طبيب جروحي ومالك روحي

بارت ٢٥

عقب ما قامو خواتي يلسنا كلنا ف الصاله ويا ابويه . .

ريم : يلااا ابوووويه ارمس مافيني صبررر

ابويه : اصبري يا اميه خلي اختج توصل

ريم تتأفف . .

سلامه دشت : السلام عليكم

نحن : عليكم السلام . .

ريموه : ابويه هاذي يت يلا قول

ابويه يضحك : انزين . .

هزاع : ابويه شو السالفه شو ه الكتاب

ابويه : ها الكتاب سويناه انا و امكم الله يرحمها اول ما ربت ب عبدالله . . وكنا نيلس ونكتب فيه كل شي خاشينه عنكم . . مواضيع انتو ما تعرفونها. . وفيها صور وايد غاليه ع قلوبنا . . وام مها كانت ربيعة امكم و وايد قريبه منها . . قررو هم الهنتين انهم يسوون الكتب و عقب ما خلصو عطوهم بعض . . واتفقو انه اذا لا سمح الله صار شي . . يعطون الكتاب حق العيال . . وانا البارحه شفته عند ساره و شليته . . يلست اقراه وحسيت بكسر و بفرح على الاشياء اللي فيه . . وانا بخليلكم اياه هني . . انتو اقروه وجوفو شو فيه . . انا بسير عند يدكم

حط ابويه الكتاب على الطاوله وطلع . .

مريم : ريوم قومي هاتيه . .

ريم : تعالو يلسو . .

يلسنا كلنا تحت . . ريم فتحت الكتاب . . اول ما فتحته جفنا صورنا كلنا ونحن صغار . . يلسنا نجلب وسرنا على اول صفحه كان مكتوب عليها كلام طويل عن عبدالله . .

هزاع : هاتي بقراه . .

" اميه : اول فرحتي بدت بولدي عبدالله . . اللي ان شاء الله بيكبر ويا اخوانه من امه . ."

استغربنا . .

هزاع كمل . .

" انا يوم حملت ف عبدالله توفى ابوه قبل لا اربي لانه كان فيه المرض . . كان ريال طيب و متشفق انه يشوف ولده . . بس الله ما كتب . . كنت وايد مكسوره ف هاي الفتره . . عقب ما ربيت ماعرفت شو اسوي وكيف بربي الولد روحي . . سرت وعشت ف بيت يدكم . . وكان وايد حنون علي هو و امايه . . وعقب ما خلصت عدتي . . شافني ابوكم وهو ياي يسلم على يدتكم ( لانه ابويه يستوي ولد خال امايه ، و كان وايد قريب من يدي و يدوه )

قررو انهم يزوجونا لانه غلاة ابوكم عندهم كانت غير . . عرسنا انا و ابوكم . . كان وايد طيب ويا عبدالله ويعامله على انه ولده و وايد تقرب منه . . والحمدلله كبر عبدالله و كان متعلق فينا بس قررنا انه ما نصارحه ب ه الشي لين ما يكبر . . عقب ما كبر عبدالله وقلناله . . حب انه يخلي الشي بيننا نحن الثلاث وما نخبركم . .