طبيب جروحي ومالك روحي

البارت ١

الساعه 6 الصبح...

ساره: اصبحنا واصبح الملك لله . . شو ه الازعاج؟

سلامه تنش : شووو مستوووييي ع الصببببح . .

نشو مريم و ريم يتلفتون . . سارو البنات صوب الجامه ويسمعون صريخ الخدامه ويا الدريول . .

ساره : انا بسير اتفاهم وياهم . .

ردو البنات كل وحده على فراشها ورقدو . . انا نزلت وحطيت شيله ع راسي . .

انا: خير خير شو مستوي . .

الخدامه: هو يبا انا روح بلاد وانا مايريد . .

نحن ما كان عندنا شغاله قبل . . كنا نحن البنات اللي ننش من الصبح ونغسل و ننظف و نطبخ . . بس عقب ما ابوي الله يحفظه ياب الدريول قاله بييب حرمتي وشغلوها هني عندكم . .

انا: ليش شو فيج شحقه تردين . .

الخدامه: هو قال لازم حد روح عند ام ماله عشان هو تعبان . .

صدعت من نفس الموال كل يوم قلتلها خلاص ما بتروحين وانا بخلي عبدالله يرمس وياه . . سرت الغرفه فوق و رديت ارقد . .

كان بعده ثاني اسبوع من عطلة الربيع .. انا وخواتي دوم نرقد مع بعض مع انه كل وحده عندها غرفة روحها بس يحبون يتيمعون عندي فليل يسولفون ومايحسون بعمارهم الا و هم راقدين عندي .. انا و سلامه توأم ونتشارك ف كل شي اما مريوم و ريوم توأم بعد بس عكسنا ف كل شي.. فرق العمر كان شوي بيننا ..انا و سلامه اكبر عن مريم و ريم ب سنتين.. نحن 22 سنه وهم 20

ترتيبهم :
عبدالله : 28 سنه
ساره + سلامه : 22 سنه
مريم + ريم : 20 سنه
هزاع : 19 سنه

انتبهت ع الساعه وكانت 2 الظهر وانصدمت اني راقده لين ه الوقت! بس قلت عادي بحكم انه نحن ف اجازه وتونا مخلصين ف اريح . .

سلامه دشت الغرفه : انتي بعدددج راقددده!! يلا قومي تأخرنااا . .

انا : اوييييه نسيييت اليوم بنسير المعرضضض . .

نشيت و بدلت ثيابي و لبست عباتي . .

انا و خواتي عندنا مشروع ثياب . . كل وحده فينا مبدعه ب شي . . مريم تحب ترسم وتطلع افكار للثياب ما تحطونها ف بالكم . . ريم كانت تحب تنسق الالوان و الاكسسوارات والنعله والشنط ويا بعض اما اذا يينا على سلامه فهي تعشق شي اسمه تصوير . . لو كانت تمشي على اخر نفس وبتكون نهايتها بتقول صبرو بصور . . والصراحه تصوريها يجنن . . اما انا . .  كان حلمي من يوم انا صغيره اني اكون دكتوره . . بس الله مب كاتب . .  ف انا كنت ماسكه المشروع كامل وارد على الزباين . . تعاونا انا و خواتي وكل وحده حطت موهبتها وتفننا ويا بعض لين ما الحمدلله كبر المشروع وصار معروف . .