صباح اليوم الثاني . .
زايد يوعيني : حبيبي
انا فتحت عيوني ورديت اسكر . .
زايد يبتسم : صباح الخير
فتحت عيوني : صباح النور
زايد : يلا يلا قومي خلينا نطلع . .
انا : خلني ارقد شوي
زايد سحب اللحاف : يلاا نشي ولا بشلج
انا اتنهد : انزيين انزين
قمت عشان اسبح . . وانا امشي يالسه اقول فداخلي . . حسبي الله زايد يقوم قبلي ويجوف شكلي وانا توني ناشه . . لازم اتعود اقوم قبله . .
دشيت سبحت وانا طالعه نسيت اني مخليه اغراضي ف الغرفه . .
انا : والله انج بقره يا ساره . .
لبست الروب وفتحت الباب شوي شوي اتلفت اذا زايد موجود او لا . . والحمدلله كان ف الصاله . . طلعت بهدوء وسرت شليت اغراضي . . وانا بدربي سايره الحمام ( عزكم الله ) زايد زقرني . .
زايد : خلصتي
انا صديت عليه زايغه ومتلوومه لانه طالعه جدامه جي . .
انا بصوت مرتبك : ها . . ل .. لا
زايد يضحك . .
انا تميت ارجع على ورا لين دخلت الحمام وسكرت الباب بسرعه . . الله ياخذ بليسس . . تفشلتتتتت . . لبست توب ابيض هاي نيك ويا بنطلون ابيض طويل وكنت بلبس عليه كوت بني طويل بس قلت بلبسه قبل لا اطلع . . طلعت من الحمام وشفته يالس على الشبريه يرمس . .
انا تجاهلت نظراته ويلست على التسريحه عشان اتمكيج . . كنت اجوف زايد من المنظره يشوفني ويضحك . .
زايد : الحمدلله يا ريال الامور مشت بسهوله . . حبيبي تسلم والله . . هيييه افا عليك . . تسلم تسلم . . يامرحبا . . فمان الكريم . .
وسكر زايد . .
زايد قام ويا صوبي وباس راسي : ماتبين تتريقين اول . .
انا اتحمحم : لا ما اشتهي
رن فوني كانت ريم داقه فيديو كول . . سرت يلست على الغنفه اللي عند الدريشه . .
انا : هلووو
ريم : ساروووهه
أنت تقرأ
طبيب جروحي ومالك روحي
خيال (فانتازيا)تُهدم الأحلام بأبسط كلام يُقال ، ولكن بِمُساعدة شخص احتل قلبِك بعزته وحُبك له ، يُبنى كل شيٍ هُدِم. ♡︎
