طبيب جروحي ومالك روحي

بارت ١٦

صباح اليوم الثاني .. نشيت عشان اسير المشغل وآخذ الفساتين حقي و حق خواتي .. قمت و سبحت وبدلت ثيابي .. فتحت فوني شفت زايد راد ع المسج ..
قريته وما رديت لاني كنت بدقله يوم بطلع .. نزلت تحت شفت امايه مسويه ريوق حق فريج

انا بصدمه : امايه خيبه ها كله حق منو

امايه : الناس يصبحون

صديت شفت ابويه يالس .. سرت بست راسه : صباح الخير

ابويه يضحك : صباحج نور وعافيه ابويه .. ماتعرفين امج عاد ، هنادي يايتنها اليوم وها كله بس حقها

انا : اوهو نسيت هاي بتي

امايه : تعالي عاوني بدال لا تسولفين

انا : امايه بسير المشغل مابا ادش المطبخ وتستوي ريحتي طباخ

امايه : يالله بالستر .. بو عبدالله سمعتها شو تقول  .. فارجي يلا فارجي

انا اصد على ابويه : تجوف حرمتك تروغني

امايه فرت علي قوطي الكلينكس : يا مسودة الوييييه

ابويه يضحك : يلا ابويه سيري

انا شردت وطلعت على طول ...

.

.

.

في الجامعه ..

مريم يالسه تطلبلها كوفي .. شلته ويوم لفت لقت بطي وراها ..

مريم : بسم الله

بطي : سوري زيغتج

مريم : لا عادي

بطي يبتسم : شحالج

مريم : طيبه الحمدلله

بطي : سامحيني عاد انا ماعرفت شو اسوي يوم عرفت انج اخت هزوع..

مريم : لا عادي والله اصلا انا روحي متلومه وانصدمت

بطي خذ اوردره وقالها : عادي بتيلسين ولا ؟

مريم ترددت بس يلست عقب ..

بطي : ليش تتلومين

مريم : مادري اول ما شفتك على طول قلتلك شو تسوي هني

بطي يضحك : عادي الامور طيبه

مريم تبتسم وتنزل راسها

نور يت...

نور : زملاء بس؟ تقص علي انته