-وبتقوليها فى وشى ياساتر يارب صحيح الكرومب حلو بس مش لدرجة حلة
-وياه لو ورق عنب كمان
-وياه لو عصرنا عليه ليمون
-وياه لو حمرنا الكرومب بسمنة بلدى
-وياه .. ماخلاص يارحاب جوعتينى حرام عليكى
-مانا بحب الأكل قوى
-كلنا بنحبه بس الأكل ده شئ بيغذينا وبيدينا طاقة مش أكتر ،بصى افتكرى انك كل ماحرمتى نفسك من الأكل فرصة علاجك هتبقا أكبر فى فرصة أصغر
-أنا مش عارفة بسمع كلامك ليه ؟،بس مرتاحالك وده شئ مابيحصلش
-إن شاء الله يخليكى
"للأسف ضحكت وماقدرتش امسك نفسي "
-أيوا كدا اضحكى بكرة هنموت
-لا إله إلا الله فى أيه
..
-أنس ،حاسة إن مفيش تحسن بقالى 6شهور فى أم النظام ده ومفيش فايدة
-نعم ألم الناس عليكى دلوقتى ده انتِ خاسة 20كيلو حتى الأن يامفترية
-برضو لسه
-بس أكيد ملاحظة الموضوع فى اللبس
-أه جدا ،وبقيت بلبس السلوبتة اللى بحبها
-ماتلبسيهاش تانى بقا
-ايه ده ليه ؟
-أهو كدا بتبقى أجمل فى الدريسات
-خارجة بيها بكرة
-بعيدا عن إن ده مش هيحصل ،على فين العزم
-رايحة معرض الكتب
-يامساء الصدف ،أنا كمان رايح
-والله
-أه والله
"غريبة الدنيا فى الوقت اللى بتقول فيه خلاص أنا انتهيت بتبتدى مرحلة إزهارك وأنا أنا أزهرت بوجوده ودعمه ،وتحفيزه ليا '
..
-بصى الرواية دى
-انتِ لى ؟! ،أول مرة أشوفها
-وأنا بس عجبنى الإسم
"كنا بنتناقش فى الروايات المشاركة طلعت شئ جميل ،أو هو اللى وجوده جميل ,قاطعنا صوت أنا عارفاه كويس
-إزيك يارحاب
-زين
-ممكن دقيقة
-ثوانى ياأنس
-نعم !!
-رحاب أنا أسف على اللى حصل وصدقينى أنا سبت خطيبتى واتغيرت ،انا حتى جيت المعرض عشان عارف إنك هتيجى بس مين أنس
-وأنا كمان اتغيرت
-أه طبعا وبقيتى جميلة أوى
-أنا مش على الشكل ،أنا دايما شايفة نفسي جميلة ،أنا قصدى بالتغيير تغيير الأفكار ،أنا مستحيل أقبل بوجودك تانى فى حياتى يازين أنا حتى مش عايزة أشوفك ولو صدفة
-رحاب
-لو سمحت أنا قفلت الصفحة دى ومش عايزة أفتحها
-يعنى أنس قدر يعوض مكانى
-أنس الشئ الجميل الوحيد اللى حصلى فى حياتى تقدر تقول إنى مالقيتش ونس للعمر أحسن منه
"مشيت وأنا منتصرة ،مقدرش أقول إنى تخطيت بس تقدروا تقولوا إنى رضيت ،رضيت بأن فى قصص وحكايات لازم تنتهى حتى لو مكناش نتمنى إنها تنتهى ،هو مايستاهلش الحلو اللى فيا ،يستاهلوا حد يشوفنى بقلبه"
..
-مالك ياأنس
-ايه كان عايز أيه ده إن شاء الله ؟
-مش مهم عندى المهم إنه مشي
-أيوا برضو كان عايز أيه
-وانت بتزعق ليه دلوقتى ؟
-رحاب
-اعتذرلى و
-وعايز يرجعلك ؟
-أممم
-وانتِ قولتيله أيه
-قولتله إنى مش عايزة أشوفه تانى ،بينى وبينك مابحبش أشوف ناس أذيتنى فى يوم من الأيام
-ياحرام زمانه بيعيط ،الصراحة افتكرتك هترجعيله
-ليه بتقول كدا
-أصل كنتى عايزة تخسى عشانه
-كنت ،لكن لما قولتلك أنا جاهزة ،قولتها بعد مافكرت فى كلامك أنا عايزة أخس ليه وعشان مين ؟!،والإجابة كانت عشانى لذاتى
-هو بصراحة مكنش هينفع ترجعيله
-ليه بقا ؟!
-ليا نص ساعة بلمحلك أنتِ لى وانتِ الذكاء عندك معدوم ايه ياشيخة فى ايه
-يعنى ايه برضو منا مش فاهمه
-يعنى بتنيل بحبك يارحاب
-يوه طب ماتقول من الأول
-يوه عليا وعلى سنينى وعلى اليوم اللى شوفتك فيه يارحاب
-لو مش عاجبك طلقنى
-هو أنا لسه اتنيلت اتجوزتك عشان أطلقك
-يعنى ناوى تطلقنى ؟
-هى فقرة النكد أيه اللى جابها بالنهار مش المفروض بالليل ؟!
-نحن نختلف عن الأخرون عزيزى '♥️🦋
