قمت و خذتلي شاور يدفيني شوي . . عوار بطني كان راد علي . . طلعت من الحمام وصليت المغرب وسرت يلست على التسريحه عشان اعدل شعري . . سمعت صوت التلفزيون يشتغل ف الصاله . . عقب ما خلصت اسحي شعري قمت عشان ادورلي الدوا اللي كنت اخذه . . بس من وقفت حسيت انه الدينا تدور فيني . .
انا احاول ارمس بس صوتي واطي : ز. . زاي. . د
وطحت . .
قمت على زايد وهو يرش على ويهي ماي ويحاول يقومني . .
زايد يدق ويهي : ساره . . سااره. .
انا افتح عيوني بصعوبه . .
زايد تنهد وحظني: اهخ الحمدلله . .
انا فتحت عيوني شفت انه بعدني على الارض طايحه ف حضنه . . زايد شلني وطيحني على الفراش . . قربلي الماي وشربني. .
زايد : شو ياج . .
انا : مادري . . عوار بطني رد وراسي يدور . .
زايد : قومي اكلي وبوديج المستشفى يلا . .
انا : ماروم زايد مافيني حيل . . ابا اسير عند قوم يدوه . .
زايد يود ايدي وباسهم : احلفلج بوديج عندهم . . بس اول شي خلينا نسير نتطمن عليج . . ومن نطلع من هناك بوديج . .
سحب ايدي .: يلا قومي لبسي عباتج . .
انا قمت ورديت احس الدنيا تدور فيني . .
زايد : صبري . . تمي يالسه انا بييبلج العباه . .
يابلي العباه ولبسني اياها وتم ميود ايدي عشان ما اطيح . . طلعنا من باب الغرفه وشفت ميثا يالسه ف الصاله اللي فوق . . صديت شفتها كانت تجوفنا وعقب صدت الصوب الثاني . . زايد تجاهل نظراتها ونزلنا من الدري . .
ام زايد كانت يالسه ف الصاله ويا بو زايد . .
ام زايد : افا افا عسى ماشر . .
انا هديت ايد زايد وتقربت صوبها ببوس راسها . .
بست راسها : فديتج عموه بس بطني يعورني شوي . .
تجدمت وسرت صوب بوزايد . .
ابتسمت وبست راسه : شحالك عميه
بو زايد ابتسم : بخير فديتج شحالج انتي . .
انا : بخير الحمدلله
أنت تقرأ
طبيب جروحي ومالك روحي
Fantasiتُهدم الأحلام بأبسط كلام يُقال ، ولكن بِمُساعدة شخص احتل قلبِك بعزته وحُبك له ، يُبنى كل شيٍ هُدِم. ♡︎
