وصلنا بيت يدي والاولاد كانو يالسين ف الصاله يلعبون ورقه و يدوه و يدي يالسين
انا + مريم : السلام عليكم
الكل : وعليكم السلام
سرت بست يدي و يدوه ع راسهم و حضنتهم .. احس اشتتتقتتتت حق ه الاحضاااان ..
يدي : تحبين الكعبه ابويه
يدوه : فديت روحج يالغاليه ..
سعيد : يالله ي الدلع اللي على ساروه
انا لفيت عليه : نعم شو تبا انته كيفي ابا احضن يدوه
سيف : هيه عاد يوم تي عند ساروه المفروض تسكت ولا اللي هني بيذبحونك " يأشر على يدي و يدوه "
يدي : سيفوه يالهرم .. عاد هاي الغاليه محد يقولها شي
حصه و لموي و عزه دشو : السلام عليكم
الكل : و عليكم السلام
سعود : اخيج علينا جوفو منو يا
راشد : يالله عاد جفت انته
الباقين يضحكون ...
حصه : واللههه عاااددد يايييين بيييت يديييي انتووو اطلعووو
سيف : بس جب لا تصارخين
حصه تلف على يدوه : يدوهههه جوفيهمممم
يدوه : بس انطبو .. فديت الحص محد يقولها شي
حصه تلف على الاولاد وتسويلهم مالت وببتسامة انتصار
امون دشت : السلام عليكم
ردو عليها السلام .. سارت باست يدوه على راسها
سعود : العيال وين
امون : يلعبون برع
سعود : منو وياهم
امون : الخدامه
سعود : وانتي بس مخلتنهم ويا ه الخدامه
امون تلومت ونزلت راسها
يدوه : وانته شو خانتك ابوهم منسدح هنه .. جان سرت جابلتهم
سعود : اجابلهم يدوه والله بس ترا اكون مشغول
يدي : الله و الشغل اللي عندك عاد
انا : امون حياتي شحالج شو مسويه
امون تبتسم : الحمدلله
أنت تقرأ
طبيب جروحي ومالك روحي
Fantasíaتُهدم الأحلام بأبسط كلام يُقال ، ولكن بِمُساعدة شخص احتل قلبِك بعزته وحُبك له ، يُبنى كل شيٍ هُدِم. ♡︎
