_ليل اصحي يبنتي عشان الجامعه هنتأخر علي الامتحان
-حاضر...حاضر بكره
-يبنتي بكره اي فاضل نص ساعه اتأخرنا ..حرام عليكي ...تمم انا اتعاملت بكل احترام بس انا عرفاها مش بتيجي غير بالعين الحمرا "ثم نظرت بخبث للكوب الموضوع بجوارها علي الكومدينو و من ثم قامت بإفراغه علي ليل "
-عاااا بغرقق حوشونييي
-ههههه مش قادره بجد وبعدين انتي عرفه أن جنابك مش بتصحي غير بالعافيه ومعدش حاجه علي الامتحان
-لي هي الساعه كام ؟!
-الساعه ٩ ونص يختي
-يلهوي اتأخرنا حرام عليكي يا نغم
-حرام عليا انا بردو يااااارب الصبر من عندك صبرنيي علي البلوهه ديي
"انا ليل عنديي 22 سنه قصيره ومحجبه، لون عيونى بنيي مفيش فيا حاجهه مميزه بس أنا بحب ملامحي وبحب شكليي... وديي صحبتي وعشره عمري احنا جيران من صغرنا واتربينا مع بعض وحقيقي مقدرش اتخيل حياتي من غيرها .، انا و نغم مع بعض من صغرنا وكمان دخلنا نفس الكليه واحنا دلوقت ف كليه ألسن سنه رابعه واحنا كليتنا في القاهره واحنا من الاسكندريه ف احنا قاعدين ف سكن الجامعه وده اخر اسبوع امتحانات "
-وقمت كالعاده اتنطط زي المهرج عشان الحق البس قبل معاد الامتحان والله انيي مهزقهه يجدع ،قمت اتوضيت وصليت ولبست جيبه موف وبلوزه اوف وايت وطرحه موف وحطيت ميكب خفيف ولبست كوتش ابيض، اهم حاجه شياكتنا يجماعه احنا رايحين نتهان بس نتهان بشياكه والصراحة بق امتحان الآخره اهم من امتحان الدنيا هه واخرتها متر في متر
-ليل يلا ي زفته انا عملت سندوتشات ناكلها بسرعه قبل ما ننزل
-حبيبي يسطا والله من يد مانعدمها
- يا بييئه، مين يصدق أنك ف ألسن انتي
-خلاص يبنت حواري موسكو سبنالك انتي اللغات
-اسكوزميي يروحيي
-خلاص يختيي انتيي هتكذبيي الكذبه وتصدقيها دا انتي بتترجمي الجمله بالعافيه
-يختاااااي الساعه عشره الا تلت يدوب ننزل اتأخرنا
"نزلنا جري ودخلنا علي معاد الامتحان بالظبط أهم حاجه العلم اه والله زمبقولكو كدا ..خدت ورقتي وقعدت مكاني ايي المسافات دي كلها يكونش عندنا جرب وخايفين نعديهم حسبي الله ونعم الوكيل "
-بت بت السؤال الثالث
-ماله؟!
بيسلم عليكيي ي روحمك هو ايي ال ماله يبت
-لسا محلتوش
اه يبنت الكدابه ديي مخلصه م اول م استلمت الورق ...حليت ومسبتش ولا سؤال ومتأكده م كلهه ...باين انيي بهبد ولا ابين اكتر
-بت يا نغم عملتيي ايي ؟!
- سؤال تسأليه يبنتي هبدت طبعا
-خش ف حضن اخوك ي فواااز
-حبيبي يا فوزيي
"روحنا نمنا شويه وبعدين قمنا ع معاد الغدا "
-بت يا نغم قومي عشان نتغدي د انا عامله اكله هتاكلي صوابعك وراها
-بجد اكل ايي هااا؟!
-طول عمرك طفسه وهمك ع كرشك
-طب قوميي يختي عشان انا ميتهه م الجوع
-قمت غسلت وشي والست ليل راحت تجيب الاكل وثواني ودخلت بيه ،ايداا اندومييي تانيي وانتيي قاعده تقوليلي عملت اكل وبتاع وانا الهبله صدقت دا انتي اخر مره كنتي هتولعي ف المطبخ وفينا ،يشيخه انا كنت بحب الاندوميي كرهتهه بسببك
-بس متنكريش انك انبهرتيي دا انا مجددالك انهاردهه وعملالك بالخضار ود م بيطلع غير للحبايب خديي فبالك
-لاا حقيقيي م قادرهه ترانيي اتأثرت لحظه ابكيي
-سيد عيب متقولش كدا احنا أهل
"ايداا ايي النظرهه الحقيرهه ديي مالهاا البت ديي بتبصليي كد ليي ،خلصنا اكل وقمت غسلت الاطباق بتاعتنا وحضرت لينا كُبايتين نسكافيه "
-بت امسكي اشربي النسكافيه بتاعك يلاا عشانن نذاكر لحد نشوف هنخلص المرار الطافح دا امتيي
-بكره يختيى ، هاتيى انتي هتزلينيي
-ياه م مصدقه أن بكره اخر امتحان وارجع لزوزو حبيبتيي بق
-والله يبنتي مامتك ديي ليها الجنه عشان مستحملاكي
- ووه، طب يلاا يختيي نذاكر
"خلصنا الامتحان وخلاص انهردا اخر يوم لينا ف السكن وبنلم حاجتنا وماشيين وخلاص وصلنا اسكندريه حقيقي بحبها اووي كفايه القعده ع البحر بتغسلنيي م جواا فوقت م سرحاني ع صوت نغم وهي بتقولي وصلنا"
-ياههه اخيرااا زوزو وسليم وحشونيي اويي
-طب يلاا نطلع وهبق اجيلك بكره عشان أنا قتيلهه نووم انهردا
-اشطا يبروو
طلعت وقعدت ارن الجرس ولقيت واحد طويل عريض بعنين خضراء وحاجه كد اللهم بارك قمر ...ايدا ال انا بقوله دا
- بعد اذنك لو خلصتي سرحان فيا تقوليلي انتي مين
-ايداا انت بتتكلم كد ليي اصلاا انت ال مين
-اتكلميي عدل يبتاعهه أن...
-مين ي يزن
-انا ي زوزو ولا مش مُرحب بيا
-ليل حبيبتيي وحشتينيي قويي
-انتيي اكتر ي ماما والله وحشنيي أكلك دا انا معدتي نشفت من كتر اكل الاندوميي انا والبت نغم
يحبيبتي يبنتيي د انا عملالك ورق عنب م ال بتحبيه هتاكليي صوابعك وراه..،يا خبر دنا نسيت اعرفكم ببعض ديي ليل بنتي ي يزن ال حكتلك عنها و دا يزن جارنا ي ليل جه مكان شقه عمك سالم ال قدامنا
-أسف مكنتش اعرف انك ليل
-ولا يهمك عادي محصلش حاجه
-هنفضل واقفين ع الباب كدا كتير ولا ايي خشو يلاا عشان اغرف ليكم، يكون سليم جه
-سليمم وحشنيي اووي بجد الطفس دااا
-انتيي اكتر يقلب سليم
لفيت ورايا لقيت سليم جريت عليه حضنتهه
-اععععع وحشتينيي يجدعع بالله
-م انا عارف عشان كدا مكلفتيش نفسك ترفعيي سماعهه الفون تعرفينيي انك جايهه
-قلبك ابيض يجدع بق وبعدين انت عارف ان اخر مرهه شحنت فيها كان يوم م الخط جهه
* شعر يزن بالغرابهه م هذه الفتاه الثرثاره وبشده ولكن لا ينكر أنها نالت إعجابه وبشده ،كانت تبدو كالطفله ف تصرفاتها يالهاا م جميله ،ايداا يزن فووق لنفسك انت بتعمل ايي
-خشو يولااد يلاا لحد ما اغرفلكوو زمانكم جعتوو
-طب استأذن انا يجماعهه ابقيي اجيي بعدين بق
-بعدين ايي ي ولااا يرضيك تزعل زوزو وتمشيي م غير ما تاكل
-ههه لاا يزوزو ميرضينيش هو أنا اقدر ع زعل زوزو بردوو
، قعدنا اتغديناا وف وسط استغراب منيي مين يزن' خلصنا غدا وهو استأذن عشان الوقت أتأخر وأنا دخلت عملت كُبايه قهوه ودخلت البلكونه بدفايتيي الارنوب ولبست الهاند فريي وبسمع الست وحاجهه كدا آخر جمال وعظمهه والله فوقت ع صوت حد جمبي عمَّال يبسبس بصيت لقيته أستاذ يزن أنت لحقت يبنيي
-ايوااا نعمم خير في حاجهه؟!
-ايي يبنتيي بلاعههه واتفتحت مش كدا
-ايواا عاوز ايي يعنيي؟!
-ولاا حاجهه هعوز منك ايي يعنيي!
'-الجو برد عليكيي خشي جوا
-برد ايي هو فيي ف حلاوهه ولا جمال الجوو دا تهون كل حاجه حقيقي قصاد قعدهه زيي ديي
-فعلاا بجد جو اسكندريهه دا احسن جو ف الشتاء
-ايواا صحيح ي كابتن.....
-يزن
-طب ي كابتن يزن أنت تعرف مامتي وسليم منين ؟!
-يستيي أنا نقلت هنا م عشر أيام عشان أنا اتعينت مدير ف شركهه هناا وجيت هنا عشان ابقي قريب منها ودورت ع شقه ولقيت الشقه دى وجيت ونقلت هنا وف يوم وأنا راجع م الشغل سمعت صوت حد تعبان وبيناديي ع حد عشان يساعده وم قادر يتكلم كسرت الباب ودخلت وكانت طنط زينب والدتك تعبانه عشان مخدتش دوا القلب بتاعها وساعدتها لحد ما خدته وفضلت معاها لحد م اخوكي سليم جهه وبقينا صحاب وبسكدا يستيي
-اهه تمم ي يزن أتمنيي متكونش زعلت منيي ع طريقتيي الل كانت مش لطيفهه معاك الصبح
-لاا عاديي والله محصلش حاجهه ... اتشرفت بمعرفتك
-انا اكتر ...ايدااا يلهويي الوقت أتأخر ازايي محستش بنفسيي كد
-اهه فعللاا الساعهه بقت 2 يلاا تصبحيي ع خير ولينا كلام مع بعض بكراا بق
-وانت م اهله ،اه إن شاء الله .
دخلت اوضتييي وأنا سرحانهه فييه وف جمالهه واكتشفت ان عنده غمازه ف خدهه الشمال وهو بيتكلم وحاجهه كد آخر اللهم صلي علي النبي جمال وحلاوهه بجد ...ايداا يا ليل انتي اتهبلتيي بتكلميي نفسك ...أنا الله يخربيتي بجد ع هبليي د أما أروح انام.
-بت ي ليل قوميي يبت أحنا بقينا الضهر
-حاضر ي سليم بكره حاضر
-بكره ايي يبت الله يخربيت هبلك قوميي
-قومت اهوو ي سيديي ع الله تستريح
-زوزو حبيبتي بتعملي ايي
-بجهزلك الفطار يقلبيي زمانك يحبهه عينيي مكنتيش بتاكليي حاجهه وأنتِ ف السكن
-حبيبتيي يا زوزو والله تسلميليي
-ماما أنا نازل عشان افتح العياده عشان اتأخرت ...عاوزه حاجه اجبهالك معايا وأنا جاى
-لا يحبيبي عاوزه سلامتك خلى بالك م نفسك
-تسلميلي ي غاليهه
-سليم هاتلييي شوكولاتهه معاك وأنت جايي
حاضر ي طفسه هجيبلك أنا ورايا مين يخرب بيتي غيرك
-حبيبي يرجولههه تسلمليي
-رجولهه !؟فين الرقهه والأنوثه قرف ف شكلكك
-رقهه وانوثهه ايي يبنيي الحاجات ديي حاجات بنات
-امال انتيي محسوبهه ضمن مين،صبرنييي يارب ... أه صحيح ي زوزو قبل م انسيي يزن هيتغديي معانا انهردا
-ينور يحبيبيي
-يلاا بق سلاام عشان اتأخرت
"وقفت مع زوزو عما تحضر الغداا ودخلت كلمت نغم"
-الوووو ايي ي معفنهه ي الييي مبتسأليش
-مبسألش ايي يبنتيي أحنا كنا مع بعض امبارح ..واصلاا أنا كنت طلعالك
-ماشيي يختيي مستنياكيي
'-تعاليي يختيي خشيي هتعملييي نفسكك غريبهه
-ايي يبنتيي احترمينيي شويهه مش كدا وبعدين وسعيليي كدا فين زوزو وحشتني
-انا هنا اهوو يحبيبتى وحشتينيي عامله ايي
-انتيي اكتر ي زوزو والله أنا بخير يحبيبتي
-طب خشو أنتو يبنات اقعدو مع بعض عما احضر الغداا عما يكون يزن وسليم جم
-ينهاركك فوشيهه يبت ي ليل مين يزن د يبت انطقيي يكونش اتجوزتيي م وراياا
-اتجوزت م وراكيي ايي ي زبالهه انتيي أنا لسهه سيباكيي امبارح
-طب احكيلييي بس مين يزن دا، حلو؟ طويل ولا قصير، عامل ازايي!!
-يبنتيي براحهه هحكيلك ..يزن دا يستيي جارناا وشغال مدير ف شركه هنا ونقل ف الفترهه ال أحنا كنا فيهاا ف الجامعه واتعرف ع زوزو وسليم بس مقولكيش يبت قمر قمر
-ايواا بق ويا دبلهه الخطوبهه عقبالنا كلناا
-هييييح بق
-قوميي ي ليل افتحي الباب لأخوكي
-حاضر ي ماما
روحت فتحت وكان سليم ويزن وكان قمر كان لابس سويت شيرت أبيض ع بنطلون تلجيي وكوتش أبيض وشعره ع جنب ولابس ساعه سمراا ...وملحقتش ادقق ف التفاصيل بق يقول علياا مدلوقهه! حاشا لله دخلنا كلنا اتغديناا وماما خلت نغم تتغدا معانا وعدت الايام وبق يزن عندنا كل يوم وبصراحه قربناا م بعض جدا ف الفتره ديي ..وعزمنيي ف يووم نتمشيي ف المطر وأنا وافقت طبعا عشان أنا بحب المطر مش عشان اتمشي معاه تؤ تؤ
-ليل بصراحه كدا يعنيي بصراحه كنت عاوز اقولك حاجه مهمه
-حاجهه ايي يعم م تقول
-يعم ؟!أين الانوثه والرقهه أنا لا أراها
-ماتوا ف الحرب ي عنياا هاا لخص..
-انا قررت اخلص البشرية منك صراحهه ونويت اكمل نص ديني
-ايواا هتعمل ايي يعنيي م فاهمهه
-الله يخربيت غبائك بجد فصلتيني ...يعنيي تتجوزينيي ي ليل أنا بحبك م أول لحظه شفتك فيها وشوفت برائتك وعفويتك ف الكلام
-هزيت راسيي وعيونيي مليانهه دموع م الفرحه ....موافقهه .
'وف زاويهه نسمع صوت الست بتقوول..
_' العيب فيكم يا ف حبايبكم أما الحب يروحي عليه'.💕
-تمت.
#Aya Ragab.
أول اسكريبت لياا رأيكم يهمنى جداً 💕
M.A
