ـ اسلام! اسلام! اسلام!
ـ حضرتك تعرفيني؟
ـ ايون اعرفك جداا
ـ طب انا اعرفك؟ مش واخد بالي الصراحة!
ـ لاا نهائييي
ـ مم.. طب أقدر اساعدك ازاي؟
ـ بابا عايز يشوفك
ـ افندم!! والد حضرتك عايز يشفوني أنا ليه؟
ـ عشان انت هتطلب أيدي
ـ نعم؟!! وأنا هطلب ايدك اعمل بيها ايه؟
ـ تأكلك
ـ تأكلنيي؟!
ـ اه أصل ياحبة عيني أنا ملاحظة أنك خاسس خاالث
ـ خااسس؟!!
ـ مم.. ها هتاجي أمتي؟
ـ مش جاي أصلاً!
ـ بص بقا يسطا... أنا عملت كل اللي سيف قال عليه وقع وقعت طوب وحدفت وأنت لسا أعما ومنعدم البصر والبصيرة فمش هياجي معاك غير كدا فأنت يأما هتجوزني يأما هتجوزك
ـ سيف مين؟
ـ اخوياا
ـ طب أعمـ.... ايه؟ انتِ قولتِ ايه؟
ـ ايه؟
ـ طوب ايه اللي حدفتيه؟
ـ احم... أنا قولت طوب؟
ـ ااه قولتِ طوب
ـ الصراحة ااه... أنا اللي حدفته
ـ يابنت الـ...
ـ بص أنا مستعدة أعوضك عن ازاز العربية اللي كسرته
ـ ودَ ازاي ان شاء الله؟
ـ اتجوزني وعذ'بني عشان تاخد حقك مني
ـ وفي الآخر تصعبي عليا وأحبك ونخلف صبيان وبنات ونعيش في تبات ونبات صح؟
ـ ايه دَ!! الله ينور عليك... ايوا فعلاً دَ اللي هيحصل... وهتغرق في قهوة عيني وتدمن ضحكتي وتعشق جناني
ـ أنت هبلة يابت؟
ـ مم هبلة أوي جداً خاالث بقا
ـ لا ومعترفة!!
ـ الاعتراف بالحق فضيلة
ـ صح... عن أذنك أنا مش فاضي للهبل دَ!
ـ ولااا بقووولك ايييه متفكرنيش كيوت وكدا أنت لو مجتش بمزاجك هتجوزك غصب يلاا!!
ـ هتجوزينيي غصببب!!!
ـ اااه... بص يابيبي انا مش عايزة أتعصب عليك...علفكرة أنت هتستفاد جدا لما تتجوزني
ـ ويااتراا هستفاد أزاي بقا؟
ـ بص يعني مثلا مثلا يعني لو أنت عندك فلوس... بلاش فلوس عشان شكلك مفلس.... يعني مثلا مثلا يعني لو أنت عندك فراخ وبط.. بلاش فراخ وبط عشان جوعت لو أنت مثلاً مثـ...
ـ باااس اييه... أنا شوفت فص ملح وداخ قبل كدا ومش بحب اتفرج علي الإعادات
ـ احم... طب انت مش عايز تتجوزني ليه؟ مش حلوة؟
ـ يابنتي والله أنتِ جميلة أووي مشاء الله
ـ ياكشي تنستر
ـ وشحاتة أووي
ـ لا بص أنا مش بعرف أرد علي كلام حلو
ـ طب ياستي هاخدك علي قد عقلك... أنتِ بتعرفي تطبخي؟
ـ أتعلم عشان خاطر عيونك
ـ بتعرفي تغسلي؟
ـ هتعلم عشان خاطر دقنك
ـ دقني!! طب بتعرفي تعملي ايه في حياتك؟
ـ بعرف أحبك، يمشي؟
ـ يمشي.. قالها بضحك وغمزة
ـ عااا.... هي الصنارة غمزت بجد ولا متهيألي؟!
ـ لا غمزت بجد... قولتي الحج مستنيني أمتي؟
ـ النهاردة لو حابب... النهاردة اييه تعالى يابني دلوقتي تعالى تعالى
ـ اهدي يامجنونة مش لما أقول للعيلة واجيبهم واجي
ـ ياعم عيلتك مستنياك هناك أصلا تعالى وانت ساكت
ـ عيلتي كمان؟
ـ مكنش ناقص غير إشارة اللوح... واللوح غمز ووافق
ـ أنا بقيت لوح!!
ـ لوح قلبي والله... يأبُرني جمالك يلا عشان المأذون هيمشي
ـ الله أكبر مأذون كمان!! انا هتجوز مجنونة رسمي
ـ مجنونة في غرامك ياقلبي
#جنان_وخلاص
#روآآن
