طبيب جروحي ومالك روحي

بارت ٥

نشيت اليوم الثاني.. ماحصلت اليهال والشنطه مب موجوده.. استغربت قلت بسم الله وين سارو.. فتحت فوني وشفت امون مطرشتلي مسج

امون : سارونه حبيبتي انا شليت العيال ورديت ويا سعود وما بغيت اقومج وازعجج.. كفايا اني متلومه تعبتكم وياي بس شو اسوي انا ما عندي خوات اشكيلهم وانتو اعتبركم خواتي و اكثر الله لا يحرمني منكم

انا : فديت روحج حبيبتي امون نحن خواتج ودوم هني لج.. شو صار على سعود

طرشتلها المسج وسرت اسبح والبس عشان اسير المشغل.. عقب ما طلعت من الحمام ( عزكم الله ) شفت مهوي مطرشتلي

مهوي : ساروه انا ما بسير الدوام اليوم جسمي متكسر وحرارتي مرتفعه اذا ترومين تعالي عندي عقب

انا : قلبي ما تشوفين شر

نزلت تريقت عالسريع وركبت الموتر متجهه للمشغل...

عقب ما خلصت من المحل .. قلت بمر باخذ كوفي و جوكلت حق مهوي وبالمره اتطمن عليها.. سرت خذتلها قررت افاجأها ف سرت بيتهم وانا اعرف انه الصبح محد يكون موجود ميثا تداوم .. وزايد ف الدوام وخالو الله يحفظها تكون راقده

دخلت البيت واول ما دخلت شفت زايد يالس ف الصاله .. انا تلومتتتتتت المشكله حتى مهوي ماتعرف اني بيي ه الوقت لاني ما خبرتها .. يوم شافني انا على طول نزلت راسي وكنت يايه بطلع

زايد : هلا ساره شحالج

انا رديت ع ورا ومنزله راسي : ب.. بخير

زايد : انتي يايه عند مها؟

انا : هيه

زايد : السموحه عاد ماتعرف انج بتين ولا جان ما سارت العياده ويا امايه

انا : عادي حصل خير برد اييها عقب

زايد : هم الحين قريب البيت لانه من الصبح طالعين ف لو تبين عادي ترييها

انا كنت منصدمه كيف بتم وياه روحي : لا عادي بيلس ف الموتر

زايد : افا عليج عيب عليي اخليج يالسه ف السياره والبيت فاضي.. خذي راحتج انا الحين بلبس وبسير الدوام

قلت مدام انه هو بيطلع خلاص بتم.. سرت يلست ف الصاله وهو سار الغرفه.. وانا يالسه شفت امون مطرشتلي مسج وكاتبتلي شو صار وياها هي و سعود

.

.

.

سعود يمسح دموعها : انا تماديت وايد اليوم سامحيني بس لاتردييين تقولين ه الكللللمه مره ثانيه

امون : سعود انته تدري انه حمده مريضه؟ تدري اني كنت خايفه حد يدش علي؟ تدريييي انه بالحظظظظ كان عندي رصيد ودقيت على ساره تشلني؟ تدريييي عن هاااا كللله... وانته طول ه الوقت حتى مسجججج وااااحد ماطرشته تسأل عني ولا عن عيالي