اسكريبتات❤️✨

باقي اسكريبت 9

باقي الاسكريبت 🤝🏻
إحنا لازم ننفصل، كل شئ قسمة ونصيب ي ابن الحلال...
______________

-إنتي بتقولي إيه!

-بقول إلي سمعته ي زين، أنا مش هستحمل الوضع ده كتير، كتر التفكير بيقتل ي زين، جست علي نفسي كتير عشانك، وفي كل مرة كتر بعترف وبتأسف عن غلطة أنا مكنش ليا ذنب فيها،  كفاية كدا

رد وكأنه حس إنه هيخسرني-طب أنا هسيبك دلوقتي تهدي ويبقا نتكلم بعدين، إنتي بس تعبانة فمش عارفة إنتي بتقولي إيه...

-لا ده أكتر وقت أنا كويسة فيه ي زين، كان لازم تعرف إن ده إلي هيحصل، كان تعمل حساب اللحظة دي، تعمل حساب إني إنسانة وليا طاقة تحمل والطاقة دي خلصت

قال بصوت ضعيف -أنا والله بحبك يمكن بس عقلي صغير وفي حاجات كتيرر بتصعب منها بس والله أنا بحبك وإنتي عارفة كدا،بعد أي خناقة بينا مش كنت أنت إلي بصالحك وكنت بجبلك هدية صح، أنا بس كنت عايزك تبطلي الإستفزاز لإن فعلاً أوقات كتيرر بتقي ردود مستفزة، وأنا قايلك ع الحاجات إلي بتزعلني وإنتي بترجعي تعمليها فده إلي كان بيعصبني، بس ده مش معناه إني مبحبكيش، أنا بس كنت بعاتبك، مش بيقولوا العتاب علي قد المحبة.

ضحكت بحزن وقلتله: العتاب ع قد المحبة فعلاً، بس لما يكون عتاب بجد، مش أستهزاء وتريقة علي الطرف التاني، وحكاية إنك تصالحني وأنا الغلطانة ، إمتي حصل كدا، في كل مرة كنت برن عليك مرة وإتنين وعشرة وكنت مش بترد، ولما يجيلك مزاج تتصل وتعاتب ع حاجات والله مكنتش مستاهلة خناق أصلاً، وأنا ي سيدي مكنتش عايزة الهدية، كنت بس عايزة كلمة حلوة، كنت عايزة بدل ما تفضل تعد في عيووبي وتذلني بيها طول الوقت كنت قلتلي أنا أنا عايزك كدا، بدل ما تحاول تغير فيا حاجات كنت حاول إنت تبطل عصبية، إنت عمرك ما حبتني ي زين، مش ده الحب، يمكن دلوقتي إنت مش هتفهمني بس صدقني لما تحب بجد هتفهمني، هتقبلها ساعتنا بكل عيوبها دا إذا شوفت فيها عيوب اصلاً، مع السلامة ي زين وأتمني تقابل إنسانة تحبها بجد

-مش هضغط عليكي ي دنيا، يمكن أنا ظلمتك معايا وبس كنت كل إلي بحاول أعمله إني أغيرك، بس يمكن لو حاولت أغير في نفسي كان هيبقا أحسم، فأرجوكي سامحيني، أنا هحاول والله أتغير بس بلااش نن

قاطعته قبل ما يكمل: صدقني مش هينفع، مفيش أمل ي زين، فميش أمل نتعامل سوا تاني، بابا هيكلمك ويخلص الموضوع، سلاا ي زين

قفلت معاه،  يمكن ده القرار إلي كان لازم أخده من زمان،..

حكايتي أنا وزين خلصت بس في حكايات لسة مخلصتش، أوعي في يوم تيجي علي نفسك مع الشخص الغلط، أوعي في يوم تعترفي بغلط بس لمجرد تخلصي خناقة لإن الموضوع مش هيقف هنا،صدقوني خطوبة تتفسخ أحسن من جوازة تنتهي بالطلاق، إختاروا الشخص إلي يتقبل عيوبك ويحبها، صدقوني هيفرق بعدين، الشخص بيبان وقت الخصام مش وقت الحب، كلام الحب سهل يتقال، بس الحب الحقيقي هتعرفيه وقت الخصام،

الاسكريبت كان حقيقي حصل مع إنسانة أعرفها معرفة شخصية والأحداث حقيقية بإختلاف الإسماء،...

الحياة بتبقا احلا مع الشخص الصح، ف إختاروا صح❤..

رأيكم بيفرق❤

#Donia_El_Sherbiny

M.A