وصلنا البيت ونزلنا .. امايه كانت محد .. ابويه كان ف غرفته .. ريموه بعدها ف الغرفه .. هزاع نزل بدل ثيابه ورد طلع .. عبدالله نزلنا وسار .. مريوم سارت تسبح
انا سرت عند ابويه .. دخلت غرفتهم بكل هدوء .. شفته يالس يقرا قرآن .. يوم شافني ابويه .. سكر القرآن صد علي وابتسم
انا سرت بست راسه وحضنته : ابويه شحالك
ابويه : بخير امايه شحالج انتي
انا : بخير داممممك بخييير
ابويه : من وين يايه
انا : كنت طالعه ويا اخواني سرنا نغير جو شوي
ابويه : تعالي غيري جو ف المزرعه جوفي كيف مستويه
انا ابتسمت : من عيوني باجر بسير وياك يوم بتسير
ابويه : ان شاء الله .. يلا انزين خلي ابوج يرقد الحين
انا ضحكت .. بست راسه وطلعت عنه
وانا اركب الدري .. فتحت فوني وشفت سلامه مطرشتلي مسج .. بس ما فتحته .. سرت غرفتي وسبحت
.
.
.
ريم طرشت الايميل وتتريا رد راشد لها.. عقب عشرين دقيقه من طرشت .. رد عليها راشد
ريم كانت متوتره طول ه الوقت وتترياه يرد عليها..
راشد : مشكوره ريم والسموحه تعبتج وياي
ريم ردت عليه : مابيننا
طووول الوقت وريم تفكر فيه .. ياخي شو ياني على راشد .. ليش يالسه افكر فيه .. قاطع تفكريها اتصال من لطيفه
ريم : ها لطوف
لطوف : طرشتيله
ريم : هيه
لطوف : انزين شو بتسوين .. انا ملانه ابا اطلع
ريم : طلعي انزين انا منسدحه ماروم انش
لطوف : يلا لاه ريموه الا هني تمشايه
ريم : لطوف خليها باجر عقب الجامعه
لطوف تتأف : يلا انزين بتريا
وسكرت عنها . .
.
.
عقب ما طلعت من الحمام - عزكم الله - فتحت فوني وجفت سلامه شو مطرشه
سلامه .. : حبيبي انته وين متى بتطلع من الدوام
أنت تقرأ
طبيب جروحي ومالك روحي
Fantasyتُهدم الأحلام بأبسط كلام يُقال ، ولكن بِمُساعدة شخص احتل قلبِك بعزته وحُبك له ، يُبنى كل شيٍ هُدِم. ♡︎
