هزاع متردد مايعرف يدق ولا.. اخر شي دق
هزاع : الو
ميثا : الو هلا
هزاع : شحالج ميثا
ميثا : هزاع ؟
هزاع : هيه
ميثا : السموحه ماعرفتك مب مسيفه الرقم.. بخير الحمدلله من صوبك
هزاع : بخير الحمدلله.. شو راسج الحين
ميثا : الحمدلله اهون عن اول
كانو مستحين من بعض .. بس حاولو اييبون مواضيع وتمو يسولفون ويا بعض ...
.
.
نحن طلعنا من المسبح وكنا ميتييييين من البرد لانه ماي المسبح كان ثلللج و دخلنا داخل و المكيفات تشتغل نسينا نبندهم.. دخلنا نسبح ولبسنا بجايم.. سرنا يلسنا ف الصاله عقب و طلبنا اكل خليناهم يوصلونه لين الفله
كلنا كنا يالسين ولاحظت انه سلامه بعدها ف الغرفه.. سرت اشوفها كانت تصيح وميوده بطنها.. انا زغت
انا : سلومه بسم الله بلاج
سلامه : ساروه بموت بطني يعورني
انا : انزين لبسي عباتج بوديج المستشفى
سلامه : لا لا مب لازم
انا سحبتها ولبستها عباتها : قومممي يلاااا
سرت قلت حق البنات انها تعبانه شوي وبوديها بس نتطمن
امون : حبيبتي سارونه ايي وياكم
انا : لا قلبي ماله داعي بس اذا دقت امايه وسألت لا تخبرونها عشان ما تحاتي
امون : تمام حبيبتي طمنينا عاد
انا : ان شاء الله
ركبناها السياره و وصلنا العامل لين موتري وركبتها .. الحمدلله انه كان في مستشفى قريب من الفندق... دخلوها وفحصو عليها
انا كنت اتريا برع ميته من التوتر.. عقبها طلعت النيرس وقالت انتي وياها
انا : هيه اختها
النيرس : مبروك يا حبيبتي اختك حامل
انا : هااا... حامممل؟؟؟ من متى
النيرس : هي ف الشهر الاول والاسبوع الثاني من حملها
انا : يعني توها ... انزين يستوي ادش عليها
أنت تقرأ
طبيب جروحي ومالك روحي
Fantasíaتُهدم الأحلام بأبسط كلام يُقال ، ولكن بِمُساعدة شخص احتل قلبِك بعزته وحُبك له ، يُبنى كل شيٍ هُدِم. ♡︎
