طبيب جروحي ومالك روحي

بارت ٢٦

امايه : ساره اميه قومي يلا . .

انا بصوت تعبان : ها اميه

امايه : بتتأخرييين يلا قومي عرسج اليوم . .

انا تأففت : ابا ارقد

امايه سحبت اللحاف عني : يا اميه بتتأخرين قومي عيزت وانا اوعيج

انا قمت ويلست مجابله اميه : امايه خايفه من ه القرار . .

امايه تبتسم : حبيبتي لا تخافين من شي . . انا وياج . . توكلي على ربج وكل شي بيكون تمام . . عمار ولد خالج ابيج تنسينه . . الريال كمل دربة والحين بيعرس . . وزايد ريال زين . . الله يوفقكم ويجمعكم على خير يارب . . 

انا : بتكونين وياي . . مابتهديني ف اكثر يوم انا ابيج فيه

امايه تبوس راسي : حبيبتي انا وياج . . وخواتج وياج . . كلهم هني . . لا تحاتين

انا ابتسم : فديتج امايه

.

.

ريم تدقني وتصرخ : سااارووههه ويهههددد قووومي . .

انا قمت زايغه : بسسسم الله شووو مستوييي انا ويننن

ريم معصبه : مابغيتي تنشين من ساعه وانا اوعيج . . شو انا وين . . فغرفتج حظرتج خامده . . قومي خلينا نسير القاعه يلااا تأخرررنا

انا مصدومه ويالسه على الشبريه : ها كان حلم!

سلامه دشت : خلصتو

ريم تخصرت : جانج ترومين تقومين اللي تتسمى عروس بتسوين خير

سلامه تضحك : ساروه يلا تأخرنا . .

انا قمت سبحت وشليت اغراضي اللي مجهزتنهم حق القاعه وسرنا . .

.

.

.

( قبل اسبوعين . . . )

انا وحصه يالسين ف حديقة يدي . .

انا : تعبت حصه تعبت . . والله مب قصدي اخلي زايد يسمع الكلام اللي انقال بس من كثر ما اكبت طلعت كل اللي فيني عند عمار . . انا احاول انسى الماضي الخايس ها وهو يالس يعاملني جي لييييش . . ابا انساه وابا اعيش حياتي طبيعيه . .

حصه تمسح على ظهري : سواري حبيبتي . . ابيج تسمعين مني ه الشي . . انتي و عمار قبل حياتكم ما كانت مستقره رغم انكم كنتو تحبون بعض وايد . . وهو عشان يريح ضميره عقب الطلاق ومن غلاتج عنده . . سار و سجل ه الاشياء بأسمج . . وهو حاليا يحاول ينسى ه الحب خصوصا عقب ما ملجتي انتي . . لا تتوقعين انه الشي سهل وينتسى ف ثانيه ترا حتى هو يعاني بس ما يحب يبين ه الشي . .