طبيب جروحي ومالك روحي

بارت ١٧

مرو الايام والامور نفس ما هي .. اليوم ، تحديدا يوم السبت ، الساعه 4 العصر .. يوم عرس سعيد و هند ..

هند قررت انها تبي تسوي العرس على طول ما تبي تطول .. بيوقعون ف نفس اليوم .. ونحن تحليلنا ك بنات قلنا مدام انهم يعرفون بعض من زمان ف خلاص ما يبون يطولون..

.

.

.

حصه : ايييه انا ف الصالون ويا امونن و عنود انتو وييين

عنود؟ هيييه صح .. بقولكم شو صار على سالفة عنود ... عقب ما خلصو ريوق عنود و سيف .. سار سيف لين بيتهم وخالو حور و ابوه كانو هناك

.

.

.

عنود تمسك ايد سيف : سواف متلومه .. مالي ويه اجوفهم

سيف يبتسم ويرص على ايدها : حبيبي انتي غلطتي ويايه تصلحين غلطتج

عنود تنهدت ونزلو... خالو حور كانت يالسه تدخن البيت

سيف : السلام عليكم امايه

خالو حور لفت : وعليكم الس... " انصدمت يوم شافت عنود "

عنود ابتسمت وسارت باست خالو على راسها : شحالج عموه

خالو : بخير .. غريبه عنود عندنا

سيف : امايه ابويه وين

خالو حور : ف الغرفه

سيف : بزقره و بيي

سار سيف يزقر ابوه و رد ..

ابو سيف : السلام عليكم

نشت عنود و باست راسه : شحالك عميه

ابو سيف : الحمدلله ابويه

يلسو كلهم ..

سيف : عاد اليوم عنود عندها كمن كلمة تبا تقولها

عنود كانت وايد متوتره وبدت ترمس : سامحوني اعرف انا وايد غلطانه ع اللي سويته .. ويلست تشرح و تعتذرلهم.. والحمدلله تفهمو الموضوع وردت العلاقات طبيعية .. ويت تسكن ويا عيالها ف ملحقها ..

.

.

.

ريم : انا الحين راكبه ويا مريوم و سوراي..

حصه : و سلاموه

ريم : بتيها البيت هي و امايه