ف الجامعه ...
لطيفه : انا قلتلج لا تسيرين
ريم : ياخي لطوف .. من عقب ما توفت امايه وانا حياتي تلوع الجبد .. ما قمت اطلع ولا اسوي شي .. خواتي اربع و عشرين ساعه ف بيت يدي .. مليت شو تبيني اسوي يعني
لطيفه : يعني الا تسيرين وياهممم!!!!! وانتي تعرفين هايل شو وراهم
ريم تنهدت : عزموني يعني اردهم
لطيفه : مب عيب!
ريم : انتي ليش جي كأيبه
لطيفه : الحين لأني يالسه احذرج طلعت كأيبه .. كيفج مايخصني .. بس تذكري كلامي باجر ..
قامت لطيفه ومشت عنها .. وهي تمشي صادفت راشد ..
راشد ابتسم : السلام عليكم
لطيفه : وعليكم السلام .. اذا بتسأل عن ريموه " لفت اشرت عليها " هاذي يالسه هناك " ابتسمت ابتسامه بارده وكانت يايه بتسير"
راشد : ويت ويت .. تعالي لطيفه
لطيفه صدت عليه
راشد : شو مستوي شو السالفه .. ريم فيها شي
لطيفه : لا .. بس سير حذرها .. قبل لا تنفظح بين الناس ويطلعون عنها رمسه " عطته ظهرها ومشت "
راشد كان مب مستوعب شو مستوي .. سار صوب ريم ..
راشد : عادي ايلس
ريم صدت شافته وتمت ساكته
راشد سحب الكرسي ويلس : عادي افهم شو السالفه .. في شي بينج وبين لطيفه .. شفتها وكانت معصبه .. وقالتلي احذرج .. مافهمت كلامها احذرج من شو
ريم ضحكت : وهاي ماتعرف تيود لسانها ..
راشد يرمس بجديه : ريم!
ريم : خير خير .. شو تبا .. منو انته عشان تسأل .. بسافر ويا البنات وهايل وايد open minded وعادي عندهم يطلعون و *** .. شو بيستوي لو سرت وياهم!
راشد كان يشوفها وهو مصدوم : نعم؟ تتمصخرين انتي ولا شو
ريم ترمس بكل جديه : لا ما اتمصخر
راشد يرمس بعصبيه : تبين تعيشين حياتج وانتي تعصين ربج؟ تراج بتندمين عقب .. بتسيرين ويا البنات هم كيفهم حرين .. مب شرط اذا هم سوو شي انتي تسوينه! اذا قالولج عقي عمرج بتعقين؟
أنت تقرأ
طبيب جروحي ومالك روحي
Fantasyتُهدم الأحلام بأبسط كلام يُقال ، ولكن بِمُساعدة شخص احتل قلبِك بعزته وحُبك له ، يُبنى كل شيٍ هُدِم. ♡︎
