" မင်း ဆက်သောက်နေရင် ကိုယ် ငယ်ငယ့်ကို သွားခေါ်လိုက်တော့မယ် "
ပတ်၀န်းကျင်ရှိ အရာအားလုံးကို မျက်ကွယ်ပြုကာ ဝိုင်ပုလင်းတွေကြား ခေါင်းစိုက်နေပြီး သတိပေးနေတာကိုလည်း ကောင်လေးက အသိအမှတ်ပြုခြင်း အလျဉ်းမရှိ။
နေမကောင်း အရှင်းမပျောက်သေးမှန်း သိနေတာမို့ စိုးရိမ်စိတ်တို့က ဒီရေလို မြင့်တက်လာရသောအခါ ဝိုင်ခွက်ကို မ,ယူတော့မည့် လက်ကောက်၀တ်ဖြူဖြူသွယ်သွယ်ကို ဆုပ်ကိုင်ခြင်း ပြုမိ၏
" ကိုယ် ပြောနေတယ် ... "
တင်းမာခြင်းမရှိသည့် တားမြစ်သံတစ်ခုနှင့်အတူ လက်ထဲက ဝိုင်ခွက်ဟာလည်း ဆွဲယူခြင်း ခံလိုက်ရပြီး ဂျောင်ဟွန်းက တကျိုက်ထဲ မော့သောက်သည်။
" ဆေးရုံမှာ ဆေးရုံစည်းကမ်းနဲ့ ညီအောင် ကျွန်တော်နေတယ်။ အပြင်ရောက်ရင်တော့ ကျွန်တော်စိတ်ထဲရှိတဲ့အတိုင်း နေချင်တယ် ကိုကို "
ကောင်လေးက ငယ်ငယ်ခေါ်သလို ဂျောင်ဟွန်းကို " ကိုကို " ဟုသာ သုံးနှုန်းသည်။ ခုလည်း သူ့စိတ်ကြိုက် ဝိုင်တွေ သောက်တာ တားနေလို့ မကျေမနပ်နှင့် မျက်နှာလေး သုန်မှုန်ထားသည်။ လူဆိုးလေးတွေဟာ စိတ်ဆိုးရင် ဒီလိုပဲ ချစ်စရာကောင်းတတ်ကြသလား?
" မင်း မှတ်ဉာဏ်တွေ stable မဖြစ်သေးဘူး ကောင်လေး။ အားလုံးစိတ်ချလို့ရပြီဆိုမှ မင်းသဘော ... ကိုယ်ခွင့်ပြုပေးမယ် "
" မှတ်ဉာဏ်တွေက ကိုယ်လိုချင်တဲ့ အပိုင်းလေးပဲ ဖြတ်တောက်ယူလို့ရသလား ကိုကို ... တချို့ နာကျင်ရတဲ့ အကြောင်းအရာတွေဆို သတိမရပဲ နေတာက ပိုကောင်းတယ် မဟုတ်လား "
နှစ်ချို့ဝိုင်အစွမ်းဖြင့် ရီဝေစပြုလာသောကောင်လေးက ရင်တွင်းခံစားချက်များကို အဓိပ္ပါယ် ဟိုတစ်စ၊ ဒီတစ်စဖြင့် စိတ်ကူးထဲပေါ်သမျှ ထုတ်ပြောသည်။ ချာချာလည်လာသည့် ခေါင်းကလေး ငိုက်စိုက်ကြလာဟန် ပြင်သောအခါ စိုးရိမ်စိတ်ဖြင့် သူ့ပခုံးတစ်ဖက်အပေါ် မှီတွယ်ပြီး အိပ်မောကျစေမိသည်။
" ထယ်ယောင်းအိပ်ပျော်သွားတာလား ကိုကို "
အစ်ကိုဖြစ်သူ ပခုံးစွန်းကို မှီကာ အိပ်မောကျနေသော ထယ်ယောင်းကို ဂျောင်ကုက အသာဆွဲခေါ်ယူသည်။ ဆော့ဂျင် စိတ်မကောင်းဖြစ်နေတာကို မြင်ပြီး ရှုပ်ထွေးသွားသည့်စိတ်က ထယ်ယောင်းပါလာသည်ကိုပင် မေ့တော့မတတ်။
YOU ARE READING
MINE
Fanfictionအချစ်ဦး VS အချစ်ဆုံး ဘ၀မှာ မေ့မရဆုံးသော အချစ်ဦးရယ် ... ထွက်သက်နောက်ဆုံးချိန်အထိ အနားမှာ အမြဲရှိစေချင်မိတဲ့ အချစ်ဆုံးရယ် ... အချစ်ဦးနှင့် အချစ်ဆုံး အားပြိုင်လာတဲ့အခါ ... အခ်စ္ဦး VS အခ်စ္ဆုံး ဘ၀မွာ ေမ့မရဆုံးေသာ အခ်စ္ဦးရယ္ ... ထြက္သက္ေနာက္ဆုံးခ်ိန္အထိ...
