طبيب جروحي ومالك روحي

بارت ١٢

الساعه عشر الصبح ...

في المستشفى ..

زايد : السلام عليكم

ميره : وعليكم السلام

زايد : الحمدلله سوينا كل الفحوصات اللازمه وان شاء الله اليوم بتدخلين العمليه

ميره ابتسمت : ان شاء الله

.

.

.

في بيت ام سيف.. (حور)

سلطان : سلامه قلبي يلا قومي

سلامه : حبيبي ويكند ليش توعيني من وقت

سلطان : عندج موعد خلينا نسير نجوف حبيب ابوه شو بيكون

سلامه : اجله ماروم اقوم

سلطان يتقرب من سلامه ويشل اللحاف عنها

سلطان يبتسم : بتقومين ولا اشلج

سلامه قامت : اففف سلطان خلنننني ارقددد

سلطان يضحك عليها وعلى مشيتها .. : امشي يا المعصبه امشي

سارت سلامه وبدلت ثيابها ولبست عباتها ..

سلامه : خلصت يلا

سلطان : بتسيرين جي؟

سلامه : ليش شو فيني

سلطان : جوفي ريولج

سلامه جافت ريولها .. طالعه ب سوكس وسليبر البيت

سلامه : اويييييه ... وركضت تبدل نعالها

سلطان يضحك : انتي الحين جي باجر يوم بتيبين ولدي شو بتسوين

سلامه : جب مايضحك

.

.

.

سيف وحصه سارو بيت عنود عشان يشوفون العيال .. كانو مقررين انهم يسيرون البارحه بس لهو ويا اليمعه ف قالو بنخليها اليوم ..

سيف يدق الباب .. يت الخدامه تفتح

الخدامه : السلام عليكم بابا سيف

سيف يبتسم : وعليكم السلام

دشو الصاله ..

سيف : عنود وين

الخدامه : نوم