صباح اليوم الثاني... الساعه 10 الصبح . .
نشيت وسبحت ولبستلي لبس خفيف لانه قوم امايه بييون اليوم ونحن سوينا عزيمه عازمين فيها الاهل بمناسبة وصولها البلاد.
نزلت تحت.. كانو واصلين مال البوفيه وقاعدين يرتبون اغراضهم و الطاولات برع.. قررنا نسويها برع لانه ماشاءالله الحوي عود و الجو كان يجنن و برااد.. تميت وياهم واقولهم كيف يرتبون .. عقب ساعتين.. سرت فوق وتعدلت ولبستلي ثياب يديده وكشخت .. نزلت تحت وكان كللل شي جاااهز وخواتي بسم الله عليهم كل وحده كاشخه ويالسين تحت ف الميلس اللي داخل..
ريموه كانت تحتشر انها يوعانه و مريوم و سلامه مب مخلينها تاكل لانه عماتي و خالاتي على وشك انهم يوصلون..
ريموه : يعنيييي شووو فيهااا اذا وصلووو يوعااانههه انااااا
مريوم : ياربي انا تعبت منها هاي
سلامه : خلاااص لا تصرخييين
انا : شو مستوي بلاكم
ريموه : انااا يوعااانه ومب مخليني اكلل
انا : سيري سيري انزين بس فكينا من ازعاجج.
نشت ريموه وسحبت خدودي بقو : فدييييتتت سارووونهه اناااا
انا : اااييي هدينننيي يعووور..
وركضت سارت المطبخ
سلامه تضحك : والله مب صاحيه
مريوم : يعني ماعرف كيف نحن توأم.. مستحيييل!!
انا اضحك: اقولج لا تسوين طالعه منها ترا حتى انتي بس هاي تعدتج
شوي
كلهم ضحكو..
فوني رن.. وعبدالله اللي متصل
انا : الو
عبدالله : ساروه نحن يبالنا مال نص ساعه و بنوصل
انا : تمام حبيبي
شفنا باب الحوي ينفتح ودشو خالاتي ويا عيالهم الصغار .. طلعنا برع وكنا نهلل فيهم ونسلم عليهم.. طبعا الرياييل مسويلهم اليلسه ف الميلس اللي برع لانه الحريم ف الحوي.. عقبها ب عشر دقايق وصلو عماتي وكلنا يلسنا ف الميلس اللي داخل نتريا قوم امايه يوصلون. ( نحن
عندنا بنات خالات بس اما عماتي كل وحده الله ما رقزها الا ب اولاد)
مريم : بنات قومو بنسلم على خوالي و عمومتي احس فشله ما سرنا
عذبه بنت خالو نوره : هيه قومو انا بعد ما جفتهم كلهم
أنت تقرأ
طبيب جروحي ومالك روحي
Fantasyتُهدم الأحلام بأبسط كلام يُقال ، ولكن بِمُساعدة شخص احتل قلبِك بعزته وحُبك له ، يُبنى كل شيٍ هُدِم. ♡︎
