طبيب جروحي ومالك روحي

البارت ٢

امون : مستوي ما اييلس وياي مووول واليوم الظهر كان فبيت امه وقالي بطلع قلتله وين قال ويا الشباب

انا : انزين صح نحن كنا هناك وصار ه الشي

امون : انزين عيل ليش كنت ادق عليه ما يرد وكله يكتبلي يقولي ماروم ارد عليج الحين.

انا : امون استهدي بالله وشو ه التفكير يعني هو ويا الشباب شي طبيعي ما بيرد عليج وبيرمسج جدامهم.

امون : مب بس ه الموقف .. البارحه كنت ابا اسير بيت اميه وقلتله نزلني ماروم اسوق .. هو منسدح على الفراش ويقول ماروم انش سبحان الله عقب ثانيه رن فونه وطلع برع يركض ويرمس .. شمعنى يعني .. ليش ما يرمس جدامي.

ريم: واللههه انتتتيي ماعننندجج سالفههه تامههه وياا واحددد مثلهه

سلامه : ريموه بتسكتين ولا انش اصفعج مول مب وقته

مريوم تمسح على ظهرها : حبيبتي امون ها مب معناته انه يخونج انتي بعد لا يروح تفكيرج بعيد من اتفه الاسباب يعني الحييين سعووود بيخونج انتتتي؟ انتي ما تذكرين سعود شو سوا عشان ياخذج وعقب ما خذاج كيف كان يدلعج

.

.

.

سعود : باخذها يعني باخذها بنت خالي وداشهه خاطري مابببا غيرها

سعيد : انته ما بتتأدب؟ قلنالك بتاااخذها ليش مستعيل

سعود : اباها الحين

سلطان : انته بعدك ياهل شو تعرس الحين

سعود : محد له خص باخذها الحين يعني الحين

عقب ما خذها سعود وسوا اللي فراسه، كان يدلع امون بشكل فظييييع واايد وااايد يدلعها ويوم عرف انها حامل امون كانت بتموت من الدلع اللي هي فيه.

.

.

.

انا : يعني الحين حسيتي ب فرق لانه ما قام يدلعج نفس قبل؟

ريموه: هيه اكيد عيل في حد بياخذ دلع سعود واذا ما قام يدلعه بيتم طبيعي..

ريم تصرخ وترفع ايدها : اللللههه اييييبكككك يا ريلييييي

مريوم تظربها: انتي ما بتصطلبين؟

حمودي يركض عند ريموه : ليييمممم ودينيي دكااااننن

ريم : ليم هاي امك حبيبي مب انا