طبيب جروحي ومالك روحي

بارت ١٣

مريوم ابتسمت وطلعت من الغرفه .. انا يلست اتمكيج واتعدل .. كلام مريم كان ف بالي .. بس كنت احس ب وناسه حلوهه خلتني اسكت عن الموضوع .. وانا اتمكيج دشت امايه علي

امايه : يلا يا ساره بعدج ما خلصتي

انا : مخلصه مخلصه بس باقي كمن شي وبلبس وبكون جاهزه

امايه : جوفي ترا نحن مصلين المغرب وسايرين.. ان تأخرتي بنسير عنج

انا : ان شاءءءء اللله

امايه طلعت عني .. عقب ما خلصت من ويهي .. سرت عشان البس .. كنت مطلعتلي درس بيج فيه نفشه خفيفه .. ويا كعب اسود وعباه مفصصه .. صدقه زايد انا العروس مب مهوي

سرت لبست وتعطرت وتدخنت .. اذن المغرب واخيرا .. صليت وسرت ع السريع اشل شنطتي ونزلت تحت ..

عبود كان واقف عند باب المدخل : عروس عروس سايره ولا جنه انا اللي بعرس

انا اضحك : ماتعرف اختك كشيخه

عبود يمط خدودي : كيف ما اعرفها

انا ضربت ايده : ايييه بتخرب ويهييي

عبود : من زينه

انا : جب جب .. يلا امايه وين

امايه تصرخ من ورا : ييت يييت يلا خلونا نسير

حركنا كلنا ف موتر واحد .. عبدالله يسوق ، امايه حذاله وانا ورا .. وصلنا عندهم وامايه دقت على ام مهوي تخبرها انه نحن برع ..

نزلنا انا و امايه وعبدالله تم ف السياره .. ام مها فتحت الباب : حياكم الله نورتو

امايه سلمت عليها : منور بأهله حبيبتي

انا سرت سلمت عليها ..

ام مها : حبيبتييي سارونه الحلوه .. بسم الله عليج الله يحميج.. شو ه الجمال ..

انا ابتسمت : فديتج خالو عيونج الحلوه

اول ما دخلت جفت انه كمن وحده من عماتها وخالاتها هناك يالسين .. سرنا سلمنا عليهم انا و امايه ويلسنا .. انا عباتي كانت مفتوحه ف ما عقيتها .. فصخت شيلتي وشعري كان مفتوح ..

خالة مها : بسم الله عليج ساره .. جميله

انا ابتسمت بحيا : جمال عيونج مشكوره

امايه كانت تسولف ويا الحريم وخالتها تمت ترمسني وتسأل .. كم عمرج .. شو تدرسين .. معرسه ولا  .. وانا طبعا يلست ارد عليها ...