_هتفضلي مقموصة كدَّ كتير.
"قعد جمبي بعد يومين من الخصام".
_ابعد عني يا بتاع سلمى.
"ضحك"
_خلتيني بتاع سلمى.
_اه مش هيا عجباك أوي.
_محدش ينكر إنها جميلة.
_جميلة! إي جميلة دي؟ شايفها من أي اتجاه دي؟ دي شبه البلياتشو.
_رياضية.
_دي شبه خلة السنان.
_عيونها واسعة.
_أي يعني عيونها واسعة، ما بنات كتير عيونها واسعة، مش تميز هوا.
_ملامحها هادية.
_دي صفرا، ملامحها صفرا، اسكت اسكت أنت متعرفش حاجة.
_واللهِ، يعني أنتِ اللي تعرفي.
_طبعًا.
_والله انتِ متعرفي حاجة.
_أي الحاجة اللي معرفهاش.
_إني مش عايز أكون بتاع سلمى.
_أه يخرتيت يا متعفن أنا أصلًا قولت إنك مش...
_أنا عايز أكون بتاعك إنتِ.
_أنـ.. ها!
_ها أيّ؟ أنا بحبك وعايز أكون بتاعك أنتِ.
"هو الجو برد ليه؟ هو قال أي؟ هو قلبي بيرقص كدا ليه، هو مش المفروض هنطلق! ليه يعشم قلبي بقى؟ ليه يقدملي بساط الحب وفي لحظة هيسحبه مني، ليه يضعفني في قراري، أنا لازم أمشي، أنا مش هقدر على مواجهته".
_رايحة فين! دا ردك عليَّا.
_أنا لازم أمشي.
_مش هتمشي ولا هتتحركِ خطوة من غيري، كفاية بُعد بقى.
_كفاية أنتَ حرام عليك، أنتَ وافقت على الطلاق، أي لازمه الكلمة دي بقى، أنتَ ليه غاوي تعب.
_وأنتِ ليه غاويه البُعد.
_أنا....
_أنتِ أيَّ؟ ليه غاويه تتعبي قلبي وياكِ، ليه عايزة تبعدي عني، أديني سبب يستاهل البُعد وأنا هبعد.
"فاض بيا خلاص مبقتش قادرة أكتم في قلبي أكتر من كدَّ، اتكلم بكل قوة بمتلكها، وبصوت مليان ألم".
_لأني إنسانه عاجزة يا يونس، إنسانه مش هتقدر تكون أم، عرفت ليه بقى لازم نبعد، عرفت إننا مينفعش نكون مع بعض.
"اتصدم، ملامحة كلها في حالة صدمة، بصلي بنظرة غريبة عليّا، نظرة مش مفهومة، أول مرة مقدرش أحدد عنينه بتقولي إي"
_عرفتي ازاي.
"منعت دموعي من إنها تنزل ورديت بكل ثبات".
_مش مهم عرفت ازاي، المهم إن دي حقيقة، وأنتَ وعدتني بالطلاق ولازم تنفذ وعدك.
_عرفتي ازاي يا ورد.
"دمعة نزلت غصب عني مقدرش اكتم في قلبي أكتر من كدَّ"
_بعد كتب الكتاب بأسبوع، روحت لمريم العيادة بتاعتها لأننا كنا مقررين نجيب شويه حاجات نقصاني وشفت بنت هناك طالعة بتعيط فسألت مريم عليها، لقيتها بتقولي إنها عملت تحاليل واكتشفت إنها مش هتقدر تجيب بيبي وجوزها هيتجوز عليها عشان عايز يكون عنده طفل، وأنا اتخيلت نفسي مكانها وقلبي وقف مقدرش أتحمل إن مكونش أم وكمان جوزي يكون مع واحدة غيري، احساس صعب أوي يا يونس، مقدرتش أتحمل مُجرد التخيل، فطلبت من مريم اني عايزة أعرف اذا كان عندي مشكلة في الخلفة وبرغم خوفي من التجربة، قررت أواجه خوفي وعملت التحاليل وللأسف اكتشفت إنيّ مش هقدر اكون أم يا يونس، مش هقدر يا يونس، مش هقدر.
"صوت بكايا علىَّ ومقدرتش اخد نفسي لقيت يونس قرب مني وضمني ليه"
_هشش اهدي خالص، خدي نفس وطلعيه براحة.
_مش هقدر يا يونس أكون أم، مش هقدر اجيبلك طفل يحمل اسمك، ولا هيتقالي يا ماما.
_"قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا وَعَلَى اللَّهِ فَلْيَتَوَكَّلِ الْمُؤْمِنُونَ"، ربنا رحيم بالعباد، ربك اسمه العادل، يعني أكيد له حكمة في دا وبعدين احنا هندخل في علم الغيب.
_استغفر الله، أنا والله راضية بقضاء ربنا بس انا مقدرش أحرمك من حقك، واحنا لازم نطـ...
_ليه لازم؟! ليه عايزة تبعديني عنك.
_أنا...
_انتِ أي؟ حرام عليكِ يا ورد، ليه مصممة تتعبي قلبي وياكِ.
_انتَ اللِـ غاوي تعب، قولتلك مينفعش نكمل مع بعض، من حقك يكـ...
_من حقي تكوني ليا، من حقي تكوني جمبي، من حقي إنك بنتي ومراتي وصاحبتي وأختي، من حقي إني مبعدش عن روحي، من حقي أكون مع ملكة قلبي.
_يونس أنتَ ليه مش قادر تفهم.
_أنتِ اللِـ مش فاهمة أي حاجة.
_أنا...
_أنتِ تسكتي خالص.
"وكمل بهزار وتريقة"
_طلقني يا يونس نينينيني، أنا مش عايزة أكمل يا يونس نينيني، إحنا هنفضل صُحاب الفترة دي وبعدين تطلقني يا يونس نينيني.
"ضحكت من وسط دموعي"
_بقى أنا بتكلم كدَّ يا يونس.
_لا أنا يعيون يونس.
_ ما خلاص يعم أنتَ هتذلني.
_دا أنا هذلك طول عمرك بيها علشان تحرمي تقوليها تاني، أيًا كان يا ورد اللِـ هيحصل بينا أوعي تنطقي الكلمة دِّ تاني، ممكن في وقت عصبية مني انطقها وأفضل طول عمريّ ندمان على لحظة تهوري، أوعي يا ورد تنطقيها تاني أوعي.
_حاضر... يونس هو أنت ممكن تندم على قرارك دا، قصدي يعني إنك ممكن تتخلى عني
_هو ممكن الإنسان يتخلى عن طيفه؟ يونس من غير ورد زي الإنسان وطيفه مينفعش ينفصلوا عن بعض، يونس وورد روحهم متعلقين ببعض يا ورد، أوعي في يوم تقرري تفصيلهم لأن وقتها هيكونوا هاشين أوي لدرجة أي ريح بسيطة هتعدي عليهم هتخليهم رماد.
