في بيت يدي . .
يدوه : حصوه قومي بدال ما انج يالسه بس جي وساعديني
حصه : يدوووه ماروممم . .
يدوه تهزبها : وااابويه عليييج . . ماترومييين!! هزي طولج قبل لا ايي وامرغج
يدي : خلييييها شتبينهاا
حصه تبتسم بنصر وهي تجوف يدوه . .
دخل عمار الصاله : السلام عليكم
الكل : عليكم السلام
عمار : ياحيج يدوه تلفين ورق عنب . . بس مب تعب عليج ظهرج بيعورج
يدوه تصد على حصه : من الصبح وانا اقول حق فلانه تساعدني والهرمه منسدحه
حصه : والله يدوه اليوم مسويه اظافري بيختربن الحين قوم لموي بييون خلهم هم يسوون
يدوه : انتي يبالج قص على ه اللسان . .
عمار ضحك . .
هزاع و سالم و راشد دشو : السلام عليكم
ردو : عليكم السلام
هزاع : اوهو لو ادري انج هني جان ما ييت
حصه : واللهه يايه عنددد يدوهه و يدييي مب عشان خاطر عيوونك
يدوه : والله لو يايه عشاني جان قمتي وساعدتيني
عمار مات من الضحك : تيبين الكلام حق عمرج ليش
حصه : جب انته . . ماعليه يدوه خلاص زعلت بروح
يدي يضحك : ابويه يلسي انا اباج
تمو يسولفون شوي وعقب يو بنات خوالي ويلسو وياهم . . انا وريم كنا فالبيت ويا ابويه . . سلامه مر عليها ريلها وخلاص ردت بيتها . . عبدالله كان ساير ويا مها بيت امها . . ومريم كانت طالعه . .
انا يالسه روحي ف الصاله . .
زايد دقلي . .
انا : هلا والله
زايد : اهلييين بقلبييي
انا ابتسمت . .
زايد : عندي لج خبر
انا : بشششر
زايد : خلاص رتبت امور القاعه وتأكد الحجز وازيدج بعد . . خلصت امور الجامعه خلاص
أنت تقرأ
طبيب جروحي ومالك روحي
Fantasyتُهدم الأحلام بأبسط كلام يُقال ، ولكن بِمُساعدة شخص احتل قلبِك بعزته وحُبك له ، يُبنى كل شيٍ هُدِم. ♡︎
