طبيب جروحي ومالك روحي

بارت ١٩

انا : العنايه؟؟ ليشششش شو فيهمممممم

مريم تصيح : سوو حادث ..

انا : بسم الله اليومممم الصبح كنت يالسه وياهمممم..

عبدالله دش يصارخ : بسرررعهههه خلوناااا نسيررررر

انا ركضتتتت داخل ولبست عباتي وسرنا انا و عبدالله و مريم .. ماكنت اعرف هزاع و ريم وين .. وصلنا المستشفى وشفت سلامه و سلطان وخالو حور يالسين يصيحون

عبدالله بصوت مرتبك : صار شي

سلطان يهز راسه : بعدهم محد طلع

مريم سارت حظنت سلامه وتصيح بصوت مب مسموع .. دشو ريم و هزاع ويا خالو نوره

خالو نوره تدمع عيونها : حبايبي خبروكم شي؟

مريم : لا خالوه بعدهم

سلامه تيود بطنها : بطنيييي

سلطان سار صوبها : سلامه بلاج

سلامه تدمع عيونها وتتنفس بسرعه : سلطان بطنننييي...

سلطان زاعق عشان يزقر النيرس .. يو شلوها عشان يشوفون شو فيها وسار سلطان و مريم وياها ...

( عقب نص ساعه )

نحن يالسين على اعصابنا محد طلع وقال شي.. رن فوني ..

انا : هاه مريوم

مريم : سارووهه سلامه بتربييي

انا : شووو!! بعده على رباهاا ..

مريم : سار سلطان وقع وهي معانده تقول ابا اجوف امايه وابويه .. دخيلج تعالي

انا اتنهد وقمت بسرعه : يلا يلا بييي

وسكرت عنها ..

عبدالله : وين سايره

انا : سلامه بتربي ومب راضيه الا تجوف قوم امايه

خالو نوره : الله يهديها خلاص خ تدش ماعليهم شر ان شاء الله

خالو حور سحبتني : تعالي خلينا نسيرلها

تمو عبدالله و هزاع و ريم وخالو هناك .. سرنا انا وخالو حور ودخلنا الغرفه عند سلامه.. كانت تصيح وسلطان و مريم يالسين يهدونها ..

سلامه : ابا اجوفهم .. اخاف ما اطلع من الغرفه هاي وانا ماشفتهم وما سلمت عليهم ..