طبيب جروحي ومالك روحي

بارت ٣٦

دخلنا وكان المكان شوي زحمه . . تقسمنا على طاولتين . . انا و زايد ويا ريم و راشد . . و هزاع و خواتي ويا بطي ومريم . .

زايد : شو فخاطركم؟

ريم : ماعرف بس المهم آكل من نشيت ما كلت

راشد صد عليها : منو ما كل؟ " صد علي " ساره هاي وياي جي بس ولا حتى قبل لا آخذها؟

انا اضحك : لا تستغرب حتى قبل لا تطلع من بطن امايه

كلهم ضحكو . .

ريم صدت علي : اويه شو يعني ما آكككل!!

زايد يبتسم : اكلي بالعافيه ماعليج منهم

يلسنا نقرر شو ناخذ وعقب نقاش طويل طلبنا . . يلسنا نسولف شوي ويابو الاكل . . عقب عشر دقايق يا حمودي صوبي. .

انا : ها حبيبي كلت؟

حمودي : هيه

انا : شو يقولون عقب ما ياكلون؟

حمودي : ماعرف

انا ابتسم : قول الحمدلله

حمودي : الحمدلله . .

مريم يت : اذا خلصتو خلونا نقوم . .

ريم : يلا خلصنا

حاسبنا وردينا الفان. . تمينا يالسين وحاطين الاغاني ونجوف الاجواء اللي تجنن . . بدا يطيح الثلج ونحن ف الدرب . .

حمود بعيون مليانه فرح : اللههه ثلللج

انا اجوفه وابتسم . .

كملنا دربنا لين ما وصلنا فوق اليبل . . وصلنا هناك ونزلنا . . ماشاءالله على الناس اللي هناك كانو وايد وعرب بعد! يلس حمودي يلعب ب الثلج وغايه تصوره . . ونحن الباقين خذنا السكيتس وسرنا لين فوق عشان نتسابق فيهم . .

صعدنا فوق . .

ريم : ايييييههه ترييونيييي ماعرررف انااا

راشد ميت من الضحك عليها ويساعدها . .

غايه تصرخ : one . . two . . threeee

وكلنا نزلنا مره وحده . . نحن النا سوابق ف ه اللعبه ماعدا ريم لانها ما كانت تحب . . بطي كان اول واحد وراه راشد عقب انا و زايد و مريم ف نفس المستوى وريم اخر وحده ويا ميره . .

بطي وصل اول واحد . .

مريم : عاااششش عاااششش