اسكريبت جديد✨
بهدوء وأنا بحاول إن الموضوع ميكبرش زي كل مرة -ي حبيبي الموضوع مش مستاهل كل ده
-قلتلك مليون مرة الحاجة الزفت التافهة بالنسبالك مبتكونش تافهة ليا، هفضل كل يوم أعيد وأزيد في المواضيع ي دنيا، دي مبقتش عيشة دي..
منكرش إني خوفت من صوته العالي، وخصوصاً أنا عارفة قد إيه هو عصبي رديت عليه بهدوء عشان أخلص الموضوع....
-أنا آسفة وعد مش هتكرر تاني، ومش هعمل أي حاجة تزعلك تاني
قال بستهزاء: اه الكلمتين بتوع كل مرة ومفيش حاجة جديدة، مفيش حاجة بتتغير، لسة زي م أنتِ، لا بتسمعي الكلام، ولا بطلتي ردودك المستفزة والبردة، دنيا أنا مش عاوز أوصل لمرحلة إني أكرهك، وبصراحه أنا زهقت ومش مستحمل العيشة إلي تقرف دي، ف شوفيلك حل ي بنت الحلال وإتغيري كدا وإعقلي، إنتي مش صغيرة عشان مش عارفه الصح من الغلط
حاولت أخفي رجفه صوتي عشان مبينش إني بعيط: حاضر وعد هحاول أتغير
-أنا مش عايز زفت محاولات أنا عايز واقع وتغيرر، مش كفاية مبتعرفيش تتكلمي وطول م أنا ساكت إنتي ساكتة، إمتي آخر مرة حاولتي تتكامي ولا تفتحي موضوع، بصي أنا مش عاوز وجع دماغ كتيرر، عقلك في راسك وشوفي إنتي عايزة إيه.. سلام
بصيت للفون بعد م قفل السكه في وشي، حاجة مش جديدة عليا، إتعودت علي كدا من ساعة م إتخطبنا، في كل مرة بنتخانق فيها لازم يقفل الفون في وشي،
أنا وزين مخطوبين من ست شهوور، صالونات زي ما بيقولوا، جارته شاف إني مناسبه ليه جه إتقدم وأنا وافقت، وافقت برغم إن إحنا من شبه بعض نهائي، أنا إنطوائية هو إجتماعي، مبعرفش أتكلم كتيرر أو أفتح مواضيع علي عكسه، إسلوبنا مش شبه بعضه، هو عقله صغير، دايماً شايفني الغلطانة في كل حاجة...
بس أنا تعبت، والله تعبت جداً، حاولت أتغير عشانه، حاولت أكون زي ماهو عايز، بس في كل مرة تيجي حاجة تافهة تقلبها بخناق تاني، وترجعنا لنقطة الصفر، يمكن عمرنا م قعدنا أكتر من تلت أيام متصالحين، أينعم هو كويس، بس هو كمان مش كامل،بيشرب سجاير،كان بيكلم بنات،بس أنا قلت إن كل إنسان فيه عيوب، مفيش حد كامل..
مسحت دموعي وقررت أشوف حل نهائي للموضوع، مسكت الفون بتاعي،أخدت تنهيدة كبيرة وأتصلت بيه،
رد عليا ببرود -ألوو
-لازم نتكلم ضروري
-خير في حاجة..؟
-إيه السب إلي إتخنقنا عليه؟!
-اسألي نفسك بقا
-أقولك أنا، بدأت لما سألتك ليه بتكلم بنت خالتك صح.. وبعدها لما كنت عندنا ووجيت تسلم عليا هزرت معاك بقيت أمد إيدي وأشدها
قاطعني و بزعيق: قايلك ألف مرة الحركة بتزعلني وبتخنقني صح ولا، عملتيها مرة وعديتها والتانية وقلت ماشي أعملك إيه أكتر من كدا، بحس إنك بتحرجيني ومش عايزة تسلمي عليا،وبنت خالتي قلتلك كنت متصل اطمئن عليها عادي وبعدين دي متجوزة ي دنيا..
رديت عليه بعصبية : وإيه يعني إما أهزر معاك، إحنا كنا قاعدين بنهزر، لكن إزاي بقا الإستاذ زين يهزر بمزاجه بس،وبنت خالتك إنت عارف إن عنيها منك...
كملت والدموع غلباني: زين أنا تعبت، تعبت من خناقتنا وتعبت من عصبيتك وصوتك إلي بيعلي وإنت بتزعق وعارف إني بخاف من الصوت العالي، تعب من إنك كل مرة تزلني بس لإن مبعرفش أفتح مواضيع زي البنات، بس أنا قلتلك من أول قاعدة صح، قلتلك لو فضلت ساكت هسكت ي زين، لسة فاكرة ردك عليا كان"وأنا مستعد أسمع سكوتك العمر كله"سكوتي دلوقتي بقا مشكلة ي زين..
رد عليا بهدوء: قايلك كام مرة متعيطيش وأنا بكلمك، وبعدين شيفاني وحش للدرجادي ي دنيا...
كملت بدموع: عمري م شوفتك وحش ي زين، بس صدقني مبتقتش قادرة أستحمل، أنا مش قد الصوت العالي والتحكمات الغريبة بتاعتك، فاكرة لما قعدت تتحايل عليا أرجع أكمل حفظ قراءن وبعد ما رحت مع أول خناقة بعدها حكمت عليا مروحش تاني، ولا السجاير إلي وعدتني إنك هتبطلها ورجعت في وعدك ليا...
-إنتي إلي متعصبيني بردودك، قلتلك كام مرة بطلي الإستفزاز، بطلي تعصبيني بردودك ي دنيا، حاولي تتغيري مينفعش تتعاملي مع الناس بإسلوبك، بطلي العند إلي إنتي فيه ده..
زعقت فيه-بس بس مش عايزة أسمع حاجة، إسلوبك إسلوبك ماله إسلوبي كفاية بقا حرام عليك، أنا كل يوم بنام معيطة بسببك، خلتني كل يوم أسأل نفسي هل أنا وحشة، هل أنا فعلاَ متحبش وإسلوبي وحش، بقيت أكره نفسي بسببك، خصامك ليا ب اليوم والإتنين ولإسبوع وبعدها ترجع تعاتب وتعملها عليا جميلة، حقيقي ي زين مش هستحمل أكتر من كدا...
إحنا لازم ننفصل. كل شئ قسمة ونصيب ي ابن الحلال.....
يتبع✨
رأيكم
بقلمي#Donia_El_Sherbiny
M.A
