးပါးလောက်ကြာမြင့်ခဲ့ပြီ။

ယခုအခါလုပ်ငန်းအချို့ကျန်သေးသော်လည်းအများစုကိုတော့လွှဲပြောင်းရောင်းချပြီးသွားလေပြီ။