"ကျုပ်ကို သူ့လိုမျိုး ဆပ်ပြာပူဖောင်းမှုတ်ပြ....."
နံဘေးက ကလေးငယ်ကို လက်ညှိုးထိုးကာဆိုလေသောသူကြောင့် ကြောင်အအရယ်။
ဒါက ဘယ်လိုတောင်ကလေးဆန်တဲ့အမိန့်ပေးခြင်းမျိုးပါလိမ့်။
မျက်ခုံး နှစ်ဖက်ကိုတွန့်ချိုးထားပြီး သူခိုင်းတာမလုပ်ပြရင် ချက်ချင်း ထပြီးကောက်တော့မည့် ကလေးဆိုးကြီးလိုမျိုး။
လူဆိုးကောင် Jeon Jungkookက ကလေးငယ်တစ်ယောက်လိုမျိုး ဆပ်ပြာပူဖောင်းမှုတ်ပြခိုင်းသတဲ့။
ဒီကောင်ဆိုးလေးက အဲ့လိုမျိုးလည်း ကလေးဆန်တတ်သေးသလား?
ဘေးက ကလေးကိုလည်း ဂျိုကြည့်ကြည့်နေတာကြောင့် ကလေးငယ်လေးဟာ ထွက်ပြေးသွားပြီဖြစ်သည်။
"လာ..."
လက်ကနေဆတ်ကနဲဆွဲကာ ခုံတန်းရှည်ပေါ်၌ထိုင်ခိုင်းကာ
"ဒီမှာထိုင်!...ပြီးရင် ဟော့ဒီဟာကို မှုတ်ပြ!..."
ဆပ်ပြာအရည်ဘူးလေးကို လက်ထဲသို့ထိုးထည့်ပေးသည်။
တောင်းဆိုတာမဟုတ်ပဲ အမိန့်ပေးနေတာ။မျက်နှာကြောက ခပ်မာမာရယ်။
ဘယ်လိုအကြောတင်းလေးပါလိမ့်။
အဟင်း....အစကတည်းက ဒီကောင်လေးရဲ့အမူအကျင့်က ဒီလိုပဲဆိုတော့ နားလည်ပေးရမှာပေါ့။
KimTaeHyungရဲ့ဘဝမှာ ပထမဆုံးအနေဖြင့် သူများအမိန့်ပေးတာကို ကျေကျေနပ်ဖြင့်ခံယူမိခြင်း။
အဲ့ဒီလူက JeonJungkookဖြစ်နေလို့လေ။Jeon Jungkookမို့။
ဆပ်ပြာရည်ကိုတစ်ချက်မျှလှုပ်ခတ်ကာ ချယ်ရီရောင်နှုတ်ခမ်းတို့ကို စုချွန်ကာ အကြည်ရောင်ပူပေါင်းလေးများဖြစ်အောင် ဖန်တီးသည်။
ဘေးတစ်စောင်းမြင်နေရ၍ ခပ်စင်းစင်းမျက်တောင်စိပ်စိပ်တွေရယ်...အချိုးစားပြေပြစ်သော နှာတံချွန်ချွန်ထိပ်ဖျား၌ မှဲ့နက်ကလေးရယ်။
သွေးကြောမျှင်မျှင်များယှက်ဖြာနေသော ကြည်လဲ့လဲ့အသားအရည်ပေါ်၌ မွေးညှင်းနုနုလေးတွေ။
စုချွန်ထားသည် ချယ်ရီရောင်စိုစိုနှုတ်ခမ်းတစ်စုံ။
