_كلامكم بيلمس القلب من غير استئذان، بيحسسه كإنه فراشة طايره ولمسه نجوم السما يا يونس
_لأن طالع من قلب يونس لقلب ورد.
_طيب.
_طيب! بعد كل دا طيب! امشي يا ورد من قدامي، قومي بدل ما أحدفك بالتليفون دا قومي.
_ما أنتَ قاعد تتكلم كلام كبير عليا وأنا مش فاهمة حاجة.
_مش فاهمة حاجة!!!!
_بس حاسه بيه يعم
_عم!! أنا كدا اطمنت على نفسي.
_ عيب يا سيد لما تقول كدا وانا في حياتك.
_امشي من وشي.
"كتمت ضحكتي بصعوبة وقومت من قدامه، أعمل أي يجماعة يعني؟ ما أنا مش بعرف أرد على الكلام الحلو، بس خلينا متفقين إنه يونس بيخطف القلب من غير استئذان، بعدها كلم بابا وحدد معاد الفرح علطول، وطبعًا بابا استغرب إن يونس حدد الفرح بالسرعة دي، ويونس أقنعه إنه عايزني أكون جمبه خصوصًا إن شقتنا جاهزة وبابا وافق، وعملنا الفرح وبعد سنتين جواز ربنا أنعم عليَّا بنعمة الأمومة، وبقيت أم واتقالي يا ماما، كانوا أصعب سنتين عليا مسلمتش فيهم من كلام مامته وخالته بس يونس كان ونعم الزوج، كان بيوقف كل شخص عند حده والحمدلله بقى معانا حمزة عمره سبع سنين، نسخة مُصغرة من يونس"
_بابا هو أنت بجد بتاع سلمى.
"يونس بصلي بتوعد وضحك"
_مين قالك كدَّ يحبيبي.
_ماما
" بصيت لبني اللِـ مترباش ثانية ويونس بصلي وضحك جامد أوي وأنا بصاله بإستفهام"
_أيّ اللي بيضحك جامد كدَّ يا سي يونس، أه ما احنا فكرناك بست سلمى يا بتاع سلمى.
_إنتِ عارفة سلمى تبقى مين.
_ بنت خالتك الصفرا هتكون اي يعني غير إنها صفرا.
_"بضحك" تبقى أختي في الرضاعة.
_نعم!
_والله أختي.
_وليه معرفتنيش انها أختك .
_حبيت غيرتك عليَّا يجميل.
_والله!
_أي واللهِ.
_امشي من قدامي يا يونس، امشي بجد.
_مالك بس يعيون يونس.
_بقى بتضحك عليّا طول الوقت دا.
_أنا.....
_ما خلاص يماما قالك إنها أخته، إي لازمة النكد بقى.
_أبني حبيبي.
_ أنا مش عارفة كنت مشغولة في أي ونسيت أربيك يا حمزة.
"تجاهلني المهزء وكلم باباه"
_بابا ليه ديمًا بتقول لماما يعيوني.
_أه صحيح، ليه ديمًا بتقولي يعيوني!
_لأن لما بحب حد بصدق يا حمزة بقوله يعيوني، لأنها كلمة دافية أوي بتحتوي اللِـ قدامي، كلمة بتطلع من القلب تطبطب على قلب حبيبه، عرفت ليه بقى يا حمزة بقولها يعيوني.
_عرفت يا بابا.
"بصيتله بحب العالم كله وعيوني دمعت من الفرحة، جبر ربنا لقلبي عظيم أوي، ربنا بعتلي رزقي في الدنيا على هيئة يونس".
_وأنا بحبك أوي يا يونس، بحبك أووي يعيون ورد.
#يـــاراأمـــجــد_شـغــف.
رأيكم بيفرق معايا جدً بإني اكمل، متنساش تعمل فولو لأجل متابعة كل جديد بكتبه🤎
