_يعني خلاص كدا كل حاجه انتهت ؟
_اه ياريت معنتيش تتواصلي معايا تاني
_بجد ؟ طب تمام
قومت اخدت شنطتي وخرجت من الكافيه وبعدت عنه شويه وسمحت ل دموعي تنزل فضلت امشي لحد م وصلت قدام البحر صرخت بأعلي صوت ليا وقعدت علي الارض في مكاني وانا بردد ليه ؟ هي كلمه واحده بس .ليه ؟ هو انا استاهل ؟
_لا متستهليش
بصيت جنبي ل مصدر الصوت لقيت واحد طويل مش قادره اشوف ملامحه من كتر العياط وكمل كلامه
_مهما حصل اي متستهليش انت حلوه فعلا
فضلت اعيط من غير صوت ومردتش عليه ،مد ايده ليا يقومني من غير م يتكلم ،ممسكتش ايده وقومت لوحدي سحب ايده براحه وكمل
_زي م قومتي لوحدك دلوقتي هتقومي تاني عادي
_بس ..بس انا من حقي اخد راحه واستسلم
_ايوا طبيعي بس الراحه دي هتاخد منك اد ايه ؟
_مش عارفه ممكن يوم ويمكن سنه اتنين مش عارفه
_بس بتخسري بتخسري وقت هتتسالي عليه ،بتخسري حياه كنت هتعيشيها صح بس اختارتي تعيشيها غلط
_طب م انا طول عمري قويه بس الضربه جات من مكان متخيلتوش
_طلاما الضربه مموتتكيش يبقي توقيكي
_انت ازاي بتتكلم كدا ؟
_ جايز مريت بال انت مريتي بيه دلوقتي
مسحت دموعي بلهفه وبصتله
_وانت عارف انا مريت ب اي ؟
_فراق ..
_انت...انت ازاي عرفت! هو انت مين ؟
_مش مهم، المهم دلوقتي قومي بجد وامسحي دموعك وابداي حياتك صح وعلفكره انتي كدا خدتي وقتك في الزعل خدي بالك حياتك الجديده بدأت من دلوقتي
_طب استني بس مش هتقولي اسمك
_بصي يا هبه كويس في حياتك واختاري صح بعد كدا ،في حجات كتير انت مش شيفاها ....
قال اخر جمله ومشي وانا لسه متنحه هو ..هو عارفني منين ؟! مين داااا؟ مسحت دموعي ال كانت باقيه وقررت اسمع كلامه لاول مره اسمع كلام حد لاني عنيده جدا ومش بسمع رأي حد تماما المره دي انا هسمع كلامه ...
دخلت كافيه كان قدامي قعدت شويه وبعدين دخلت التويلت لقيت ملامحي باهته من العياط قررت اظبط نفسي شويه لان دي مش انا خلصت ميكب وخرجت طلبت اتشوكولت كيك واخدتها تيك اوي وقررت اروح البيت
_هبه هو ايه ال حصل مع احمد ؟
_الله يسلمك يا ماما هي دي حمدالله علي السلامه !
_انا بسالك دلوقتي انتم مش كنتو نازلين سوا احمد كلم باباكي وطلب منه الدهب وكل حاجه جبها
_تصدقي حركه متخيلها منه ،بس حقه صحيح الدبله اهي اديهاله اول حاجه في ايده وقوليله مش انت ال سبت هبه هبه ال بجد سابتك وفاقت
دخلت اوضتي وقررت اخد شاور ولبست بيجامه جديده وعملت شعري قطتين وفتحت اللاب وشغلت مسلسل تركي بحبه واكلت الكيك بتاعي وحسيت أني مرتاحه لحد م نمت ....
صحيت من النوم واتبعتلي ماسدج علي صارحني ف دخلت عليها
_صباح الخير يا هبه أن شاء الله تكوني احسن النهارده واوعي تنهاري انت ادها
فضلت مبرقه للفون شويه بس كنت مبتسمه طب اي ها طب اي؟
الماسدج خلتني رايقه بشكل غريب وعملت فطار تحفه وفطرت وانبسطت ونمت تاني صحيت بعد العصر كدا قومت وصليت وكلمت حبيبه وياسمين صحابي وجراني في نفس الوقت ننزل نتمشي شويه
_عندي ليكم خبر !
_خير يا رب
رفعت ايدي وبان أن مفيش دبله ..
_ايييه ! انت بتهزري ولا اي !
_استني يا حبيبه دا شكله بجد م تنطفي يا هبه
رديت عليهم وانا ببتسم ابتسامه ساذجه
_احم.. واجهت احمد بأني عارفه أنه بيخوني ف سم بدني بكلام جميل اوي وفي الاخر فسخنا ..
حبيبه حطت أيدها علي جبهتي
_لا يا ياسمين هي مش سخنه هي فعلا مش سخنه
_هبه انت واخده بالك انت بتقولي اي .انت بتضحكي كدا ازاي ؟
_مش عايزين تاكلو كيكه شوكولاته ؟ جربتها في كافيه امبارح كانت حلوه مش يلا ؟
_دي عبيطه !
_هبه بصي انا مش فهمه في اي بس انت كويسه ؟
_في واحد امبارح عرّفني اني المفروض ابقي فعلا كويسه
_نعم !
_فوقني ب كلمتين ف فعلا فوقت .
حكيت ليهم كل حاجه حصلت وماسدج صارحني وقاطعنا صوت نوتفيكشن من فوني وكانت من صارحني !
_كويس انك خرجتي استمتعي باليوم ومتنسيش انت حلوه وتستاهلي كل الخير
_وه هو مين دا !
_صوتك يا حبيبه فضحتينا
_يخربيتكم انتم الاتنين اهبب اي دلوقتي انا متراقبه !
_الواد كان حلو يا بت يا بيبو؟
_دا ال همك يا حبيبه
_قولي بس الموضوع مهم والله
_مكنتش شايفه كويس من العياط الصراحه بس كان شكله كاريزما كدا باين مش فاكر
_طب مبروك يا ياسمين هبهوبه العروسه المنتظره
_اهدو كدا انتي وهي .هبه ركزي معايا كدا يا ماما مين دا !
_والله م اعرف بس هو عارفني اكيد ..
خلص اليوم وروحت البيت بفكر في الماسدج وفي الشخص المجهول وتك صوت نوتفيكشن تانيه
_نامي كويس النهارده عشان من بكرا ترجعي شغلك كفايه يومين اجازه كدا يلا تصبحي علي خير
عدي شهر من الرسائل
_شكلك كان حلو النهارده
_ابتسمي يا عزيزتي البسمه بتليق بك اكتر
_تسمحيلي اقولك هبهوبي مش كدا ؟
_كنت لابسه ديق النهارده وانا متدايق بعد اذنك دا ميتلبسش تاني
_هيبقي في يوم مميز لينا عايز من ايديكي احلي كيكه شوكولاته
_واو كان شعرك النهارده تحفه يا هبهوبي
رسايل يوميا كنت بستناها رسايل دعم هي ال قومتني تاني علي رجلي وخلتني اعمل موف اون بجد رسايل حنينه من شخص اكيد حنين كان بيهون عليا اليوم بالرسايل دي والمشكله اني حبيت الشخص المجهول دا وانا نفسي فعلا اشوفه تاني .
_ جايلك عريس يا هبه
_لا يا بابا مش عايزه
_انت بقالك ست شهور مفركشه يا هبه العريس دا اتقدم من فتره برده ومقولتلكيش عشان مكنش بقالك كتير ف مش هيحصل حاجه اقعدي معاه
وبعد ضغط من بابا وافقت وحددو اليوم وطبعا انا بقالي ست شهور بحب شخص بيبعتلي رسايل بس مش عارفاه وهو عارفني اكتر من نفسي ومرقبني ،النهارده مبعتش ولا رساله ياتري عرف بالموضوع واتدايق طب هو فين ؟
لبست وجهزت وحطيت ميكب خفيف خالص وبابا نادي عليا عشان ادخل العصير ومبصتلوش حطيت العصير وقعدت جمب بابا وبصه في الأرض
_طيب نسيب العرسان يعرفوا بعض..
فضلت بصه في الارض لقيته بيقولي
_هو فين كيكه الشوكولاته ال قولتلك تعمليهالي في يومنا المميز ؟
شهقت من الخضه رفعت راسي من الأرض وبصتله
_انت ...انت صح؟
بصلي في عيوني بشكل جميل اوي وابتسم
_اه ايوا انا
_انت...انت ازاي كنت متابعني كدا وازاي تعرفني كدا ؟
غمز وضحكلي وقال
_خلي دا سر لحد م نتجوز وجايز اقولهولك ،طب اي موافقه يلا نقرأ الفاتحه ؟
_ثانيه بس انا مش عارفه عنك حاجه
_انا عارف عنك كل حاجه دا كفايه
_طب اسمك طيب
_ لازم يعني ، سيف
_الله جميل عارف اني ....
_كنتي عايزه تسمي ابنك سيف
_ايه ! حتي دي !
_مش قولتلك عارفك كويس يلا نقرأ الفاتحه بقا
سمعونا زغروطه يا امي ....
عدت شهور الخطوبه بشكل سريع اوي وكانو احلي شهور في حياتي مع شخص حنين ودافي وبيحبني .جهزنا بيتنا سوا واختارنا كل حاجه سوا وفرشناه خلاص ....
_ادخلي برجلك اليمين يا عروسه
_انا مش مصدقه خلاص أننا في بيت واحد
_انا مصدق!
_استنيت كتير اوي تقولي كنت تعرفني ازاي قول بقا ..
_في حد بيعمل كيكه شوكولاته أحسن منك ؟
_لا
_طب ليه ؟
_عشان طريقتي سر
_وانا دا سري
_يعني مش هتقولي ؟
_لا تعالي بس بسرعه كدا هقولك حاجه
قرب وحضني وقال في ودني بهمس
_تعالي اقولك طريقه كيكه الشوكولاته ♥️
تمت ♥️
استني رايكم ♥️
هبه غنيم
