Unicode
မနက်ခင်းတွင် ဟယ်ရီရဲ့အိမ်ရှေ့သို့ ကားတစ်စီးရောက်လာသည်။ ကားပေါ်မှဆင်းလာသူကတော့ဒရေကို..။ ကြိုတင်ဖုန်းဆက်ထားသဖြင့် ဟယ်ရီက ခပ်မြန်မြန်ထွက်လာသည်။
"ငါအရုပ်စက်ရုံကို သွားတော့မယ် ပေါ်တာ..နယ်ဘက်မှာဆိုတော့ ဒီညအဲ့မှာညအိပ်ရမယ်..မနက်ဖြန်မှပြန်ရောက်မယ်.."
ရုတ်တရက် ဒရေကိုကသူ့ကိုဆွဲဖက်လိုက်တာကြောင့် ဟယ်ရီလန့်သွားသည်။သို့သော်လည်း မရုန်းမိပေ။
"မင်းကိုလွမ်းနေရတော့မှာ..ငါဖုန်းဆက်ရင်ကိုင်နော်..ငါစာပို့ရင်လည်းပြန်ပို့.."
ဒရေကိုရဲ့စကားသံများကို ဟယ်ရီခေါင်းငြိမ့်ကာနားထောင်နေရသည်။
"အဲ့ဒါဆို ငါသွားတော့မယ် ပေါ်တာ..ရောက်ပြီဆို ဖုန်းလှမ်းဆက်မယ်.."
ဒရေကိုကနှုတ်ဆက်ကာ ကားပေါ်တက်သွားသည်။ ဟယ်ရီလည်း ဒရေကိုထွက်သွားသည်အထိ ရပ်ကြည့်နေပြီး အိမ်ပေါ်သို့ပြန်တက်ခဲ့လေသည်။
............................❤
ညနေခင်းအချိန်တွင် လော့မောင်ဘင်လမ်းလေးသည် တိတ်ဆိတ်ငြိမ်သက်နေ၏။ နေရာကိုအသေအချာမသိသော်လည်း ကားဆရာ၏အကူအညီဖြင့် ဟယ်ရီထိုလမ်းကိုရောက်လာခြင်းဖြစ်သည်။ တစ်ယောက်တည်းလာရသည်ဖြစ်၍ ခါးကြားမှာလည်း ဓားမြှောင်အသေးလေးကို အဆင်သင့်ထိုးထားသည်။ ဂိုဏ်းအတွင်း လူသတ်မှုများဖြစ်နေသည့်အချိန်တွင် အရာရာကိုသတိထားနေရမည်ဖြစ်သည်။
လမ်းအတွင်းကော်ဖီဆိုင်သည် တစ်ဆိုင်သာရှိလေသည်။ ဆိုင်နာမည်က "Rose" တဲ့။
ဟယ်ရီလည်းဆိုင်ထဲဝင်သွားလိုက်တော့ အထဲမှာကောင်မလေးတစ်ယောက်ရှိနေသည်။ ထိုကောင်မလေးက နောက်ကျောပေးကာ ကော်ဖီဖျော်နေလေသည်။ သူတော်တော်ရင်းရင်းနှီးနှီးမြင်ဖူးနေသည်။
ထိုကောင်မလေးက သူ့ကိုလှည့်ကြည့်သည့်အခါ အတော်ပင်အံ့သြသွားရသည်။
ဂျင်းနီ..။
ဂျင်းနီက ပြုံးပြုံးရွှင်ရွှင်ဖြင့် သူ့အနားကိုရောက်လာသည်။
"ဘာသောက်မလဲရှင့်.."
ဟယ်ရီဘာမှမပြောဘဲကြောင်ကြည့်နေသဖြင့် ဂျင်းနီကထပ်မေးသည်။
YOU ARE READING
BFF OR NOT (Drarry ❤)
Fanfictionဟယ်ရီ တစ်ယောက် အချိန်ကိုနောက်ပြန်ဆုတ်ဖို့ ကြိုးစားရာကနေ သူမရင်းနှီးတဲ့နေရာတစ်ခုသို့ ရောက်ရှိသွားသောအခါ ~~ ❤
