Unicode
"တွန် ပြန်လာပြီလား"
အိုလီဗာ ဆိုဖာပေါ်မှာ ထိုင်နေရင်းကနေမှ လှမ်း၍လက်ပြလိုက်သည်။
တွန်ကသူ့ကိုမြင်တော့ပြုံးပြရင်း သူ့ဘေးတွင်ဝင်ထိုင်လိုက်သည်။
"အခြေအနေ ? "
"မင်းအတွက်အလုပ်တစ်ခုပါလာတယ်"
"ဟ"
တကယ်ပါ။ ဒီလောက်ဂိုဏ်းကထွက်မယ်လို့ တဖွဖွပြောနေခဲ့တာတောင် သူ့ကိုတာဝန်ပေးလိုက်သေးသည်တဲ့လား။
"မနက်ဖြန်ည Dream အပျော်စီးသင်္ဘောပေါ်မှာ လေလံပွဲတစ်ခုရှိတယ် ၊ အဲ့ပွဲမှာ ကျောက်စိမ်းကို ငါတို့ကလေလံရအောင်လုပ်ရုံပဲ"
"ဒါပေမဲ့ အရမ်းအန္တရာယ်များတယ် ၊ အခြားဂိုဏ်းတွေကပါရှိနေတော့လေ အခတ်မသင့်ရင် ဂိုဏ်းအချင်းပစ္စည်းကြောင့် တိုက်ကြခိုက်ကြတာတွေ ရှိလာနိုင်တယ်..စစ်ဒရစ်ကတောင် မင်းကိုမသွားစေချင်ဘူး ၊ သူသွားမယ်လုပ်နေတယ်..တကယ်လို့ သူသွားရင် မင်းက မနက်ဖြန် အောက်လမ်းကဝင်လာတဲ့ ပစ္စည်းတွေကို စီစစ်ပေးရမှာ"
ဘာမှမပြောဘဲ ငြိမ်နေကာ စဥ်းစားနေတဲ့ အိုလီဗာက ထိုစကားလည်းကြားရော ချက်ချင်းခေါင်းထောင်လာသည်။
"ငါသွားမယ်"
"တကယ်မင်းသွားမလို့လား အိုလီဗာ..ငါကတော့ စစ်ဒရစ်ကိုသွားခိုင်းတာ ပိုကောင်းမယ်ထင်တယ် ၊ သူကလည်း သူသွားမယ်တဲ့"
"ငါကဘာလို့သူ့စကားကိုနားထောင်ရမှာလဲ"
အိုလီဗာရဲ့အသံသည် အနည်းငယ်ကျယ်သွား၏။
"ဖြည်းဖြည်းပြောပါဟ.."
"ဆောရီး တွန်..ငါအသံမာသွားတယ်.."
"မင်းသွားမယ်ဆိုလည်းပြီးတာပဲ ငါညနေကျရင် ဦးလေးလူစီးရပ်စ်ကို ပြန်သွားပြောလိုက်မယ်..အခုတော့ ရေချိုးအုံးမယ်.."
ဟုဆိုကာ တွန်ရစ်ဒယ်သည် ဆိုဖာမှထလျက် ရေချိုးခန်းထဲသို့ တည့်တည့်မတ်မတ်ဝင်သွားလေသည်။
တွန်ရစ်ဒယ်ထွက်သွားမှ အိုလီဗာလည်း စားပွဲပေါ်က လက်ကျန်ကော်ဖီလေးကို တစ်ငုံသောက်ရင်း တီဗီကိုဖွင့်ကြည့်လိုက်သည်။
YOU ARE READING
BFF OR NOT (Drarry ❤)
Fanfictionဟယ်ရီ တစ်ယောက် အချိန်ကိုနောက်ပြန်ဆုတ်ဖို့ ကြိုးစားရာကနေ သူမရင်းနှီးတဲ့နေရာတစ်ခုသို့ ရောက်ရှိသွားသောအခါ ~~ ❤
