Somewhere in Vigan

43

Sinabi ko sa kaniya na hihintayin ko siya rito sa lobby ng hotel. Ime-message niya na lang daw ako kapag paparating na siya. 

To be honest, hindi ko alam kung bakit ko siya inaya lumabas. 'Yong pag-aaya ko sa kaniya na lumabas ay hindi matatawag na date. Gusto ko lang talaga ng kasama kasi nakakapagod 'yong mag-isa ka lang lagi. 

Maya-maya pa ay nakita ko na siya na pumasok sa loob ng hotel. He's wearing a white plain shirt partnered with brown trousers. May suot rin siyang black cap pero madali ko siyang na-recognize dahil sa height at pustura niya. 

"Saan mo gusto pumunta?" tanong niya nang makalapit siya sa akin.

"Kahit saan pero punta muna tayo ng convenience store," 

His brows furrowed. "For what?"

"Bibili ako ng beer. Inom tayo." I stated before I held his wrist. 

•••